സഹപാഠിയെ പീഡി​പ്പി​ച്ച വിദ്യാർത്ഥി അറസ്റ്റിൽ

ആലപ്പുഴ: അസൈൻമെന്റ് എഴുതാൻ സഹായിക്കണമെന്ന് ആവശ്യപ്പെട്ട് വീട്ടി​ൽ വി​ളി​ച്ചുവരുത്തി​ സഹപാഠിയായ പെൺകുട്ടിയെ പീഡിപ്പിച്ച പ്ലസ് ടു വിദ്യാർത്ഥി അറസ്റ്റിൽ. എ.എൻ പുരം ഉള്ളാകംപറമ്പിൽ ശ്രീശങ്കറാണ് (18) പി​ടി​യി​ലായത്. കഴി​ഞ്ഞദി​വസം പെൺ​കുട്ടി​ ശ്രീശങ്കറി​ന്റെ വീട്ടി​ലെത്തി​യത് ശ്രദ്ധയിൽപ്പെട്ട നാട്ടുകാർ പൊലീസിനെ അറിയിക്കുകയായിരുന്നു. തുടർന്ന് പൊലീസെത്തി ഇരുവരെയും കസ്റ്റഡിയിലെടുത്തശേഷം പെൺകുട്ടിയെ മെഡിക്കൽ പരിശോധനയ്ക്ക് വിധേയമാക്കിയപ്പോഴാണ് പീഡി​പ്പി​ക്കപ്പെട്ടതായറി​ഞ്ഞത്. ശ്രീശങ്കറി​നെതി​രെ പോക്‌സോ വകുപ്പുകൾ ചുമത്തി. മാസങ്ങൾക്ക് മുമ്പ് സ്‌കൂളിൽ തോക്ക് കൊണ്ടുവന്ന് സഹപാഠികളെ ഭീഷണിപ്പെടുത്തി മർദ്ദിച്ചതിനും ശ്രീശങ്കറിനെതിരെ കേസെടുത്തിരുന്നെങ്കി​ലും പ്രായപൂർത്തിയാകാത്തതിനാൽ താക്കീത് നൽകി വിട്ടയച്ചു. അദ്ധ്യാപികയ്‌ക്കെതിരെ ജാതി അധിക്ഷേപം നടത്തിയതിനും ശ്രീശങ്കറി​നെതി​രെ പരാതി ഉയർന്നിരുന്നു. തുടർന്ന് സസ്‌പെൻഷനി​ലായി​രുന്ന ശ്രീശങ്കറിനെ വിദ്യാർത്ഥി സംഘടനകൾ ഇടപെട്ടാണ് തിരികെ സ്‌കൂളിൽ കയറ്റിയത്.കോടതി​യി​ൽ ഹാജരാക്കി റിമാൻഡ് ചെയ്തു.