കുന്ന്യോറമല: സി.പി.ഐ പ്രതിഷേധ മാർച്ച്

കൊല്ലം ദേശീയപാത നിർമ്മാണത്തെ തുടർന്ന് മണ്ണിടിച്ചിൽ ഭീഷണി നിലനിൽക്കുന്ന കുന്ന്യോറമലയിലെ റോഡിന്റെ ഇരുവശത്തെയും സ്ഥലം ദേശീയപാത അതോറിറ്റി ഏറ്റെടുക്കണമെന്നും ഇവിടെ താമസിക്കുന്ന ജനങ്ങളുടെ ആശങ്ക പരിഹരിക്കണമെന്നും ആവശ്യപ്പെട്ട് സി.പി.ഐ കൊയിലാണ്ടി ലോക്കൽ കമ്മിറ്റിയുടെ നേതൃത്വത്തിൽ കോഴിക്കോട്ടെ എൻ.എച്ച് എ .ഐ ഓഫീസിലേക്ക് മാർച്ചും ധർണയും നടത്തി. സി.പി.ഐ ജില്ലാ സെക്രട്ടറി കെ.കെ ബാലൻ ഉദ്ഘാടനം ചെയ്തു. ഇ.കെ അജിത്ത് അദ്ധ്യക്ഷത വഹിച്ചു. എസ്. സുനിൽമോഹൻ, കെ.എസ് രമേഷ് ചന്ദ്ര, കെ ശശിധരൻ, കെ.ചിന്നൻ , പി.വി രാജൻ എന്നിവർ പ്രസംഗിച്ചു. ബാബു പഞ്ഞാട്ട്, എൻ.കെ വിജയഭാരതി , എ.ടി സദാനന്ദൻ , ടി.ബാലകൃഷ്ണൻ , ശശി കോമത്ത് എന്നിവർ നേതൃത്വം നൽകി.