അഞ്ചാം സീസണിലും മുമ്പനായി എംബാപ്പെ

പാരീസ് : തുടർച്ചയായ അഞ്ചാം സീസണിലും ഫ്രഞ്ച് ലീഗ് വൺ ഫുട്ബാളിൽ ഏറ്റവും കൂടുതൽ ഗോളുകൾ നേടിയ താരത്തിനുള്ള ഗോൾഡൻ ബൂട്ട് സ്വന്തമാക്കി പി.എസ്.ജിയുടെ സൂപ്പർ താരം കിലിയൻ എംബാപ്പെ. ഈ സീസണിൽ 29 ഗോളുകളാണ് എംബാപ്പെ നേടിയത്.ഫ്രഞ്ച് ലീഗിൽ തുടർച്ചയായി അഞ്ച് സീസണുകളിൽ ടോപ് സ്‌കോററാകുന്ന രണ്ടാമത്തെ മാത്രം താരമാണ് എംബാപ്പെ. ഒളിമ്പിക് മാഴ്‌സെയുടെ ജീൻ പിയറി പാപ്പിനാണ് ആദ്യമായി ഈ നേട്ടം സ്വന്തമാക്കിയത്. 1987 മുതൽ 1992 വരെയാണ് ജീൻ പിയറി ടോപ് സ്‌കോററായിരുന്നത്. ലിയോണിന്റെ അലക്‌സാണ്ടർ ലക്കസെറ്റെയാണ് സീസണിൽ ഗോളടിയിൽ രണ്ടാം സ്ഥാനത്ത്. മുൻ ആഴ്‌സനൽ താരമായ ലക്കസെറ്റെ 27 ഗോളുകൾ നേടി എംബാപ്പെയ്ക്ക് കടുത്ത വെല്ലുവിളി ഉയർത്തി.