ഇഗ്‌നിത്തോ ചെന്നൈ എ.ഐ കേന്ദ്രം വിപുലീകരിക്കുന്നു 

കൊച്ചി: എ.ഐ. അധിഷ്ഠിത ഡിജിറ്റൽ എഞ്ചിനീയറിംഗ് കമ്പനിയായ ഇഗ്‌നിത്തോ ടെക്‌നോളോജിസ് ചെന്നൈയിലെ എ.ഐ. കേന്ദ്രം വിപുലീകരിച്ചു. ഷൊലിംഗനല്ലൂരിലെ എൽകോട്ട് സ്‌പെഷ്യൽ ഇക്കണോമിക്ക് സോണിലെ പുതിയ കേന്ദ്രം തമിഴ്നാട് ഐ.ടി മന്ത്രി ഡോ. പളനിവേൽ ത്യാഗരാജൻ നിർവഹിച്ചു. ഇഗ്‌നിത്തോ ടെക്‌നോളജീസിന് കൊച്ചി ഇൻഫോപാർക്കിലും ഓഫീസുണ്ട്.
എ ഐ മികവിൽ ശ്രദ്ധ കേന്ദ്രീകരിച്ചുള്ള പ്രവർത്തനങ്ങൾക്കായി അടുത്ത രണ്ടു വർഷത്തിനുള്ളിൽ ജീവനക്കാരുടെ എണ്ണം ആയിരമായി കമ്പനി ഉയർത്തും. എൽ.എൽ.എം, മെഷീൻ ലേണിംഗ്, ജെൻ എ.ഐ. തുടങ്ങിയ നൂതന സാങ്കേതികവിദ്യകൾ പ്രയോജനപ്പെടുത്തിയുള്ള വികസനത്തിനും, വിന്യാസത്തിനുമായി ചെന്നൈയിലെ പുതിയ കേന്ദ്രം പ്രവർത്തിക്കും.