കേസരി കോളേജിൽ ഡിഗ്രി സീറ്റ് ഒഴിവ്

പറവൂർ: ജൂലായ് ഒന്നിന് ആദ്യ അദ്ധ്യയന വർഷം തുടങ്ങുന്ന കേസരി ഗവ. കോളേജിൽ മൂന്ന് ഡിഗ്രി കോഴ്‌സുകളിലായി 70 വിദ്യാർത്ഥികൾ പ്രവേശനം നേടി. ബികോം, ബി.എസ്‌‌സി സൈബർ ഫൊറൻസിക്സ്, ബി.എ. ജേർണലിസം ആൻഡ് മാസ് കമ്യൂണിക്കേഷൻ കോഴ്‌സുകളിലായി ആകെ 85 സീറ്റുണ്ട്. ഒഴിവുള്ള സീറ്റുകളിൽ പ്രവേശനം ആഗ്രഹിക്കുന്നവർക്ക് ജൂലായ് ഒന്ന് മുതൽ മൂന്ന് വരെ എം.ജി. യൂണിവേഴ്‌സിറ്റി പ്രവേശന പോർട്ടലായ cap.mgu.ac.in ൽ രജിസ്‌റ്റർ ചെയ്യാം. കോളേജിൽ നേരിട്ട് ഹാജരാകുന്നവർ അസൽ രേഖകൾ കൊണ്ടുവരണം. ഇതുവരെ അപേക്ഷിക്കാൻ സാധിക്കാത്തവർക്കും മുമ്പ് അപേക്ഷിച്ചവർക്കും മറ്റ് കോളേജുകളിൽ പ്രവേശനമെടുത്തവർക്കും ഇതുവരെ അലോട്ട്മെന്റ് ലഭിക്കാത്തവർക്കും അലോട്ട്മെന്റ് റദ്ദായവർക്കും പുതുതായി ഓപ്ഷനുകൾ നൽകാമെന്നും പ്രിൻസിപ്പൽ അറിയിച്ചു.