കടയ്ക്കൽ താലൂക്ക് ആശുപത്രിയിൽ മൃതദേഹം മാറി നൽകി

 രണ്ട് ജീവനക്കാർക്ക് സസ്‌പെൻഷൻ

നിലമേൽ: കടയ്ക്കൽ താലൂക്ക് ആശുപത്രി മോർച്ചറിയിൽ സൂക്ഷിച്ചിരുന്ന മൃതദേഹം ബന്ധുക്കൾക്ക് മാറി നൽകിയ വീഴ്‌ച‌യ്‌ക്ക് രണ്ട് ജീവനക്കാരെ സസ്പെൻഡ് ചെയ്‌തു.

കടയ്ക്കൽ വാച്ചിക്കോണം ഗോ​കു​ല​ത്തിൽ വാമദേവന്റെ (68) മൃതദേഹത്തിന് പകരം ബന്ധുക്കൾക്ക് നൽകിയത് കടയ്ക്കൽ സ്വദേശി രാജേന്ദ്രന്റെ മൃതദേഹമാണ്.

ആ​രോ​ഗ്യ​മ​ന്ത്രി വീ​ണ ജോർ​ജ് ആ​ശു​പ​ത്രി സൂ​പ്ര​ണ്ടി​നോ​ട് വി​ശ​ദീ​ക​ര​ണം തേ​ടി. ഗ്രേ​ഡ് 2 ജീ​വ​ന​ക്കാ​രി ര​ഞ്​ജി​നി, ന​ഴ്‌​സ് ഉ​മ എ​ന്നി​വ​രെയാണ് അ​ന്വേ​ഷ​ണ വി​ധേ​യ​മാ​യി സ​സ്‌​പെൻഡ് ചെ​യ്​തത്.

തി​രു​വ​ന്ത​പു​ര​ത്ത് സ്വ​കാ​ര്യ ആ​ശു​പ​ത്രി​യിൽ ചികിത്സയിലായിരുന്ന വാ​മ​ദേ​വൻ ക​ഴി​ഞ്ഞ ദി​വ​സ​മാ​ണ് മ​രി​ച്ച​ത്. മൃ​ത​ദേ​ഹം ക​ട​യ്​ക്കൽ താ​ലൂ​ക്ക് ആ​ശു​പ​ത്രി മോർ​ച്ച​റി​യിലാണ് സൂ​ക്ഷിച്ചത്. ഇ​ന്ന​ലെ രാ​വി​ലെ ബ​ന്ധു​ക്കളെത്തി മൃ​ത​ദേ​ഹം ഏ​റ്റു​വാ​ങ്ങി വീ​ട്ടി​ലെ​ത്തിച്ചു. ആം​ബു​ലൻ​സിൽ നി​ന്ന് പു​റ​ത്തെ​ടു​ത്ത​പ്പോ​ഴാ​ണ് മൃതദേഹം മാ​റി​യ​താ​യി സ​ഹോ​ദ​ര​ങ്ങളുടെ ശ്രദ്ധയിൽപ്പെട്ടത്.

മൃ​ത​ദേ​ഹ​വു​മാ​യി ബന്ധുക്കൾ തി​രി​കെ ആശു​പ​ത്രി​യി​ലെ​ത്തിയപ്പോൾ സംഘർഷത്തിലേക്ക് നീങ്ങിയെങ്കിലും കടയ്ക്കൽ പൊലീസ് സ്ഥിതി നിയന്ത്രിച്ചു. തുടർന്ന് ബന്ധുക്കൾ വാമദേവന്റെ മൃതദേഹം ഏ​റ്റു​വാ​ങ്ങി വീ​ട്ടി​ലെ​ത്തി​ച്ച് സം​സ്​ക​രി​ച്ചു.

ജി​ല്ലാ മെ​ഡി​ക്കൽ ഓ​ഫീ​സർ​ക്ക് റി​പ്പോർ​ട്ട് നൽകിയെന്നും കൂ​ടു​തൽ അ​ന്വേ​ഷ​ണം ന​ട​ത്തു​മെ​ന്നും ആശുപത്രി സൂ​പ്ര​ണ്ട് പ​റ​ഞ്ഞു.

മൃതദേഹം ബന്ധുക്കളെ കാണിച്ചിരുന്നു. വാമദേവൻ ഏറെ നാൾ വെന്റിലേറ്ററിൽ ആയിരുന്നതിനാൽ ഒറ്റ നോട്ടത്തിൽ ബന്ധുക്കൾക്ക് തിരിച്ചറിയാൻ കഴിഞ്ഞില്ല. അതാണ് മാറിപ്പോകാൻ കാരണം.

ആശുപത്രി സൂപ്രണ്ട്

മൃതദേഹത്തിൽ പുതയ്ക്കാനുള്ള തുണിയും മറ്റും വാങ്ങാൻ ബന്ധുക്കൾ പുറത്ത് പോയിരുന്നു. ഇവരെ പിന്നീട് മോർച്ചറിയിലേക്ക് കടക്കാൻ അനുവദിച്ചില്ല. ത​ങ്ങ​ളെ കു​റ്റ​പ്പെ​ടു​ത്തു​ന്ന സ​മീ​പ​ന​മാ​ണ് ആ​ശു​പ​ത്രി അ​ധി​കൃ​തർ സ്വീകരിച്ചത്.

ബന്ധുക്കൾ