യു.ഡി.എഫ് പ്രതിഷേധം

തലയോലപ്പറമ്പ്: തലയോലപ്പറമ്പ് പഞ്ചായത്ത് ബസ് സ്​റ്റാൻഡ് നിർമ്മാണത്തിലെ അഴിമതി ചർച്ച ചെയ്യണമെന്ന് ആവശ്യപ്പെട്ടുള്ള പ്രമേയത്തിന് അവതരണാനുമതി നൽകാത്തതിൽ പ്രതിഷേധിച്ച് യു.ഡി.എഫ് അംഗങ്ങൾ കമ്മി​റ്റി ബഹിഷ്‌കരിച്ചു. ധർണ സമരം കോൺഗ്രസ് ബ്ലോക്ക് പ്രസിഡന്റ് എം.കെ. ഷിബു ഉദ്ഘാടനം ചെയ്തു. മണ്ഡലം പ്രസിഡന്റ് കെ. ഡി.ദേവരാജൻ അദ്ധ്യക്ഷത വഹിച്ചു. യു.ഡി.എഫ് നേതാക്കളായ ജോയി കൊച്ചാനാപ്പറമ്പിൽ, ഷിഹാബ് വരവുകാല , സജിമോൻ വർഗ്ഗീസ്, അബ്ദുൾ സത്താർ ജോസ് വേലിക്കകം, വി.ടി. ജയിംസ്, വിജയമ്മ ബാബു, ജോൺ തറപ്പേൽ, അനിത സുഭാഷ്, നിസ്സാർ വരവുകാല , സേതു ലക്ഷ്മി, എം. അനിൽകുമാർ, പി.എം. മക്കാർ, കെ.കെ. രാജു, വി.ജെ. ബാബു തുടങ്ങിയവർ പ്രസംഗിച്ചു.