ബാറിലെ കത്തിക്കുത്ത്: ഒരു പ്രതി കൂടി അറസ്റ്റിൽ

അങ്കമാലി: യുവാവിനെ കുത്തിക്കൊലപ്പെടുത്താൻ ശ്രമിച്ച കേസിൽ കറുകുറ്റി പുത്തൻപുരയ്ക്കൽ വീട്ടിൽ റിതിൻ ബേബി (26) യെ അങ്കമാലി പൊലീസ് അറസ്റ്റ് ചെയ്തു. കറുകുറ്റിയിലെ ബാറിൽ കഴിഞ്ഞ 28 നാണ് അങ്കമാലി സ്വദേശി ഡോണിന് കുത്തേറ്റത്. കേസിൽ മൂന്ന് പേരെ അറസ്റ്റ് ചെയ്തിരുന്നു.

രണ്ട് സംഘങ്ങൾ തമ്മിലുണ്ടായ വാക്കേറ്റമാണ് കത്തിക്കുത്തിൽ കലാശിച്ചത്. ഡോണിനെ കത്തിയെടുത്തു കുത്തുകയും കൂടെയുണ്ടായിരുന്ന രണ്ട് പേരെ സോഡാ കുപ്പി കൊണ്ട് അടിക്കുകയുമായിരുന്നു. സംഭവശേഷം പ്രതികൾ ഒളിവിലായിരുന്നു. ഡിവൈ.എസ്.പി ടി.ആർ. രാജേഷ്, ഇൻസ്പെക്ടർ സോണി മത്തായി, എസ്.ഐ പ്രദീപ് കുമാർ ,എം.എസ്. ബിജേഷ് സീനിയർ സി.പി.ഒമാരായ അജിതാ തിലകൻ, ജിബിൻ കൃഷ്ണൻ, മധുസൂദനൻ , മാഹിൻ ഷാ അബൂബക്കർ , എം.ആർ. മിഥുൻ, മുഹമ്മദ് അമീർ , കെ.എം. മനോജ്, സിമൽ റാം എബി സുരേന്ദ്രൻ എന്നിവരാണ് അന്വേഷണ സംഘത്തിലുള്ളത്.