സനലിന്റെ സുരേഷ് ഗോപി ചിത്രത്തിൽ ഇഷ തൽവാർ

സുരേഷ് ഗോപി,സൂരജ് വെഞ്ഞാറമൂട്,​ ഗൗതം മേനോൻ എന്നിവരെ പ്രധാന കഥാപാത്രങ്ങളാക്കി സനൽ വി. ദേവൻ സംവിധാനം ചെയ്യുന്ന പേരിടാത്ത ചിത്രത്തിൽ ഇഷ തൽവാർ. എറണാകുളം കാലടിയിൽ ചിത്രീകരണം പുരോഗമിക്കുന്ന ചിത്രത്തിന്റെ അടുത്ത ഷെഡ്യൂളിൽ ഇഷ ജോയിൻ ചെയ്യും. ജനുവരി 8ന് ആദ്യ ഷെഡ്യൂൾ പൂർത്തിയാകും. സുരേഷ് ഗോപിയുടെ മകളുടെ വിവാഹശേഷമാണ് ചിത്രത്തിന്റെ രണ്ടാമത്തെ ഷെഡ്യൂൾ ആരംഭിക്കുക.

തട്ടത്തിൻ മറയത്ത് സിനിമയിൽ ആയിഷ എന്ന കഥാപാത്രമായി മലയാളത്തിലേക്ക് എത്തിയ ഇഷ തൽവാർ ഐ ലൗ മി, ബാല്യകാലസഖി, ബാംഗ്ളൂർ ഡെയ്സ്, തീർപ്പ് തുടങ്ങി നിരവധി ചിത്രങ്ങളിൽ അഭിനയിച്ചിട്ടുണ്ട്. വിനീത് ശ്രീനിവാസൻ, നിഖില വിമൽ എന്നിവരെ പ്രധാന കഥാപാത്രമാക്കി എം. മോഹനൻ സംവിധാനം ചെയ്യുന്ന ഒരു ജാതി ജാതകം ആണ് ഇഷയുടേതായി റിലീസിന് ഒരുങ്ങുന്ന ചിത്രം.

അതേസമയം, സുരേഷ് ഗോപിയുടെ ഇരുന്നൂറ്റിയമ്പത്തിയേഴാമത്തെ ചിത്രമാണ് സനൽ വി. ദേവൻ സംവിധാനം ചെയ്യുന്നത്. മാവെറിക് മൂവീസ് പ്രൈവറ്റ് ലിമിറ്റഡ്, സഞ്ജയ്‌ പടിയൂർ എന്റർടെയ്ൻമെന്റ്‌സുമായി സഹകരിച്ച് വിനീത് ജെയിൻ, സഞ്ജയ് പടിയൂർ എന്നിവർ ചേർന്നാണ് നിർമ്മാണം. കഥ-ജിത്തു കെ. ജയൻ, മനു സി. കുമാർ. മനു സി കുമാർ തിരക്കഥയും സംഭാഷണവും എഴുതുന്നു. അജയ് ഡേവിഡ് കാച്ചപ്പിള്ളി ആണ്ഛായാഗ്രഹണം. സംഗീതം രാഹുൽ രാജ്, എഡിറ്റർ-മൻസൂർ മുത്തുട്ടി,കോ പ്രൊഡ്യൂസർ- മനോജ് ശ്രീകാന്ത (ആഷ്ട്രീ വെഞ്ചേഴ്‌സ്) എക്‌സിക്യൂട്ടീവ് പ്രൊഡ്യൂസർ- രാജാസിംഗ്,കൃഷ്ണ കുമാർ,ലൈൻ പ്രൊഡ്യൂസർ ആര്യൻ സന്തോഷ്, ആർട്ട്-സുനിൽ കെ ജോർജ്ജ്, പ്രൊഡക്ഷൻ കൺട്രോളർ പൗലോസ് കുറുമറ്റം, പ്രൊഡക്ഷൻ എക്‌സിക്യൂട്ടീവ്- അഭിലാഷ് പൈങ്ങോട്.