ഉത്സവത്തി​നി​ടെ മണികണ്ഠന് മദപ്പാട്

ഓയൂർ: മേജർ വെളുനല്ലൂർ ശ്രീരാമസ്വാമി ക്ഷേത്രത്തിലെ മണികണ്ഠൻ ആനയ്ക്ക് മദപ്പാട്. ഉത്സവം നടക്കുന്ന കാലത്ത് അപൂർവമായിട്ടാണ് മദപ്പാടി​ലാവുന്നത്. ദേവസ്വം ബോർഡിന്റെ മറ്റൊരു ക്ഷേത്രത്തിലെ ആനയെ കൊണ്ടുവന്നാണ് എഴുന്നള്ളത്തും മറ്റ് ചടങ്ങുകളും നടത്തുന്നത്.

ഈ വർഷമുൾപ്പെടെ എട്ടു വർഷമായി ശബരിമല ശ്രീധർമ്മശാസ്താ ക്ഷേത്രത്തിലെ ഉത്സവത്തിന് തിടുമ്പേറ്റുന്നത് മണി​കണ്ഠനാണ്. ആനയ്ക്ക് 50 വയസ് തികഞ്ഞപ്പോൾ ക്ഷേത്രത്തിൽ ജന്മദിനാഘോഷം വി​പുലമായി​ നടത്തിയിരുന്നു. ക്ഷേത്ര ഉപദേശക സമിതി സെക്രട്ടറി. വി. ഹരികുമാറിന്റെ നേതൃത്വത്തിൽ നടന്ന ആഘോഷത്തി​ൽ നൂറുകണക്കി​ന് ഭക്തർ പങ്കെടുത്തു. ക്ഷേത്രത്തി​ലെ മേട മഹോത്സവത്തി​ന് എത്തുന്നവർ ആനയുടെ സമീപത്തേക്ക് പോവരുതെന്ന് അധി​കൃതർ അറി​യി​ച്ചു.