കാപ്പ ലംഘനം പ്രതി പിടിയിലായി

തഴവ: കാപ്പാ നിയന്ത്രണങ്ങൾ ലംഘിച്ച യുവാവ് പൊലീസ് പിടിയിലായി. തൊടിയൂർ, പുലിയൂർ വഞ്ചി, വടക്ക് കാട്ടയ്യത്ത് തെക്കതിൽ കൊത്തിപ്പിടി എന്ന് വിളിക്കുന്ന റമീസാണ് (38) ആണ് കരുനാഗപ്പള്ളി പൊലീസിന്റെ പിടിയിലായത്. കരുനാഗപ്പള്ളി പൊലീസ് സ്റ്റേഷൻ പരിധിയിൽ ഒട്ടേറെ കേസിൽ പ്രതിയായിരുന്ന റമീസിനെ കാപ്പ നിയമപ്രകാരം ആറുമാസത്തേക്ക് കൊല്ലം സിറ്റി പൊലീസ് ജില്ലാ പരിധിയിൽ നിന്ന് പുറത്താക്കി ഉത്തരവായിരുന്നു.എന്നാൽ നിയന്ത്രണം ലംഘിച്ച് കഴിഞ്ഞദിവസം പുതിയകാവിൽ എത്തിയതായി ലഭിച്ച രഹസ്യ വിവരത്തെ തുടർന്ന് പ്രതിയെ പിടികൂടുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. കരുനാഗപ്പള്ളി പൊലീസ് സ്റ്റേഷൻ എസ്.എച്ച്.ഓ വി.ബിജുവിന്റെ നേതൃത്വത്തിൽ എസ്.ഐ ഷമീർ, എസ്.സി.പി.ഓമാരായ ഹാഷിം, ഷഫീഖ്, മനോജ് എന്നിവ‌ർ അടങ്ങിയ സംഘമാണ് പ്രതിയെ പിടികൂടിയത്.