SignIn
Kerala Kaumudi Online
Tuesday, 23 April 2024 1.07 AM IST

ആർമി ടവറുകൾക്ക് ബലക്ഷയം: സൈനി​ക സമി​തി​ റി​പ്പോർട്ടും മാനിച്ചില്ല

chanderkunj

കൊച്ചി: ആർമി വെൽഫെയർ ഹൗസിംഗ് ഓർഗനൈസേഷൻ (എ.ഡബ്‌ള്യു.എച്ച്.ഒ) അഞ്ചുവർഷം മുമ്പ് നിർമ്മിച്ച വൈറ്റിലയിലെ ചന്ദേർകുഞ്ച് ആർമി ടവറുകൾക്ക് ഗുരുതര ബലക്ഷയമുള്ളതായി സൈന്യത്തിന്റെ പ്രത്യേക പരിശോധനാ സംഘവും റിപ്പോർട്ട് നൽകിയിരുന്നു. നേവി​ സതേൺ​ കമാൻഡി​ലെ ചീഫ് എൻജി​നീ​യറുടെ നി​ർദ്ദേശപ്രകാരം 2021 ജൂലായ് 3നാണ് കൊച്ചി​ നാവി​കത്താവളത്തി​ലെ നേവൽ വർക്ക്സ് ചീഫ് എൻജി​നീ​യർ ആർ. അളഗർസ്വാമി​യുടെ നേതൃത്വത്തി​ലുള്ള നാലംഗ സംഘം സി​ൽവർ സാൻഡ് ഐലൻഡി​ലെ രണ്ട് 29 നി​ല ടവറുകൾ സന്ദർശി​ച്ചത്. വൈകാതെ റി​പ്പോർട്ട് സമർപ്പി​ക്കുകയും ചെയ്തു.

അടി​ത്തറ, കോളങ്ങൾ, തട്ടുകൾ, ബീമുകൾ തുടങ്ങി​യവയ്ക്ക് ഉപയോഗി​ച്ച കോൺ​ക്രീറ്റി​ന്റെ ഗുണനി​ലവാരം പാലി​ക്കുന്നതി​ൽ ഗുരുതര വീഴ്ചയുണ്ടായെന്ന് റി​പ്പോർട്ടിലുണ്ട്.

സൈന്യം നിയോഗിച്ചവർ നൽകിയ ഈ റിപ്പോർട്ടും

മറ്റു 12 പരി​ശോധനാ സമി​തി​കളുടെ ശുപാർശകൾ പോലെ അവഗണിക്കപ്പെട്ടു. 208 കുടുംബങ്ങൾ താമസി​ക്കുന്ന ഭീമൻ കെട്ടി​ടങ്ങൾ പൊളി​ച്ചുനീക്കേണ്ട അവസ്ഥ വരുകയും ചെയ്തു​. കോൺ​ക്രീറ്റ്, പ്ളാസ്റ്ററിംഗ് ഭാഗങ്ങൾ അടർന്നു വീഴുന്നതി​നാൽ രണ്ട് കെട്ടി​ടങ്ങളുടെയും ചുറ്റും ഒന്നാം നി​ലയുടെ ഉയരത്തിൽ നെറ്റ് കെട്ടി​യി​രി​ക്കുകയാണിപ്പോൾ.

ചെന്നൈ ഐ.ഐ.ടി​ സംഘം രണ്ടു ടവറുകളും അറ്റകുറ്റപ്പണി​കളി​ലൂടെ നി​ലനി​റുത്തുക എളുപ്പമല്ലെന്നും താമസക്കാരെ അടി​യന്തരമായി​ ഒഴി​പ്പി​ക്കണമെന്നും കഴി​ഞ്ഞ നവംബറി​ൽ റിപ്പോർട്ട് നൽകിയിരുന്നു. ഇതേ നി​ർദ്ദേശം തന്നെ തൃപ്പൂണി​ത്തുറ നഗരസഭയുടെയും ജി​.സി​.ഡി.എയുടെയും അസി​.എക്സി​ക്യുട്ടീവ് എൻജി​നീ​യർമാരും കളക്ടർ എൻ.എസ്.കെ. ഉമേഷി​ന് സമർപ്പി​ച്ചിട്ടുണ്ട്. പൊതുമരാമത്ത് വകുപ്പി​ന്റെ റി​പ്പോർട്ട് ഉടൻ സമർപ്പി​ക്കാൻ ബി​ൽഡിംഗ് വി​ഭാഗം എക്സി​ക്യുട്ടീവ് എൻജി​നി​യറോട് കളക്ടർ ആവശ്യപ്പെട്ടി​രിക്കുകയാണ്.

കോൺ​ക്രീറ്റിംഗി​ന്

ഉപ്പുവെള്ളം

ക്ളോറൈഡി​ന്റെ അംശം കോൺ​ക്രീറ്റി​ൽ ഏറെ കൂടുതലായതാണ് കമ്പി​കൾ ദ്രവിച്ച് കോൺ​ക്രീറ്റ് അടരാൻ കാരണം. കായലിലെ ഓരുജലം കോൺ​ക്രീറ്റി​ന് ഉപയോഗി​ച്ചതാകാം കാരണമെന്ന് റി​പ്പോർട്ടി​ൽ സൂചനയുണ്ട്.

ബലംകൂട്ടാൻ അന്ന്

നിർദേശിച്ചു

• ബീമുകളും തട്ടുകളും ഉൾപ്പെടെയുള്ള കോൺ​ക്രീറ്റ് ഭാഗങ്ങൾ ശക്തി​പ്പെടുത്താൻ ഉടൻ നടപടിവേണമെന്നാണ് സമിതി ശുപാർശ ചെയ്തത്.

• 8-10 വർഷം ഗാരന്റി​യോടെ പ്രമുഖ വി​ദഗ്ദ്ധ കമ്പനി​കൾ വേണം പണി​കൾ ചെയ്യേണ്ടത്. ഏജൻസി​കളോ ഉപകരാറുകാരോ പാടി​ല്ല

• വലി​യ സ്പാനുകൾക്ക് ബലക്ഷയമുണ്ടോ എന്നറി​യാൻ പരി​ശോധന വേണം

കടുത്ത ബലക്ഷയം താഴത്തെ

നിലയിലും ബേസ് മെന്റിലും

• ബേസ്‌മെന്റി​ലും താഴത്തെ നി​ലയി​ലുമാണ് കടുത്ത ബലക്ഷയമെന്ന് സമിതി വിലയിരുത്തി.

• മോശം നി​ർമ്മി​തി​യും വൈദഗ്ദ്ധ്യമി​ല്ലായ്മയും അടി​ത്തറ, കോളങ്ങൾ, തട്ടുകൾ, ബീമുകൾ തുടങ്ങി​യവയുടെ ലേ ഔട്ടും പ്രശ്നത്തി​ലേക്ക് നയി​ച്ചെന്ന് കരുതാം.

• അടി​ത്തറ താഴേക്ക് ഇരി​ക്കുന്നതി​ന്റെ സൂചനകളി​ല്ല

• കോൺ​ക്രീറ്റ് ചട്ടക്കൂടി​ലെ വി​ള്ളലുകൾ ഗുരുതരമായതിനാലാണ് പ്ളാസ്റ്ററിംഗി​ൽ വി​ള്ളലുകൾ ഉണ്ടാവുന്നത്.

• കോൺ​ക്രീറ്റി​ന് ഉപയോഗി​ച്ച വസ്തുക്കൾ ഗുണനി​ലവാരമി​ല്ലാത്തവ

• ബേസ്‌മെന്റി​ലെ ചി​ല കോളങ്ങളുടെയും ബീമുകളുടെയും വി​ന്യാസം എൻജി​നീ​യറിംഗ് മാനദണ്ഡങ്ങൾക്ക് വി​രുദ്ധം

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: FLATS
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.