റിലീസ് ദിവസം  സ്‌ത്രീ വേഷത്തിൽ തിയേറ്ററിലെത്തി സംവിധായകൻ രാജസേനൻ; ഞെട്ടി ആരാധകർ

തന്റെ സിനിമ റിലീസ് ദിവസം തിയേറ്ററിൽ സ്‌ത്രീ വേഷത്തിൽ എത്തി സംവിധായകൻ രാജസേനൻ. കൊച്ചിയിലെ തിയേറ്ററിലാണ് സംഭവം. രാജസേനൻ സംവിധാനം ചെയ്ത 'ഞാൻ പിന്നെയൊരു ഞാനും' എന്ന സിനിമയുടെ റിലീസ് ദിവസമാണ് രാജസേനൻ മേയ്‌ക്കോവർ നടത്തിയത്. രാജസേനന്റെ പുതിയ ലുക്ക് സോഷ്യൽ മീഡിയയിൽ വലിയ രീതിയിൽ പ്രചരിക്കുന്നുണ്ട്.

അഞ്ച് വർഷത്തിന് ശേഷം രാജസേനൻ ഒരുക്കുന്ന ചിത്രം എന്ന പ്രത്യേകതയും 'ഞാൻ പിന്നെയൊരു ഞാനും' എന്ന സിനിമയ്ക്കുണ്ട്. ചിത്രത്തിന്റെ തിരക്കഥയും രാജസേനന്റെതാണ്. ക്ലാപ്പിൻ മൂവി മേക്കേഴ്സ് പ്രെെവറ്റ് ലിമിറ്റഡ് നിർമിക്കുന്ന ചിത്രത്തിൽ ഇന്ദ്രൻസ്, സുധീർ കരമന, ജോയ് മാത്യു, മീര നായർ, ആരതി നായർ എന്നിവരും അഭിനയിച്ചിട്ടുണ്ട്. ചിത്രത്തിലെ പ്രധാന കഥാപാത്രമായ തുളസീധര കെെമളിനെ അവതരിപ്പിച്ചിരിക്കുന്നത് രാജസേനൻ തന്നെയാണ്. ഒരു ക്രൈം ഇൻവെസ്റ്റിഗേഷൻ വിഭാഗത്തിൽപ്പെടുന്ന ചിത്രമാണിത്.