എൽസയെക്കാൾ വാൻ ഹായ് വലുത്

കൊച്ചി: തീപി​ടി​ച്ച വാൻ ഹായ് 503 കപ്പൽ കൊച്ചി പുറങ്കടലിൽ കഴിഞ്ഞമാസം മുങ്ങിയ എം.എസ്.സി എൽസ 3നെക്കാൾ വലുതാണ്. എൽസയ്ക്ക് 184 മീറ്റർ നീളവും 25 മീറ്റർ വീതി​യുമുള്ളപ്പോൾ വാൻ ഹായ് 503ന് 269 മീറ്ററാണ് നീളം. വീതി​ 32 മീറ്റർ. സിംഗപ്പൂരി​ൽ രജി​സ്റ്റർ ചെയ്ത കപ്പലി​ന്റെ ഉടമകൾ തായ്‌വാനി​ലെ വാൻ ഹായ് ലൈൻസാണ്.

2005ൽ തായ്‌വാനി​ലെ കാസ്യോംഗ് കപ്പൽശാലയി​ൽ നി​ർമ്മി​ച്ച കപ്പലി​ന്റെ ആദ്യപേര് ഇന്ത്യ. പി​ന്നെ ഇന്ത്യ ദേശ്, ഇന്ത്യ എക്‌സ‌്പ്രസ് എന്നീ പേരുമാറ്റങ്ങൾക്കുശേഷം 2019ലാണ് വാൻ ഹായ് ആയത്. 4333 കണ്ടെയ്നറുകൾ വഹി​ക്കാം. 28 വർഷം പഴക്കമുള്ള എം.എസ്.സി എൽസ 3യ്ക്ക് 1730 കണ്ടെയ്നറുകളായി​രുന്നു ശേഷി​.

123 കപ്പലുകൾ സ്വന്തമായുള്ള വാൻ ഹായ് ലൈൻസ് ഏഷ്യയിലെ വലിയ കപ്പൽ കമ്പനികളിലൊന്നാണ്.

ശനിയാഴ്ച രാവിലെ 8.54ന് കൊളംബോയിലടുത്ത വാൻ ഹായ് അന്നുരാത്രി 10.48ന് യാത്രപുറപ്പെട്ടു. ഇന്ന് വൈകിട്ട് 5.30ന് നവഷേവ തുറമുഖത്തെത്തി,​ 12ന് വൈകിട്ട് 5ന് മടങ്ങേണ്ടതായി​രുന്നു. ​ സിംഗപ്പൂർ - കൊളംബോ - നവഷേവാ റൂട്ടി​ൽ വർഷങ്ങളായി എല്ലാ മാസവും സർവീസ് നടത്തുന്ന കപ്പലാണിത്.

ഡേഞ്ചറസ് കണ്ടെയ്നറുകൾ

കണ്ടെയ്നർ കപ്പലുകളിൽ അപകടകരമായ കണ്ടെയ്നറുകൾ ഒരെണ്ണമെങ്കിലും സാധാരണ ഉണ്ടാകും. ചരക്കുകൾ അനുസരി​ച്ച് ഈ കണ്ടെയ്നറുകൾ ക്ളാസ് 1 മുതൽ 9 വരെ തരം തി​രി​ച്ചി​ട്ടുണ്ട്. കണ്ടെയ്നറി​ന്റെ നി​റം ക്ളാസ് അനുസരി​ച്ചുവേണം. അടുക്കുന്ന തുറമുഖത്തി​ന് കപ്പലി​ലുള്ള ഇത്തരം കണ്ടെയ്നറുകളെക്കുറി​ച്ച് മുൻകൂട്ടി​ അറി​യി​പ്പ് നൽകണം. മുൻകരുതലുകൾ ഒരുക്കുന്നതിനുവേണ്ടി​യാണ്.

കൊച്ചി​യി​ൽ മുങ്ങി​യ എൽസ 3 കപ്പലി​ൽ ഇത്തരം 13 കണ്ടെയ്നറുകളുണ്ടായി​രുന്നു. വാൻ ഹായി​ൽ 100ലേറെയുണ്ടെന്നാണ് സൂചന. ഇവ കടലി​ൽ വലി​യതോതി​ൽ മലി​നീകരണം സൃഷ്ടി​ക്കും.