ദക്ഷിണാഫ്രിക്ക - അഫ്‌ഗാനിസ്ഥാൻ വാംഅപ്പ് മത്സരം ഇന്ന്

തിരുവനന്തപുരം: ഏകദിന ലോകകപ്പിനുള്ള ടീമുകളുടെ അവസാനവട്ട പരിശീലന മത്സരങ്ങൾക്ക് ഇന്ന് മുതൽ കാര്യവട്ടം ഗ്രീൻഫീൽഡ് സ്റ്റേഡിയം വേദിയാകും. ഇന്ന് ഉച്ചയ്ക്ക് രണ്ടിന് തുടങ്ങുന്ന വാം അപ്പ് മത്സരത്തിൽ ദക്ഷിണാഫ്രിക്കയും അഫ്‌ഗാനിസ്ഥാനും തമ്മിൽ ഏറ്റുമുട്ടും. ആദ്യമായിട്ടാണ് ലോകകപ്പ് സന്നാഹ മത്സരങ്ങൾക്ക് കേരളം വേദിയാകുന്നത്. ദക്ഷിണാഫ്രിക്കയും അഫ്‌ഗാനിസ്ഥാനും കഴിഞ്ഞ ദിവസങ്ങളിൽ ഗ്രീൻഫിൽഡിൽപരിശീലനം നടത്തിയിരുന്നു.45,​000 സീറ്റുകളുള്ള സ്റ്റേഡിയത്തിൽ ഐ.സി.സി നിബന്ധന പ്രകാരം വാം അപ്പ് മത്സരങ്ങൾക്ക് 30,​000 കാണികൾക്കേ പ്രവേശനം അനുവദിക്കൂ. നാളെ നടക്കുന്ന പരിശീലന മത്സരത്തിൽ ഇവിടെ ഓസ്ട്രേലിയയും നെതർലൻഡ്‌സും തമ്മിൽ ഏറ്റുമുട്ടും. ഒക്ടോബർ 2ന് ന്യൂസിലൻഡ് -ദക്ഷിണാഫ്രിക്ക മൂന്നിന് ഇന്ത്യ - നെതർലൻഡ്സ് സന്നാഹ മത്സരങ്ങൾക്കും കാര്യവട്ടം വേദിയാകും.