നി​ര​ത്തി​ലെ​ ​കൊ​മ്പന്മാർ, എസ്.യു.വി കാറുകൾക്ക് പ്രിയമേറുന്നു

കൊ​ച്ചി​:​ ​ഇ​ന്ത്യ​യി​ൽ​ ​സെ​ഡാ​ൻ,​ ​കോം​പാ​ക്ട് ​സെ​ഡാ​ൻ​ ​കാ​റു​ക​ളെ​ ​പി​ന്ത​ള്ളി​ ​സ്പോ​‌​ട്സ് ​യൂ​ട്ടി​ലി​റ്റി​ ​വെ​ഹി​ക്കിളുകൾ​ ​(​എ​സ്.​യു.​വി​ക​ൾ​)​ ​നി​ര​ത്ത് ​പി​ടി​ച്ച​ട​ക്കു​ന്നു.​ ​ത​ങ്ങ​ളു​ടെ​ ​പ്രി​യ​പ്പെ​ട്ട​ ​മു​ൻ​നി​ര​ ​എ​സ്.​യു.​വി​ ​കാ​റു​ക​ൾ​ ​കൈ​യി​ൽ​കി​ട്ടാ​ൻ​ ​ഉ​പ​ഭോ​ക്താ​ക്ക​ൾ​ ​മാ​സ​ങ്ങ​ൾ​ ​കാ​ത്തി​രി​ക്കേ​ണ്ടി​ ​വ​രുന്നു.​ ​ആ​ളു​ക​ളു​ടെ​ ​കാ​ത്തി​രി​പ്പ് ​ദൈ​ർ​ഘ്യം​ ​കു​റ​യ്ക്കാ​ൻ​ ​വാ​ഹ​ന​ ​നി​‌​ർ​മ്മാ​താ​ക്ക​ൾ​ ​ത​ങ്ങ​ളു​ടെ​ ​ഉ​ത്പാ​ദ​ന​ ​ക്ഷ​മ​ത​ ​വ​ർ​ദ്ധി​പ്പി​ക്കു​ക​യാ​ണ്.
ഒ​രി​ക്ക​ൽ​ ​പ​ണ​ക്കാ​രു​ടേ​തെ​ന്ന് ​ക​രു​തി​ ​മാ​റ്റി​നി​റു​ത്ത​പ്പെ​ട്ട​ ​വാ​ഹ​ന​ങ്ങ​ൾ​ ​ഇ​പ്പോ​ൾ​ ​സാ​ധാ​ര​ണ​ക്കാ​രു​ടെ​യും​ ​ചോ​യ്സ് ​ആ​യി​ ​മാ​റു​ന്ന​ ​കാ​ഴ്ച​യാ​ണ് ​വാ​ഹ​ന​വി​പ​ണി​യി​ൽ​. എ​സ്.​യു.​വി​ക​ളു​ടെ​ ​ചെ​റു​പ​തി​പ്പു​ക​ൾ​ ​ഇ​റ​ങ്ങി​ത്തു​ട​ങ്ങി​യ​തോ​ടെ​യാ​ണ് ​ഈ​ ​മാ​റ്റം​ ​തു​ട​ങ്ങി​യ​ത്.
2024​ ​സാ​മ്പ​ത്തി​ക​ ​വ​ർ​ഷ​ത്തി​ലെ​ ​മാ​ത്രം​ ​ക​ണ​ക്കെ​ടു​ത്താ​ൽ​ ​ഇ​ന്ത്യ​യി​ൽ​ ​വി​റ്റ​ ​പാ​സ​ഞ്ച​ർ​ ​കാ​റു​ക​ളി​ൽ​ 50​ ​ശ​ത​മാ​നം​ ​എ​സ്.​യു.​വി​ക​ളാ​ണ്.​ ​ഹാ​ച്ച്ബാ​ക്കു​ക​ൾ​ 28​ശ​ത​മാ​ന​വും​ ​സെ​ഡാ​നു​ക​ൾ​ ​വെ​റും​ 9​ശ​ത​മാ​ന​വു​മാ​ണ് ​വി​റ്റ​ത്.​ 2020​ൽ​ ​വെ​റും​ 26​ശ​ത​മാ​ന​മാ​യി​രു​ന്നു​ ​എ​സ്.​യു.​വി​ക​ളുടെ വില്പന.
​ ​ഓ​രോ​ ​വ​ർ​ഷ​വും​ ​പ​ടി​പ​ടി​യാ​യ​ ​ഉ​യ​ർ​ച്ച​യാ​ണ് ​എ​സ്.​യു.​വി​ ​വി​ല്പ​ന​യി​ലു​ണ്ടാ​യ​ത്.​ ​അ​തേ​സ​മ​യം,​ 2020​ൽ​ 47​ ​ശ​ത​മാ​നം​ ​വി​റ്റു​പോ​യി​രു​ന്ന​ ​ഹാ​ച്ച്ബാ​ക്ക് ​കാ​റു​ക​ളു​ടെ​ ​വി​ല്പ​ന​യി​ൽ​ ​ഓ​രോ​ ​വ​ർ​ഷ​വും​ ​ഇ​ടി​വ് ​ആ​ണ് ​രേ​ഖ​പ്പെ​ടു​ത്തു​ന്ന​ത്.

ലോകമാകെ മാറ്റം
ഇലക്ട്രിക് വാഹനങ്ങളുടെ കാലമാണെന്ന് ലോകം ഉറ്റുനോക്കുമ്പോഴാണ് റോഡുകൾ കൈയടക്കി എസ്.യു.വി വാഹനങ്ങളുടെ വില്പന കുതിച്ചുകയറുന്നത്. എസ്.യു.വി പ്രിയം ഇന്ത്യയിൽ മാത്രമല്ല, ലോകമാകെയുണ്ടെന്നാണ് ആ​ഗോളതലത്തിലുള്ള കണക്കുകൾ സൂചിപ്പിക്കുന്നത്. 2024ൽ ആ​ഗോളതലത്തിൽ 54ശതമാനവും വിറ്റുപോയത് എസ്.യു.വി കാറുകളാണ്!​​ഗ്ലോബൽ ഡാറ്റ അനുസരിച്ച് ഏറ്റവും കൂടുതൽ എസ്.യു.വി കാറുകൾ വിറ്റ രാജ്യം ചൈനയാണ്, 11.6 ദശലക്ഷം കാറുകൾ! തൊട്ടുപിന്നാലെ അമേരിക്കയാണ്. മൂന്നാംസ്ഥാനത്തുള്ളത് ഇന്ത്യയും!
എന്തുകൊണ്ട് ആളുകൾ എസ്.യു.വികളിലേക്ക് കൂടുതൽ ആകർഷിക്കപ്പെടുന്നു എന്നതിന് പലകാരണങ്ങളുണ്ട്. വാഹനങ്ങൾ വാങ്ങാൻ ആളുകൾ കൂടുതൽ പണമിറക്കാൻ തുടങ്ങി എന്നത് തന്നെയാണ് അതിൽ പ്രധാനം.

സാമ്പത്തിക വളർച്ച
ഇന്ത്യൻ സാമ്പത്തിക രം​ഗം അതിവേ​ഗം മുന്നേറുകയാണ്. ആളുകൾക്ക് കൂടുതൽ വരുമാനം വരാൻ തുടങ്ങിയത് അവരുടെ വാങ്ങൽ ശേഷി വർദ്ധിപ്പിച്ചു. അത് എസ്.യു.വി പോലെ വലിയ വാഹനങ്ങൾ വാങ്ങാൻ അവർക്ക് മടിയില്ലാതാക്കി.

ഇ​ഷ്ടവാഹനം
ലഭ്യമാകുന്നു
പണക്കാരുടെ വാഹനമെന്ന് കരുതിയിരുന്ന എസ്.യു.വികൾ, കോംപാക്ട് എസ്.യു.വികളുടെ വരവോടെ 10 ലക്ഷം രൂപയിലും താഴെ ലഭ്യമായി തുടങ്ങി. ഇത് തങ്ങളുടെ ഇഷ്ടവാഹനം സ്വന്തമാക്കാൻ സാധാരണക്കാർക്ക് അവസരമൊരുക്കി

കാഴ്ചയിൽ ​കേമൻ
റോഡിൽ മറ്റേതൊരു വാഹനത്തേക്കാളും എടുപ്പുണ്ട് എസ്.യു.വികൾക്ക്. വളരെ സുഖകരവും സൗകര്യപ്രദവുമായ യാത്രയാണ് എസ്.യു.വി വാ​ഗ്ദാനംചെയ്യുന്നത്. ഏതൊരാളെയും ആകർഷിക്കുന്ന ഡിസൈനാണ് എസ്.യു.വികൾക്കുള്ളത്.

പല വില,​ പല
മോഡലുകൾ
മുമ്പ് വിരലിലെണ്ണാവുന്ന എസ്.യു.വി മോഡലുകൾ മാത്രമേ ഇന്ത്യയിൽ ലഭിച്ചിരുന്നുള്ളൂ. ഇപ്പോൾ വിദേശ കാർ നിർമ്മാതാക്കളടക്കം ഇന്ത്യൻ റോഡുകൾക്ക് പാകമായ എസ്.യു.വികൾ നിരത്തിലിറക്കാൻ മത്സരിക്കുകയാണ്. അത് പല വിലകളിൽ വിവിധ മോഡലുകളിൽ നിന്ന് എസ്.യു.വികൾ തിരഞ്ഞെടുക്കാനുള്ള സൗകര്യം ഉപഭോക്താവിന് നൽകുന്നു.