HOME / KERALA / VS

LIVE

ജീവിക്കുന്നു ജനഹൃദയങ്ങളില്‍...വിപ്ലവ നായകന് ഇനി വലിയ ചുടുകാട്ടില്‍ നിത്യനിദ്ര

Wednesday 23 July, 2025 | 5:01 PM

കനത്ത മഴ പെയ്യുന്നുണ്ടെങ്കിലും ആലപ്പുഴ ബീച്ചിനടുത്തുള്ള റിക്രിയേഷൻ ഗ്രൗണ്ടിൽ തങ്ങളുടെ പ്രിയപ്പെട്ട വിഎസിനെ ഒരുനോക്കുകൂടി അവസാനമായി കാണാൻ ജനം തിക്കിതിരക്കുകയാണ്. വി എസിന്റെ രാഷ്ട്രീയ ജീവിതം ഉയർച്ച നേടിയ ആലപ്പുഴയുടെ മണ്ണിൽ ഇനിയൊരു മടക്കമില്ലാത്ത യാത്രയ്‌ക്ക് മുൻപായി അദ്ദേഹത്തെ കാണാനും അഭിവാദ്യമർപ്പിക്കാനും തിരക്ക് തുടരുകയാണ്. റിക്രിയേഷൻ ഗ്രൗണ്ടിൽ പൊലീസ് ഗാർഡ് ഓഫ് ഓണർ നൽകി. ഡിജിപി റവാഡ ചന്ദ്രശേഖറിന്റെ നേതൃത്വത്തിലാണ് ആദരമർപ്പിച്ചത്. അദ്ദേഹത്തിന്റെ ഭൗതികദേഹത്തിൽ ദേശിയ പതാക പുതപ്പിച്ചു. നേരത്തെ 5.50ഓടെ ആലപ്പുഴ ജില്ലാ കമ്മിറ്റി ഓഫീസിൽ നിന്ന് ഭൗതികദേഹം റിക്രിയേഷൻ ഗ്രൗണ്ടിലെത്തിച്ചിരുന്നു. മുഖ്യമന്ത്രി പിണറായി വിജയനും മറ്റ് നിരവധി നേതാക്കളും ഇവിടെയുണ്ട്. പൊതുദർശനത്തിന് ശേഷം വലിയ ചുടുകാട്ടിൽ മൃതദേഹം സംസ്‌കരിക്കും.

LIVE UPDATES

17 HOURS AGO

Jul 23, 2025 09:18 PM

വിഎസ് അച്യുതാനന്ദന്റെ മൃതദേഹം പൂര്‍ണ ഔദ്യോഗിക ബഹുമതികളോടെ സംസ്‌കരിച്ചു

17 HOURS AGO

Jul 23, 2025 09:13 PM

വിഎസ്സിന്റെ മൃതദേഹം വലിയ ചുടുകാട്ടില്‍ എത്തിച്ചു

17 HOURS AGO

Jul 23, 2025 09:00 PM

വിഎസ്സിന്റെ മൃതദേഹം വലിയ ചുടുകാട്ടില്‍ എത്തിച്ചു

18 HOURS AGO

Jul 23, 2025 08:32 PM

വലിയ ചുടുകാട്ടില്‍ പൊതുജനങ്ങള്‍ക്ക് പ്രവേശനമില്ല.

18 HOURS AGO

Jul 23, 2025 08:31 PM

റിക്രിയേഷന്‍ ഗ്രൗണ്ടില്‍ നിന്ന് വിഎസ് അച്യുതാനന്ദന്റെ മൃതദേഹം വലിയ ചുടുകാട്ടിലേക്ക് കൊണ്ടുപോകുന്നു.

18 HOURS AGO

Jul 23, 2025 07:47 PM

പൊതുദർശനം അവസാന മണിക്കൂറുകളിലേക്ക് കടക്കുമ്പോഴും റിക്രിയേഷൻ ഗ്രൗണ്ടിൽ അണമുറിയതെ ജനപ്രവാഹം

19 HOURS AGO

Jul 23, 2025 07:24 PM

കനത്ത മഴയിലും റിക്രിയേഷൻ ഗ്രൗണ്ടിൽ വി എസിന്റെ ഭൗതികശരീരം കാണാൻ വലിയ ജനത്തിരക്കാണ് ഉണ്ടായിക്കൊണ്ടിരിക്കുന്നത്. ജനങ്ങൾ അന്ത്യാഭിവാദ്യമർപ്പിച്ചാണ് കടന്നുപോകുന്നത്

20 HOURS AGO

Jul 23, 2025 05:53 PM

മുഖ്യമന്ത്രി പിണറായി വിജയൻ, സിപിഎം ജനറൽ സെക്രട്ടറി എംഎ ബേബി, എസ് രാമചന്ദ്രൻപിള്ള തുടങ്ങിയ നേതാക്കൾ റിക്രിയേഷൻ ഗ്രൗണ്ടിൽ.

20 HOURS AGO

Jul 23, 2025 05:51 PM

വിലാപയാത്ര ആലപ്പുഴ റിക്രിയേഷൻ ഗ്രൗണ്ടിലേക്ക് ഉടനെത്തും.

20 HOURS AGO

Jul 23, 2025 05:43 PM

വഴിയരികിൽ വിഎസിനെ കാത്ത് ജനസാഗരം. പെരുമഴയത്തും ജനങ്ങൾ മുദ്രാവാക്യം വിളിച്ച് കാത്തിരിപ്പ് തുടരുകയാണ്.

21 HOURS AGO

Jul 23, 2025 05:38 PM

ആലപ്പുഴ റിക്രിയേഷൻ ഗ്രൗണ്ടിൽ വലിയ ജനക്കൂട്ടം.

21 HOURS AGO

Jul 23, 2025 05:07 PM

പിറന്ന മണ്ണിലൂടെ അവസാന യാത്ര. വിഎസിന്റെ ഭൗതിക ശരീരം റിക്രീയേഷൻ ഗ്രൗണ്ടിലേക്ക് കൊണ്ടുപോകുന്നു

21 HOURS AGO

Jul 23, 2025 04:49 PM

അവകാശത്തിൻ പോരാട്ടത്തിൽ അവസാനത്തെ ചോര പൊടിച്ച്, ചെങ്കൊടി മേനി പുതയ്ക്കുമ്പോൾ, ചങ്കിടി ചെങ്കടലാകുന്നു. ആലപ്പുഴയുടെ മണ്ണിൽ ആർത്തുലഞ്ഞ് മുദ്രാവാക്യം വിളി.

21 HOURS AGO

Jul 23, 2025 04:48 PM

ഡിസി ഓഫീസിലെ പൊതുദർശനം കഴിഞ്ഞാൽ വിഎസിന്റെ ഭൗതികശരീരം നേരെ റിക്രിയേഷൻ മൈതാനത്തേക്ക്

22 HOURS AGO

Jul 23, 2025 04:36 PM

പെരുമഴ വകവയ്ക്കാതെ വിഎസിനെ ഒരു നോക്കു കാണാൻ ഒഴുകിയെത്തുന്നത് ആയിരങ്ങൾ. മുദ്രാവാക്യ വിളികളിൽ അലിഞ്ഞ് ആലപ്പുഴ ഡിസി ഓഫീസ്

22 HOURS AGO

Jul 23, 2025 04:18 PM

വിഎസിന്റെ പൊതുദർശനം ആലപ്പുഴ ഡിസിയിൽ തുടരുന്നു. ജനത്തിരക്ക് പ്രതീക്ഷിച്ചതിനേക്കാളും അപ്പുറം.

22 HOURS AGO

Jul 23, 2025 03:42 PM

ആലപ്പുഴ ജില്ലാ കമ്മിറ്റി ഓഫീസിൽ നിയന്ത്രിക്കാനാവാത്തവിധം തിരക്ക്.

23 HOURS AGO

Jul 23, 2025 03:34 PM

പ്രതിപക്ഷനേതാവ് വിഡി സതീശൻ, കെസി വേണുഗോപാൽ എന്നിവർ വിഎസിന് ആദരാഞ്ജലി അർപ്പിക്കാൻ ആലപ്പുഴ ജില്ലാ കമ്മിറ്റി ഓഫീസിലേക്ക് എത്തിച്ചേർന്നു.

23 HOURS AGO

Jul 23, 2025 03:32 PM

ജില്ലാ കമ്മിറ്റി ഓഫീസിന് സമീപത്ത് തിരക്ക് നിയന്ത്രിക്കാൻ സാധിക്കുന്നില്ല.

23 HOURS AGO

Jul 23, 2025 03:30 PM

അവിടെ പൊതുദർശനത്തിന് ശേഷം ബീച്ച് റിക്രിയേഷൻ മൈതാനത്ത് എത്തിക്കും.

23 HOURS AGO

Jul 23, 2025 03:29 PM

വിഎസിന്റെ മൃതദേഹം ആലപ്പുഴ ജില്ലാ കമ്മിറ്റി ഓഫീസിൽ എത്തിച്ചു.

23 HOURS AGO

Jul 23, 2025 03:06 PM

മുഖ്യമന്ത്രി പിണറായി വിജയൻ ആലപ്പുഴ ജില്ലാ കമ്മിറ്റി ഓഫീസിലേക്ക് എത്തി.

23 HOURS AGO

Jul 23, 2025 03:04 PM

പഠിച്ച സ്‌കൂളിന് മുന്നിലൂടെ വിഎസിന്റെ വിലാപയാത്ര.

23 HOURS AGO

Jul 23, 2025 02:57 PM

ബീച്ച് റീക്രിയേഷൻ ഗ്രൗണ്ടിലും പൊതുദർശനമുണ്ടാകും.

23 HOURS AGO

Jul 23, 2025 02:56 PM

വിഎസിന്റെ ഭൗതികശരീരം ജില്ലാ കമ്മിറ്റി ഓഫീസിലേക്ക് പൊതുദർശനത്തിനായി പോകുന്നു.

1 DAY AGO

Jul 23, 2025 02:24 PM

വീട്ടിലെ പൊതുദർശനം രണ്ട് മണിക്കൂർ പിന്നിട്ടു.

1 DAY AGO

Jul 23, 2025 02:18 PM

വേലിക്കകത്തെ വീടിന് മുന്നിൽ ജനസാഗരത്തെ നിയന്ത്രിക്കാൻ പാടുപെട്ട് പൊലീസും റെഡ് വോളണ്ടിയർമാരും.

1 DAY AGO

Jul 23, 2025 02:15 PM

കെസി ജോർജും ഗൗരിയമ്മയും ഉറങ്ങുന്ന മണ്ണിലേക്ക് വിഎസ്. ടിവി തോമസിനും പുന്നൂസിനും അരികെ അന്ത്യവിശ്രമം.

1 DAY AGO

Jul 23, 2025 01:59 PM

വീട്ടിലെ പൊതുദർശനം അവസാനഘട്ടത്തിലേക്ക്. വിഎസിനെ കാണാൻ ജനങ്ങളുടെ നീണ്ടനിര.

1 DAY AGO

Jul 23, 2025 12:23 PM

പുന്നപ്രയിലെ വേലിക്കകത്ത് വീട്ടിലേക്ക് ഉടൻ ഭൗതികദേഹം എത്തിക്കും

1 DAY AGO

Jul 23, 2025 12:23 PM

വേലിക്കകത്ത് വീട്ടിലേക്ക് വി.എസിന്റെ വിലാപയാത്ര എത്തുന്നു. ആരു പറഞ്ഞു മരിച്ചെന്ന്... മുദ്രാവാക്യങ്ങളിൽ തൊണ്ടയിടറി പ്രവർത്തകർ

1 DAY AGO

Jul 23, 2025 11:43 AM

വിഎസിന്റെ ജന്മനാട്ടിലേക്ക് എത്താൻ ഇനി നാല് കിലോമീറ്ററുകൾ മാത്രം.

1 DAY AGO

Jul 23, 2025 11:14 AM

വിഎസിന്റെ മുഖമൊന്ന് കാണാൻ സംസ്ഥാനത്തിന്റെ വിവിധ ഭാഗങ്ങളിൽ നിന്ന് ജനസഞ്ചയമാണ് കഴിഞ്ഞ രണ്ട് ദിവസമായി ആലപ്പുഴ നഗരത്തിലേക്ക് എത്തിക്കൊണ്ടിരിക്കുന്നത്.

1 DAY AGO

Jul 23, 2025 10:53 AM

വിലാപയാത്ര 20 മണിക്കൂർ കഴിഞ്ഞപ്പോൾ പിന്നിട്ടത് 140 കിലോമീറ്റർ.

1 DAY AGO

Jul 23, 2025 10:24 AM

കണ്ണീർക്കടലായി ആലപ്പുഴ. പ്രിയപ്പെട്ട നേതാവിനെ അവസാനമായി ഒരുനോക്ക് കാണാൻ തടിച്ചുകൂടി ജനം.

1 DAY AGO

Jul 23, 2025 10:22 AM

15 കിലോമീറ്റർ പിന്നിട്ടാൽ വിലാപയാത്ര പുന്നപ്രയിലെ വീട്ടിലെത്തും

1 DAY AGO

Jul 23, 2025 07:50 AM

വിഎസിന്റെ വിലാപയാത്ര ആലപ്പുഴയുടെ മണ്ണിൽ

1 DAY AGO

Jul 23, 2025 07:33 AM

ആലപ്പുഴയുടെ വിപ്ലവ മണ്ണിൽ ധീരസഖാവ്. വിലാപയാത്ര കായംകുളത്തേക്ക്

1 DAY AGO

Jul 22, 2025 10:59 PM

ഒമ്പത് മണിക്കൂറില്‍ പിന്നിട്ട ദൂരം വെറും 31 കിലോമീറ്റര്‍ മാത്രം.

1 DAY AGO

Jul 22, 2025 10:58 PM

രാത്രി 11 മണിക്ക് ആറ്റിങ്ങല്‍ കച്ചേരിനടയിലാണ് വിലാപയാത്ര എത്തിച്ചേര്‍ന്നത്.

1 DAY AGO

Jul 22, 2025 07:35 PM

വിലാപയാത്ര ആരംഭിച്ച് അഞ്ചര മണിക്കൂര്‍ കഴിയുമ്പോള്‍ ഇതുവരെ 14 കിലോമീറ്റര്‍ മാത്രമാണ് പിന്നിടാന്‍ കഴിഞ്ഞിട്ടുള്ളത്.

1 DAY AGO

Jul 22, 2025 04:57 PM

വിലാപയാത്ര കേശവദാസപുരത്ത്. ഒരു പോയിന്റ് കടക്കാൻ മണിക്കൂറുകൾ

1 DAY AGO

Jul 22, 2025 03:26 PM

വിലാപയാത്ര തുടങ്ങി ഒരു മണിക്കൂർ പിന്നിട്ടപ്പോൾ പിഎംജി ജംഗ്‌ഷനിൽ എത്തിച്ചേർന്നു. പാതയോരങ്ങളിൽ വൻ ജനക്കൂട്ടമാണ്.

1 DAY AGO

Jul 22, 2025 02:45 PM

പ്രിയസഖാവിനെ അവസാനമായി ഒരുനോക്ക് കാണാൻ റോഡിനിരുവശവും ആളുകൾ തിങ്ങിനിറഞ്ഞു.

1 DAY AGO

Jul 22, 2025 02:40 PM

തലസ്ഥാനം വിടചൊല്ലി. വിഎസിന്റെ വിലാപയാത്ര ആലപ്പുഴയിലേക്ക്.

2 DAYS AGO

Jul 22, 2025 02:02 PM

വിഎസിന്റെ പൊതുദർശനം അവസാന ഘട്ടത്തിലേക്ക്‌

2 DAYS AGO

Jul 22, 2025 01:00 PM

'എതിർചേരിയിൽ നിൽക്കുമ്പോഴും വിഎസിന്റെ മഹത്വവും ഗുണവും ഞാൻ കണ്ടിട്ടുണ്ട്. ശരിയായ കാര്യത്തെ ശരിയെന്ന് പറയാൻ ഒരു മടിയും കാണിക്കാത്ത നേതാവായിരുന്നു വിഎസ്. അദ്ദേഹത്തിന് ബോദ്ധ്യപ്പെടാത്ത ഒരു കാര്യത്തോടും അദ്ദേഹം സന്ധി ചെയ്യില്ല'- കോൺഗ്രസ് നേതാവ് തിരുവഞ്ചൂർ രാധാകൃഷ്ണൻ.

2 DAYS AGO

Jul 22, 2025 12:40 PM

'കമ്മ്യൂണിസ്റ്റ് വ്യവസായികളുടെ കാലത്ത് ഇനിയൊരു വിഎസ് ഇല്ല, അവസാന മാതൃകയും അവസാനിച്ചു'; ജോയ് മാത്യു

2 DAYS AGO

Jul 22, 2025 12:24 PM

മുൻ മുഖ്യമന്ത്രി വിഎസ് അച്യുതാനന്ദന്റെ ഭൗതികശരീരം വഹിച്ചുകൊണ്ടുള്ള വിലാപയാത്ര കെഎസ്ആർടിസിയുടെ പ്രത്യേക ബസ്. തിരുവനന്തപുരത്തു നിന്ന് ആലപ്പുഴയിലേക്ക് കൊണ്ടുപോകുന്ന ഭൗതികശരീരം പൊതുജനങ്ങൾക്ക് കാണാനും ഉള്ളിൽ കയറി ആദരാഞ്ജലികൾ അർപ്പിക്കുന്നതിനും സൗകര്യമൊരുക്കുന്ന രീതിയിലാണ് ബസിന്റെ സജ്ജീകരണം.

2 DAYS AGO

Jul 22, 2025 11:40 AM

വി എസിന്റെ വിയോഗം ഒരു യുഗത്തിന്റെ അന്ത്യം: എ സമ്പത്ത്‌

2 DAYS AGO

Jul 22, 2025 11:34 AM

വൈകിട്ട് ആലപ്പുഴയിലെ വേലിക്കകത്ത് വീട്ടിൽ പൊതുദർശനത്തിന് വയ്ക്കും.

2 DAYS AGO

Jul 22, 2025 11:33 AM

കൊല്ലം ജില്ലയിലും വിവിധ കേന്ദ്രങ്ങളിൽ പൊതുദർശനത്തിന് സൗകര്യമൊരുക്കും.

2 DAYS AGO

Jul 22, 2025 11:28 AM

തിരുവനന്തപുരം ജില്ലയിൽ 27 കേന്ദ്രങ്ങളിലൂടെ വിലാപയാത്ര കടന്നുപോകും. പാളയം, പി.എം.ജി, പ്ലാമൂട്,പട്ടം, കേശവദാസപുരം, ഉള്ളൂർ,പോങ്ങുമൂട്, ശ്രീകാര്യം, കണിയാപുരം, പള്ളിപ്പുറം, മംഗലപുരം,ആറ്റിങ്ങൽ ബസ് സ്റ്റാന്റ് ,കച്ചേരിനട,ആലംകോട്,കടുവയിൽ, കല്ലമ്പലം, നാവായിക്കുളം, 28–ാം മൈൽ, കടമ്പാട്ടുകോണം എന്നിങ്ങനെയാണ് കേന്ദ്രങ്ങൾ.

2 DAYS AGO

Jul 22, 2025 11:27 AM

ദർബാർ ഹാളിൽ രണ്ട് മണിവരെ പൊതുദർശനം. ഉച്ചയ്ക്ക് രണ്ട് മണിയോടെ ഭൗതിക ശരീരം ആലപ്പുഴയിലേക്ക് വിലാപയാത്രയായി കൊണ്ടുപോകും.

2 DAYS AGO

Jul 22, 2025 11:27 AM

തിരുവനന്തപുരം,കൊല്ലം,ആലപ്പുഴ ജില്ലകളിൽ അന്തിമ ഉപചാരമർപ്പിക്കാൻ സൗകര്യം ഏർപ്പെടുത്തിയിട്ടുണ്ട്.

2 DAYS AGO

Jul 22, 2025 11:08 AM

സിപിഐ ജനറൽ സെക്രട്ടറി ഡി. രാജ വിഎസ് അച്യുതനന്ദന്റെ ഭൗതിക ശരീരത്തിൽ അന്ത്യമോപചാരം അർപ്പിച്ചു.

2 DAYS AGO

Jul 22, 2025 11:07 AM

മുൻ മന്ത്രി കെകെ ശൈലജ ദർബാർ ഹാളിലെത്തി വിഎസിന് ആദരാഞ്ജലികളർപ്പിച്ചു.

2 DAYS AGO

Jul 22, 2025 10:54 AM

പ്രമുഖ വ്യവസായി എംഎ യൂസഫലി വിഎസിന് അന്തിമോപചാരമർപ്പിച്ചു.

2 DAYS AGO

Jul 22, 2025 10:53 AM

'പാർട്ടി നോക്കാതെ അദ്ദേഹത്തെ എല്ലാവരും സ്നേഹിച്ചു, അങ്ങനെയുള്ള മനുഷ്യർ അപൂർവം'- വി എസിന് അന്തിമോപചാരമർപ്പിച്ച് ഗവർണർ രാജേന്ദ്ര ആർലേക്കർ

2 DAYS AGO

Jul 22, 2025 10:37 AM

വി.എസ്. അച്യുതാനന്ദന്റെ നിര്യാണത്തിലുള്ള ആദരസൂചകമായി സംസ്ഥാനത്തെ സർക്കാർ ഓഫീസുകൾക്കും പ്രൊഫഷണൽ കോളേജ് ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കും ഇന്ന് അവധിയാണ്.

2 DAYS AGO

Jul 22, 2025 10:33 AM

പ്രിയപ്പെട്ട നേതാവിനെ അവസാനമായി ഒരു നോക്ക് കാണാൻ ദർബാർ ഹാളിലേക്ക് എത്തുന്നത് ആയിരങ്ങൾ.

2 DAYS AGO

Jul 22, 2025 10:32 AM

ഭരണാധികാരി എന്നതിനപ്പുറത്ത് പോരാളിയാണ് വിഎസ്. എന്ന് പാളയം ഇമാം വിപി സുഹൈബ് മൗലവി.

2 DAYS AGO

Jul 22, 2025 10:31 AM

വിഎസിന്റെ ഭൗതികശരീരം ദർബാർ ഹാളിൽ പൊതു‍ദർശനത്തിനു വച്ചു. മന്ത്രിമാരും ജനപ്രതിനിധികളും അന്തിമോപചാരം അർപ്പിക്കുന്നു.

TAGS: VS

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ