എം.ഡി.എം.എയുമായി ഒരാൾ അറസ്റ്റിൽ

ഉള്ളൂർ: എം.ഡി.എം.എയുമായി കുമാരപുരം സ്വദേശി റിജുവിനെ (40) മെഡിക്കൽ കോളേജ് പൊലീസ് പിടികൂടി. വില്പനയ്ക്കായി വീട്ടിൽ സൂക്ഷിച്ചിരുന്ന 5.60 ഗ്രാം എം.ഡി.എം.എ ഇയാളിൽ നിന്ന് കണ്ടെത്തിയിട്ടുണ്ട്.

ഷാഡോ പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ സിറ്റി സാഗോക്ക് ടീമിന്റെ സഹായത്തോടെ നടത്തിയ പരിശോധനയിലാണ് അലമാരയിൽ മടക്കിവച്ചിരുന്ന പാൻസിന്റെ പോക്കറ്റിൽ ഒളിപ്പിച്ച എം.ഡി.എം.ഐ കണ്ടെത്തിയത്. വില്പന നടത്തി കിട്ടിയ ആറായിരം രൂപയും ഇയാളിൽ നിന്ന് പിടിച്ചെടുത്തു. ബംഗളൂരുവിൽ നിന്ന് ബസ് മാർഗം നഗരത്തിലെത്തിച്ച് ചില്ലറ കച്ചവടം നടത്തിവരികയായിരുന്നു ഇയാളെന്ന് പൊലീസ് പറഞ്ഞു. പ്രതിയെ റിമാൻഡ് ചെയ്തു.