പൊന്നമ്മ ഡി.സി അന്തരിച്ചു

കോട്ടയം : പരേതനായ ഡി.സി കിഴക്കേമുറിയുടെ ഭാര്യയും,​ രണ്ടുപതിറ്റാണ്ടോളം ഡി.സി ബുക്സ് പ്രവർത്തനങ്ങൾക്ക് സാരഥ്യം വഹിച്ച മാനേജിംഗ് പാർട്ണ‌ണറുമായ പൊന്നമ്മ ഡി.സി (90) അന്തരിച്ചു. തിരുവല്ല ബാലികാമഠം സ്കൂൾ മുൻ അദ്ധ്യാപികയാണ്. തകഴി, ബഷീർ, സി.ജെ.തോമസ് തുടങ്ങി ആദ്യകാല എഴുത്തുകാരുമായി അടുത്ത സൗഹൃദം സൂക്ഷിച്ചിരുന്നു. മക്കൾ : രവി ഡി.സി (ഡി.സി ബുക്സ്),​ താര, മീര. മരുമക്കൾ : സത്യദാസ് (സിംഗപ്പൂർ സ്ട്രെയ്റ്റ് ടൈസ് സീനിയർ എഡിറ്റർ),​ അനിൽ വർഗീസ് (ബിസിനസ്),​ രതീമ ( എക്സിക്യുട്ടീവ് ഡയറക്ടർ ഡി.സി ബുക്സ് ). മൃതദേഹം ശനിയാഴ്ച രാവിലെ 10 മുതൽ കോട്ടയം ദേവലോകത്തെ വസതിയിൽ പൊതുദർശനത്തിന് വയ്ക്കും സംസ്കാരം ഞായറാഴ്ച മൂന്നിന് ലൂർദ് ഫെറോന പള്ളിയിൽ.