യോഗ പ്രദർശന പരിപാടി

കൊല്ലം: അന്താരാഷ്ട്ര യോഗ ദിനവുമായി ബന്ധപ്പെട്ട് ബി.ജെ.പി ചവറ മണ്ഡലം കമ്മിറ്റിയുടെ നേതൃത്വത്തിൽ നീണ്ടകര - പരിമണം ശിവ ഹോട്ടലിൽ യോഗ പ്രദർശന പരിപാടി സംഘടിപ്പിച്ചു. ബി.ജെ.പി കൊല്ലം വെസ്റ്റ് ജില്ലാ പ്രസിഡന്റ് എസ്. പ്രശാന്ത് പരിപാടി ഉദ്ഘാടനം ചെയ്തു.

ചവറ മണ്ഡലം പ്രസിഡന്റ് ഗോപകുമാർ അയോധ്യ അദ്ധ്യക്ഷനായി. യോഗാചാര്യനും ഇന്ത്യൻ ബുക്ക് ഒഫ് റെക്കാഡ് ഇൻ യോഗ- 2002 ഹോൾഡറുമായ അനന്തകൃഷ്ണൻ യോഗ ക്ലാസ് എടുത്തു. ദക്ഷിണ മേഖല വൈസ് പ്രസിഡന്റ് മാലുമ്മേൽ സുരേഷ്, ജില്ലാ വൈസ് പ്രസിഡന്റ് ശൈലേന്ദ്ര ബാബു, ജില്ലാ സെക്രട്ടറി ബി. ശ്രീലാൽ, മണ്ഡലം ജനറൽ സെക്രട്ടറി രാജു പിള്ള എന്നിവർ പരിപാടിക്ക് നേതൃത്വം നൽകി.