എസ്.എസ്.എൽ.സി വിജയം 99.5%, 61,449 പേർക്ക് ഫുൾ എ പ്ലസ്

# ഏറ്റവും കൂടുതൽ
ഫുൾ എ പ്ലസ്
മലപ്പുറത്ത്
# വിജയം കൂടുതൽ കണ്ണൂരിൽ

തിരുവനന്തപുരം: എസ്.എസ്.എൽ.സി പരീക്ഷയിൽ 99.5 ശതമാനം വിജയം. റെഗുലർ വിഭാഗത്തിൽ പരീക്ഷയെഴുതിയ 4,27,020 വിദ്യാർത്ഥികളിൽ 4,24,583 പേർ ഉന്നതവിദ്യാഭ്യാസത്തിന് അർഹരായി. വിജയശതമാനത്തിൽ മുൻവർഷത്തേതിൽനിന്ന് 0.19 ശതമാനം കുറവ്. കഴിഞ്ഞവർഷത്തെ വിജയശതമാനം- 99.69. വാർത്താസമ്മേളനത്തിൽ മന്ത്രി വി.ശിവൻകുട്ടിയാണ് ഫലം പ്രഖ്യാപിച്ചത്.

61,449 പേരാണ് ഫുൾ എ പ്ലസ് നേടിയത്. കഴിഞ്ഞവർഷം 71,831 പേർ അർഹരായിരുന്നു. കുറവ് 10382.

വിജയശതമാനത്തിൽ ഏറ്റവും മുന്നിലുള്ള റവന്യൂ ജില്ല കണ്ണൂർ- 99.87%. ഏറ്റവും കുറവ് - തിരുവനന്തപുരം 98.59%. (മുൻവർഷവും പിന്നിലായിരുന്നു- 99.08%)

100 ശതമാനം വിജയം വരിച്ച വിദ്യാഭ്യാസ ജില്ലകൾ - പാല, കുട്ടനാട്

വിജയശതമാനം ഏറ്റവും കുറഞ്ഞ വിദ്യാഭ്യാസ ജില്ല - ആറ്റിങ്ങൽ-98.28 %

 ഏറ്റവും കൂടുതൽ വിദ്യാർത്ഥികൾക്ക് ഫുൾ എ പ്ലസുള്ള വിദ്യാഭ്യാസജില്ല- മലപ്പുറം-4,115. കഴിഞ്ഞവർഷവും മുന്നിലായിരുന്നു - 4,934.

 നൂറുശതമാനം വിജയമുള്ള സ്കൂളുകൾ - 2,331.

(സർക്കാർ - 856, എയ്ഡഡ്- 1034, അൺഎയ്ഡഡ് - 441)

 എസ്‌.സി വിഭാഗം, പരീക്ഷയെഴുതിയവർ-39,981,വിജയികൾ- 39,447

 എസ്.ടി- പരീക്ഷയെഴുതിയവർ- 7,279, വിജയികൾ - 7,135

 എസ്.എസ്.എൽ.സി പ്രൈവറ്റ് പുതിയസ്കീം - പരീക്ഷയെഴുതിയത് - 68 ഉന്നതവിദ്യാഭ്യാസത്തിന് അർഹത - 46

 പ്രൈവറ്റ് പഴയസ്കീം - പരീക്ഷയെഴുതിയത് - ആറ് - വിജയികൾ -നാല്
 കൂടുതൽ കുട്ടികൾ പരീക്ഷയെഴുതിയ സെന്റർ - മലപ്പുറം എടരിക്കോട് പി.കെ.എം.എം.എച്ച്.എസ്.എസ്. -2,017 പേർ

2,013 പേർ വിജയിച്ചു.

 ഏറ്റവും കുറവ് കുട്ടികളെഴുതിയ സെന്ററുകൾ - സെന്റ് ജോസഫ്‌സ് സ്കൂൾ പേരട്ട, ഗവ.സംസ്കൃതം എച്ച്.എസ് ഫോർട്ട് തിരുവനന്തപുരം - ഒന്ന് വീതം