കണ്ണൂർ യൂണി. അറിയിപ്പുകൾ

ബിരുദ പരീക്ഷാ വിജ്ഞാപനം

അഞ്ച്, മൂന്ന്, ഒന്ന് സെമസ്റ്റർ ബി.എ/ ബി.എ അഫ്‌സൽ-ഉൽ-ഉലമ/ ബി.എസ്.സി/ ബി.എസ്.സി(ഓണേഴ്‌സ്)/ ബി.കോം/ ബി.ടി.ടി.എം/ ബി.ബി.എ/ ബി.ബി.എ (ടി.ടി.എം)/ ബി.ബി.എ(ആർ.ടി.എം)/ ബി.ബി.എ(എ.എച്ച്)/ ബി.സി.എ/ ബി.ബി.എം/ ബി.എസ്.ഡബ്ല്യു (റഗുലർ/സപ്ലിമെന്ററി/ഇംപ്രൂവ്‌മെന്റ്, 2014 അഡ്മിഷൻ മുതൽ) നവംബർ 2019 ബിരുദ പരീക്ഷകൾ യഥാക്രമം ഒക്‌ടോബർ ഒമ്പത്, 21, 30 തീയതികളിൽ ആരംഭിക്കും. ഒന്നാം സെമസ്റ്റർ പരീക്ഷയ്ക്ക് അപേക്ഷിക്കേണ്ട തീയതി പിന്നീട് അറിയിക്കും.

ബിരുദാനന്തര ബിരുദ പരീക്ഷകൾ

മൂന്ന്, ഒന്ന് സെമസ്റ്റർ എം.എ/എം.എസ്.സി/എം.കോം/എം.സി.ജെ/ എം.എസ്.ഡബ്ല്യു/എം.ടി.ടി.എം (സി.ബി.എസ്.എസ് - റഗുലർ/സപ്ലിമെന്ററി/ഇംപ്രൂവ്‌മെന്റ് - 2014 അഡ്മിഷൻ മുതൽ) ഒക്‌ടോബർ 2019 ബിരുദാനന്തര ബിരുദ പരീക്ഷകൾ യഥാക്രമം ഒക്‌ടോബർ ഒമ്പത്, 21 തീയതികളിൽ ആരംഭിക്കും. ഒന്നാം സെമസ്റ്റർ പരീക്ഷയുടെ അപേക്ഷാ തീയതി പിന്നീട് അറിയിക്കും. 2014, 2015 അഡ്മിഷൻ വിദ്യാർഥികൾ റീ-രജിസ്‌ട്രേഷൻ ചെയ്യണം.

പുനർമൂല്യനിർണയ ഫലം
ഒന്നാം വർഷ ബിരുദ പരീക്ഷയുടെയും വിദൂരവിദ്യാഭ്യാസം നടത്തിയ മൂന്നാം സെമസ്റ്റർ ബിരുദപരീക്ഷയുടെയും പുനർമൂല്യനിർണയ ഫലങ്ങൾ സർവകലാശാല വെബ്‌സൈറ്റിൽ ലഭ്യമാണ്. പൂർണ്ണ ഫലപ്രഖ്യാപനം പിന്നീട്.

പരീക്ഷാഫലം
രണ്ടാം സെമസ്റ്റർ എം.ബി.എ (റെഗുലർ 2018 അഡ്മിഷൻ/ സപ്ലിമെന്ററി ജൂലൈ 2019 പരീക്ഷാഫലം സർവകലാശാല വെബ്‌സൈറ്റിൽ ലഭ്യമാണ്. പുനർമൂല്യനിർണയം, സൂക്ഷ്മപരിശോധന, ഫോട്ടോകോപ്പി എന്നിവയ്ക്കുള്ള അപേക്ഷകൾ 20 ന് വൈകുന്നേരം 5 വരെ സർവകലാശാലയിൽ സ്വീകരിക്കും.

പ്രായോഗിക പരീക്ഷ
നാലാം സെമസ്റ്റർ എം.സി.എ. ഡിഗ്രി (റെഗുലർ/സപ്ലിമെന്ററി ജൂലയ് 2019) പ്രായോഗിക പരീക്ഷകൾ, കേസ് സ്റ്റഡി 13, 14 തീയതികളിൽ ചാല ചിൻമയ ഇൻസ്റ്റിറ്റ്യൂട്ട് ഒഫ് ടെക്‌നോളജി, പാലയാട് ഐ.ടി.ഇ.സി. എന്നീ കേന്ദ്രങ്ങളിൽ നടക്കും. രജിസ്റ്റർ ചെയ്ത വിദ്യാർഥികൾ അതത് കോളേജുമായി ബന്ധപ്പെടണം.