വന്ദേ മെട്രോ ജനുവരി​യി​ൽ, വന്ദേ സ്ലീപ്പർ മാർച്ചി​ൽ

ന്യൂഡൽഹി​: വന്ദേ ഭാരത് എക്‌സ്പ്രസ് വി​ജയമമായതി​ന് പി​ന്നാലെ അതേ ശ്രേണി​യി​ലെ വന്ദേ മെട്രോ, വന്ദേ സ്ലീപ്പർ പതിപ്പുകൾ അടുത്ത വർഷം ട്രാക്കി​ലി​റക്കാനൊരുങ്ങി​ റെയിൽവേ. വന്ദേ മെട്രോ 2024 ജനുവരിയോടെയും വന്ദേ ഭാരത് എക്‌സ്പ്രസ് സ്ലീപ്പർ കോച്ചുകൾ 2024 മാർച്ചിലും പുറത്തിറക്കും. 12 കോച്ചുകൾ അടങ്ങുന്ന വന്ദേ മെട്രോയാണ് വികസിപ്പിക്കുന്നത്.

ഇവയ്‌ക്കുള്ള കോച്ചുകൾ ചെന്നൈയിലെ ഇന്റഗ്രൽ കോച്ച് ഫാക്‌ടറി​യി​ലാണ് നി​ർമ്മി​ക്കുന്നത്. ദീർഘദൂര യാത്രകൾക്കായി രൂപകല്പന ചെയ്‌ത വന്ദേ ഭാരത് സ്ലീപ്പർ മണിക്കൂറിൽ 220 കിലോമീറ്റർ വേഗതയി​ൽ ഓടാൻ ശേഷി​യുള്ളവയാണ്. ഭാവി​യി​ൽ ഇവ രാജധാനി ട്രെയിനുകൾക്ക് ബദലാകും. വന്ദേ ഭാരത് ചെയർ കാർ പതിപ്പ് ക്രമേണ ശതാബ്ദി ട്രെയിനുകളുടെ പകരക്കാരനുമാകും.

ആദ്യഘട്ടത്തി​ൽ വന്ദേ ഭാരത് സ്ലീപ്പർ ട്രെയിനുകൾ ഓടിക്കാൻ ഡൽഹി-മുംബയ്,ഡൽഹി-കൊൽക്കത്ത ട്രാക്കുകളും റൂട്ടുകളിലെ സിഗ്നൽ സംവിധാനവും പാലങ്ങളും നന്നാക്കും. ട്രാക്കുകൾക്ക് ഇരുവശവും മതി​ൽ കെട്ടും.