'സർക്കാർ ഉദ്യോഗസ്ഥരുടെ ശമ്പളം കൂട്ടാൻ കർഷകരുടെ കഴുത്തിന് പിടിക്കുന്നു': ആഞ്ഞടിച്ച് തലശേരി ആർച്ച് ബിഷപ്പ്

കണ്ണൂർ: സംസ്ഥാന ബഡ്‌ജറ്റിൽ ഭൂനികുതി വർദ്ധിപ്പിച്ചതിനെതിരെ രൂക്ഷ വിമർശനവുമായി തലശേരി ആർച്ച് ബിഷപ്പ് മാർ ജോസഫ് പാംപ്ലാനി. സർക്കാർ കർഷകരെ മാനിക്കുന്നില്ല എന്നതിന് തെളിവാണ് ഭൂനികുതി വർദ്ധനവെന്ന് അദ്ദേഹം തുറന്നടിച്ചു. കത്തോലിക്കാ കോൺഗ്രസ് തലശേരി അതിരൂപത നേതൃസംഗമത്തിലായിരുന്നു ആർച്ച് ബിഷപ്പിന്റെ പരാമർശം.

' കർഷകന്റെ കൃഷിഭൂമിയുടെ നികുതി വർദ്ധിപ്പിക്കുന്നത് സംസ്ഥാനത്തിന്റെ ഏറ്റവും വലിയ ആദായ മാർഗമായി മന്ത്രി കരുതുന്നു എങ്കിൽ നിങ്ങൾ കർഷകനെ മാനിക്കുന്നില്ല, കർഷകന്റെ മഹത്വം അറിയുന്നില്ല. സർക്കാർ നിലപാട് കർഷക വിരുദ്ധമാണ്. ഉദ്യോഗസ്ഥരുടെ ശമ്പളനിരക്ക് വർദ്ധിപ്പിക്കുന്നതിനുവേണ്ടി കർഷകരുടെ കഴുത്തിന് പിടിച്ച് ഞെക്കാൻ ശ്രമിക്കുന്ന ഈ നിലപാട് കർഷക വിരുദ്ധമാണ്. കേന്ദ്ര സർക്കാരിന്റെ ബഡ്‌ജറ്റിലാകട്ടെ, കേരള സർക്കാരിന്റെ ബഡ്‌ജറ്റിലാകട്ടെ മലയോരത്തെ കർഷകരെ ചേർത്തുപിടിക്കാൻ പോരുന്ന അടിസ്ഥാനപരമായ നിലപാടുകൾ ഒന്നും ഉണ്ടായിരുന്നില്ല'- ആർച്ച് ബിഷപ്പ് പറഞ്ഞു.

ഇക്കഴിഞ്ഞ വെള്ളിയാഴ്ച അവതരിപ്പിച്ച സംസ്ഥാന ബഡ്‌ജറ്റിൽ ഭൂ​നി​കു​തി​ 50​ ​ശ​തമാനം​ ​കു​ത്ത​നേ​ ​കൂ​ട്ടുകയായിരുന്നു. ഇതിലൂടെ 100​ ​കോ​ടി രൂപയുടെ ​ ​അ​ധി​ക​വ​രു​മാ​നമാണ് സർക്കാർ ലക്ഷ്യമിടുന്നത്. ഇതിന് പുറമേ കോ​ർ​ട്ട് ​ഫീ​സ്,​ ​ആ​ർ​ബി​ട്രേ​ഷ​ൻ,​ ​ലാ​ൻ​ഡ് ​അ​ക്വി​സി​ഷ​ൻ​ ​റ​ഫ​റ​ൻ​സ്,​ ​പൊ​തു​താ​ത്പ​ര്യ​ഹ​ർ​ജി​ ​എ​ന്നി​വ​യു​ടെ​ ​ഫീ​സ് ​വ​ർ​ദ്ധി​പ്പി​ച്ച് 150​കോ​ടിയും ഇ​ല​ക്ട്രി​ക് ​നാ​ലു​ ​ച​ക്ര​വാ​ഹ​ന​ങ്ങ​ളു​ടെ​ ​നി​കു​തി​ ​വ​ർ​ദ്ധി​പ്പി​ച്ച് 30​കോ​ടി​ ​അ​ധി​ക​ ​വ​രു​മാ​നവും സർക്കാർ ലക്ഷ്യമിടുന്നുണ്ട്.

സ​ർ​ക്കാ​ർ​ ​ഭൂ​മി​യു​ടെ​ ​പാ​ട്ട​ ​കു​ടി​ശി​ക​ ​പി​രി​ച്ചെ​ടു​ക്കാ​ൻ​ ​ഒ​റ്റ​ത്ത​വ​ണ​ ​തീ​ർ​പ്പാ​ക്കലിലൂടെ ​ 436​ ​കോ​ടിയുടെ അ​ധി​ക​വ​രു​മാ​നവും കോ​ൺ​ട്രാ​ക്ട് ​ കാര്യേ​​ജു​ക​ളു​ടേ​യും​ ​സ്റ്റേ​ജ് ​കാ​രി​യ​റു​ക​ളു​ടേ​യും​ ​മോ​ട്ടോ​ർ​ ​വാ​ഹ​ന​ ​നി​കു​തി​ ​ഏ​കീ​ക​രണത്തിലൂടെ മറ്റൊരു 15​കോ​ടിയും സർക്കാർ ലക്ഷ്യമിടുന്നുണ്ട്. ഇതെല്ലാം പൊതുജനത്തെ നേരിട്ടുതന്നെ ബാധിക്കുന്ന കാര്യങ്ങളാണ്. ഇപ്പോൾ തന്നെ ജീവിത ഭാരംകൊണ്ട് ബുദ്ധിമുട്ടുന്ന പൊതുജനത്തിന് ഇത് കടുത്ത ആഘാതമായിരിക്കും ഉണ്ടാക്കുക എന്നാണ് വിലയിരുത്തപ്പെടുന്നത്.