പട്ടികജാതി, പട്ടികഗോത്രവർഗ കമ്മിഷൻ അദാലത്ത്

തിരുവനന്തപുരം: സംസ്ഥാന പട്ടികജാതി പട്ടിക ഗോത്രവർഗ കമ്മിഷൻ ജില്ലാ അദാലത്തിന്റെ ആദ്യ ദിനം 61 പരാതികൾ തീർപ്പാക്കി. കമ്മീഷൻ ചെയർമാൻ ശേഖരൻ മിനിയോടന്റെ അദ്ധ്യക്ഷതയിൽ തൈക്കാട് പി.ഡബ്ല്യു.ഡി റസ്റ്റ് ഹൗസിൽ നടന്ന അദാലത്തിൽ 76 പരാതികളാണ് പരിഗണിച്ചത്. മറ്റ് പരാതികൾ ഹിയറിംഗിനായി മാറ്റി.ഇന്ന് അദാലത്ത് സമാപിക്കും. വിവിധ വിഷയങ്ങളിൽ കമ്മീഷൻ മുൻപാകെ സമർപ്പിച്ചിട്ടുള്ളതും, വിചാരണയിൽ ഇരിക്കുന്നതുമായ കേസുകളിലെ പരാതികളാണ് തീർപ്പാക്കുന്നത്. പുതിയ പരാതികൾ സ്വീകരിക്കുന്നതിനും സൗകര്യമുണ്ടായിരിക്കും. മെമ്പർമാരായ സേതു നാരായണൻ,ടി.കെ.വാസു എന്നിവരാണ് ജില്ലാ അദാലത്തിന് നേതൃത്വം നൽകിയത്.