ഹൈഡ്രജൻ താഴ്‌വരയാകാൻ കേരളം

നാ​ളെ​യു​ടെ​ ഇ​ന്ധ​ന​മെ​ന്ന് വാ​ഴ്‌ത്തപ്പെ​ടു​ന്ന​ ഹൈ​ഡ്ര​ജ​ന്റെ​ ഉ​ത്​പാ​ദ​ന​-​ വി​ത​ര​ണ​ കാ​ര്യ​ങ്ങ​ളി​ൽ​ ലോ​ക​ത്തെ​ ഒ​രു​ പ്ര​മു​ഖ​ ഹ​ബ്ബാ​കു​വാ​ൻ​ കേ​ര​ള​ത്തി​നു ക​ഴി​യു​മെ​ന്ന​ പ്ര​വ​ച​നം​ സ​ഫ​ല​മാ​ക​ത്ത​ക്ക​ കു​തി​ച്ചു​ചാ​ട്ട​ങ്ങ​ൾ​ റി​പ്പോ​ർ​ട്ട് ചെ​യ്യ​പ്പെ​ടു​ന്ന​ സ​മ​യ​മാ​ണ് ഇത്. സം​സ്ഥാ​ന​ത്ത് പു​ത്ത​ൻ​ ഊ​ർ​ജ്ജ​സ്രോ​ത​സു​ക​ളു​ടെ​ ഗ​വേ​ഷ​ണ​-​ വി​ക​സ​ന​ യ​ജ്ഞ​ങ്ങ​ളെ​ ന​യി​ക്കു​ന്ന​ അ​ന​ർ​ട്ട് ത​യ്യാ​റാ​ക്കി​യ​ ഹൈ​ഡ്ര​ജ​ൻ​ വാ​ലി​ ഇ​ന്നൊ​വേ​ഷ​ൻ​ ക്ല​സ്റ്റ​ർ​ പ​ദ്ധ​തി​ക്ക് കേ​ന്ദ്രാനുമതി ല​ഭി​ച്ചി​രി​ക്കു​ന്നു​. ദേ​ശീ​യ​ ഹ​രി​ത​ ഹൈ​ഡ്ര​ജ​ൻ​ മി​ഷ​ന്റെ ശു​പാ​ർ​ശ​ പ്ര​കാ​രം​ അം​ഗീ​കാ​രം​ ല​ഭ്യ​മാ​യ​ ഈ​ പ്രോ​ജ​ക്റ്റി​ന്റെ​ അ​ട​ങ്ക​ൽ​ തു​ക​ 1​3​2​ കോ​ടി​ രൂ​പ​യാ​ണ്. ഇ​തി​ൽ​ 5​3​.4​0​ കോ​ടി​ രൂ​പ​ കേ​ന്ദ്രം​ ന​ൽ​കും​. ബാ​ക്കി​ സം​സ്ഥാ​നം​ വ​ഹി​ക്കും​.

കൊ​ച്ചി​,​ തി​രു​വ​ന​ന്ത​പു​രം​ ന​ഗ​ര​ങ്ങ​ളി​ൽ​ ഉ​ത്പാ​ദ​ന​ കേ​ന്ദ്ര​ങ്ങ​ൾ​ സ്ഥാ​പി​ക്കും​. ഗ​താ​ഗ​ത​,​ വ്യ​വ​സാ​യ​ മേ​ഖ​ല​ക​ളി​ൽ​ പൈ​ല​റ്റ് പ​ദ്ധ​തി​ക​ൾ​,​ ഉ​ത്പാ​ദ​ന​ത്തി​നു​ള്ള​ ഇ​ല​ക്ട്ര​ലൈ​സ​ർ​ ബാ​ങ്കു​ക​ൾ​,​ പ​രി​ശോ​ധ​നാ​ സൗ​ക​ര്യ​ങ്ങ​ൾ​,​ ഇ​ന്ധ​നം​ നി​റ​യ്ക്ക​ൽ​ സ്റ്റേ​ഷ​നു​ക​ൾ​ തു​ട​ങ്ങി​യ​വ​യും​ പ​ദ്ധ​തി​യു​ടെ​ ഭാ​ഗ​മാ​യി​ ന​ട​പ്പാ​ക്കും​. അ​ല്പം​മു​മ്പ്,​ ദാ​വോ​സി​ലെ​ ലോ​ക​ സാ​മ്പ​ത്തി​ക​ ഫോ​റം​ അം​ഗീ​ക​രി​ച്ച​ വ്യ​വ​സാ​യ​ ക്ല​സ്റ്റ​റു​ക​ളി​ൽ​ ഒ​ന്നാ​മ​താ​യി​ ന​മ്മു​ടെ​ ഈ​ പ​ദ്ധ​തി​ ഇ​ടം​ പി​ടി​ച്ചി​രു​ന്നു​. ക​ഴി​ഞ്ഞ​ ഏ​താ​നും​ വ​ർ​ഷ​ങ്ങ​ളാ​യി​ കേ​ര​ളം​ ഹൈ​ഡ്ര​ജ​ൻ​ രം​ഗ​ത്ത് കൈ​ക്കൊ​ണ്ട​ ന​യ​ങ്ങ​ളും​ ന​ട​പ​ടി​ക​ളും​ മു​ന്നോ​ട്ടു പാ​യി​ക്കാ​നു​ള്ള​ ക​രു​ത്തു ന​ൽ​കാ​ൻ​ ഹൈ​ഡ്ര​ജ​ൻ​ വാ​ലി​ പ​ദ്ധ​തി​ക്ക് ക​ഴി​യു​മെ​ന്നാ​ണ് വി​ല​യി​രു​ത്ത​പ്പെ​ടു​ന്ന​ത്.
​
​ഹൈ​ഡ്ര​ജ​ൻ എ​ന്ന

അ​സ്വ​ത​ന്ത്ര​ൻ​!

പ്ര​പ​ഞ്ച​ത്തി​ൽ​ ഏ​റ്റ​വും​ സ​മൃ​ദ്ധ​മാ​യു​ള്ള​ മൂ​ല​ക​മാ​ണ് ഹൈ​ഡ്ര​ജ​ൻ​. അ​തൊ​രു​ ഊ​ർ​ജ്ജ​ സ്രോ​ത​സാ​യി​ വി​നി​യോ​ഗി​ക്കു​ന്ന​തി​നെ​ക്കുറിച്ചുള്ള ഗ​വേ​ഷ​ണ​ങ്ങ​ൾ​ക്ക് ര​ണ്ടു​ നൂ​റ്റാ​ണ്ടി​ലധികം ച​രി​ത്ര​മു​ണ്ടെ​ങ്കി​ലും,​ ഇ​ന്ധ​നം​ എ​ന്ന​ നി​ല​യി​ലു​ള്ള​ ഹൈ​ഡ്ര​ജ​ന്റെ​ ഉ​പ​യോ​ഗം​ അ​ടു​ത്ത​കാ​ലം​ വ​രെ​ കാ​ര്യ​മാ​യി​ ഉ​യ​ർ​ന്നി​രു​ന്നി​ല്ല​. ഇ​തി​ന് പ്ര​ധാ​ന​ കാ​ര​ണ​ങ്ങ​ൾ​ ര​ണ്ടാ​യി​രു​ന്നു​. ഒ​ന്ന്,​ പെ​ട്രോ​ൾ​ പോ​ലു​ള്ള​ ഫോ​സി​ൽ​ ഇ​ന്ധ​ന​ങ്ങ​ളു​ടെ​ വി​ല​ 1​9​7​0​-​ക​ൾ​ വ​രെ​ വ​ള​രെ​ താ​ഴ്ന്നു​ നി​ന്നി​രു​ന്നു​. ര​ണ്ടാ​മ​ത്തേ​ത്,​ ഹൈ​ഡ്ര​ജ​ൻ​ എ​ന്ന​ ​ മൂ​ല​ക​ത്തി​ന്റെ​ അ​സ്തി​ത്വ​വു​മാ​യി​ ബ​ന്ധ​പ്പെ​ട്ട​ പ്ര​ത്യേ​ക​ത​ക​ളാ​ണ്. സ​ർ​വ​വ്യാ​പി​യാ​ണെ​ങ്കി​ലും​ മി​ക്ക​വാ​റും​ അ​ത് സ്വ​ത​ന്ത്ര​മാ​യി​ നി​ല​നി​ൽ​ക്കു​ന്നി​ല്ല!

ഉ​ദാ​ഹ​ര​ണ​മാ​യി​ ,​പ​ല​പ്പോ​ഴും​ ഓ​ക്സി​ജ​ൻ​ മൂ​ല​ക​വു​മാ​യി​ സം​യോ​ഗി​ച്ചു​ണ്ടാ​കു​ന്ന​ വെ​ള്ള​ത്തി​ലാ​ണ് ഹൈ​ഡ്ര​ജ​ൻ​ കു​ടി​കൊ​ള്ളു​ന്ന​ത്. ഹൈ​ഡ്ര​ജ​നെ​ സ്വ​ത​ന്ത്ര​മാ​യി​ ല​ഭ്യ​മാ​ക്കാ​ൻ​ ജ​ല​ ത​ന്മാ​ത്ര​ക​ളി​ൽ​ നി​ന്ന് വി​ശ്ലേ​ഷ​ണം​ (​e​l​e​c​t​r​o​l​y​s​i​s​)​ എ​ന്ന​ പ്ര​ക്രി​യ​യി​ലൂ​ടെ​ വേ​ർ​തി​രി​ച്ചെ​ടു​ക്ക​ണം​. ഇ​പ്ര​കാ​രം​ പ​രോ​ക്ഷ​ രീ​തി​യി​ൽ​ വി​ഘ​ടി​പ്പി​ച്ച് എടു​ക്കേ​ണ്ടി​ വ​രു​ന്ന​താ​ക​യാ​ൽ​ ചെ​ല​വേ​റു​ന്നു. താ​ര​ത​മ്യേ​ന​ കു​റ​ഞ്ഞ​ വി​ല​യ്ക്ക് ഫോ​സി​ൽ​ ഇ​ന്ധ​ന​ങ്ങ​ൾ​ ല​ഭ്യ​മാ​യി​രു​ന്ന​ കാ​ല​ത്ത് ഹൈ​ഡ്ര​ജ​ൻ​ ഇ​ന്ധ​ന​ത്തി​ന്റെ​ പ്ര​ഭ​ മ​ങ്ങി​പ്പോ​യ​ത് തി​ക​ച്ചും​ സ്വാ​ഭാ​വി​കം​. പ​ക്ഷേ​,​ പി​ന്നീ​ട​ങ്ങോ​ട്ട് കാ​ര്യ​ങ്ങ​ൾ​ മാ​റി​മ​റി​ഞ്ഞു​. ഇ​ന്ധ​ന​ങ്ങ​ളു​ടെ​ വി​ല​ കു​തി​ച്ചു​യ​ർ​ന്നു. അ​വ​ മ​ലി​നീ​ക​ര​ണ​ത്തി​ന്റെ​ പ്ര​ധാ​ന​ സ്രോ​ത​സു​ക​ൾ​ കൂ​ടി​യാ​ണെ​ന്ന​ ബോ​ദ്ധ്യ​ത്തി​നും​ ക​നം​വ​ച്ചു​ വ​ന്നു​.

ഇ​തി​നി​ട​യി​ൽത്തന്നെ, ​ഗ​വേ​ഷ​ണ​-​ പ​രീ​ക്ഷ​ണ​ങ്ങ​ളി​ലൂ​ടെ​ ഹൈ​ഡ്ര​ജ​ന്റെ​ ഉ​ത്​പാ​ദ​ന​ച്ചെ​ല​വ് താ​ഴ്ന്നു​ വ​ന്നുകൊണ്ടിരുന്നു​. ഒ​രു​ കി​ലോ​ഗ്രാം​ ഹൈ​ഡ്ര​ജ​ൻ​ ഉ​ത്പാ​ദി​പ്പി​ക്കു​ന്ന​തി​ന് നേ​ര​ത്തേ അഞ്ചു ​ മു​ത​ൽ​ ആറ് ഡോ​ള​ർ​ വ​രെ​ ചെ​ല​വ് വ​രു​മാ​യി​രു​ന്നെ​ങ്കി​ൽ​,​ ഇ​പ്പോ​ഴ​ത് രണ്ട് ഡോ​ള​ർവ​രെ​ താ​ഴ്ത്താ​ൻ​ ക​ഴി​യു​മെ​ന്നാ​ണ് അ​റി​യു​ന്ന​ത്. ഈ​ സാ​ഹ​ച​ര്യ​ത്തി​ൽ,​ ഗ​താ​ഗ​ത​ത്തി​നും​ വി​വി​ധ​ങ്ങ​ളാ​യ​ വ്യാ​വ​സാ​യി​ക​ ആ​വ​ശ്യ​ങ്ങ​ൾ​ക്കുമായി ഹൈ​ഡ്ര​ജ​ന്റെ​ ആ​വ​ശ്യ​ക​ത​ ഉ​യ​ർ​ന്നു​വ​ന്നു​.
​
​ഹൈ​ഡ്ര​ജ​ൻ

വി​ശു​ദ്ധ​ൻ

​
ജ​ല​ത്തി​ൽ​ നി​ന്ന് വി​ഘ​ട​നത്തി​ലൂ​ടെ​ ഹൈ​ഡ്ര​ജ​ൻ​ വേ​ർ​തി​രി​ച്ചെ​ടു​ക്കു​ന്ന​ പ്ര​ക്രി​യ​യ്ക്കു​ള്ള​ ഊ​ർ​ജ്ജ​ത്തി​നാ​യി​ ആ​ദ്യ​കാ​ല​ങ്ങ​ളി​ൽ​ ആ​ശ്ര​യി​ച്ചി​രു​ന്ന​ത് ഫോ​സി​ൽ​ ഇ​ന്ധ​ന​ങ്ങ​ളെ​യാ​യി​രു​ന്നു​. അ​തു​കൊ​ണ്ടു​ത​ന്നെ​ ഉ​ത്പാ​ദ​നച്ചെലവ് കാ​ര്യ​മാ​യി​ താ​ഴ്ത്താ​നും​ ക​ഴി​ഞ്ഞി​ല്ല​;​ കൂ​ടാ​തെ​ മ​ലി​നീ​ക​ര​ണ​ പ്ര​ശ്ന​ങ്ങ​ളി​ൽ​ നി​ന്ന് ഹൈ​ഡ്ര​ജ​ന് മു​ക്തി​ നേ​ടാ​നു​മാ​യി​ല്ല. ഫോ​സി​ൽ​ മാ​ർ​ഗങ്ങ​ൾ​ ഉ​പ​യോ​ഗി​ച്ചു​കൊ​ണ്ടു​ള്ള​ വി​ഘ​ട​ന​ത്തി​ലൂ​ടെ​ നി​ർ​മ്മി​ച്ചെ​ടു​ക്കു​ന്ന​ ഇ​ന്ധ​ന​ത്തെ​ ധൂ​സ​ര​ (​g​r​e​y​)​ ഹൈ​ഡ്ര​ജ​ൻ​ എ​ന്ന് വി​ളി​ച്ചു​. എ​ന്നാ​ൽ ഇ​പ്പോ​ൾ​ പു​ന​ർ​നി​ർ​മ്മി​ച്ചെ​ടു​ക്കാ​വു​ന്ന​ (​r​e​n​e​w​a​b​l​e​)​ ഇ​ന്ധ​ന​സ്രോ​ത​സു​ക​ളാ​യ​ കാ​റ്റാ​ടി​ ഊ​ർ​ജം,​ സൗ​രോ​ർ​ജ്ജം​ തു​ട​ങ്ങി​യ​വ​യി​ലൂ​ടെ​ ചെ​ല​വ് കു​റ​ഞ്ഞ​തും​ കാ​ർ​ബ​ൺ​ ബ​ഹി​ർ​ഗ​മ​നം​ തീ​രെ​ കു​റ​വാ​യ​തു​മാ​യ​ ഹൈ​ഡ്ര​ജ​ൻ​ ഉ​ത്പാ​ദി​പ്പി​ക്കാ​നു​ള്ള​ സ്ഥി​തി​ സം​ജാ​ത​മാ​യി​രി​ക്കു​ക​യാ​ണ്. ശു​ദ്ധി​യാ​ർ​ന്ന​ ഈ​ ഇ​ന്ധ​ന​ത്തി​ന് ഹ​രി​ത ​(​g​r​e​e​n​ )​ഹൈ​ഡ്ര​ജ​ൻ​ എ​ന്ന​ പേ​രും​ ല​ഭി​ച്ചു​.
​
കേരളം; മു​മ്പേ

പ​റ​ക്കു​ന്നു

​ഹൈ​ഡ്ര​ജ​ൻ​ നി​ർ​മ്മാ​ണ​ത്തി​ന് ആവ​ശ്യ​മാ​യ​ ഘ​ട​ക​ങ്ങ​ൾ​ വേ​ണ്ടു​വോ​ള​മു​ള്ള​ നാ​ടാ​ണ് ന​മ്മു​ടേ​ത്. ശു​ദ്ധ​ജ​ല​മാ​ണ് പ്ര​ധാ​ന​ നി​ർ​മ്മാ​ണ​ സാ​മ​ഗ്രി. ഒ​രു​ കി​ലോ​ഗ്രാം​ ഹൈ​ഡ്ര​ജ​ൻ​ ഉ​ത്പാ​ദി​പ്പി​ക്കു​ന്ന​തി​ന് ഏ​ക​ദേ​ശം​ 10 ലി​റ്റ​ർ​ വെ​ള്ളം​ വേ​ണ്ടി​വ​രു​മെ​ന്നാ​ണ് ക​ണ​ക്ക്. ഉ​യ​ർ​ന്ന​ തോതിലുള്ള മ​ഴ,​ നി​ര​വ​ധി​ ന​ദി​ക​ൾ,​ കാ​യ​ലു​ക​ൾ, ​ത​ടാ​ക​ങ്ങ​ൾ,​ അ​രു​വി​ക​ൾ​ എ​ന്നി​വ​യാ​ൽ​ സ​മ്പ​ന്ന​മാ​യ​ ജ​ല​സ്രോ​ത​സു​ക​ളു​ടെ​ നാ​ടാണ് കേ​ര​ളം. വി​ഘ​ട​ന​ പ്ര​ക്രി​യ​യ്ക്കാ​യി​ വേ​ണ്ടി​വ​രു​ന്ന​ മ​റ്റൊ​രു​ ഘ​ട​കം​ വൈ​ദ്യു​തി​യാ​ണ്. ഒ​രു​ കി​ലോ​ഗ്രാം​ ഹൈ​ഡ്ര​ജ​ൻ​ നി​ർ​മ്മി​ക്കു​ന്ന​തി​ന് ഏ​ക​ദേ​ശം​ 5​0​ കി​ലോവാ​ട്ട് വൈ​ദ്യു​തി​ വേ​ണം​.

പു​ന​രു​പ​യോ​ഗ​ ഊ​ർ​ജ്ജസ്രോ​ത​സു​ക​ളു​ടെ​ കാ​ര്യ​ത്തി​ലും​ ന​ല്ല​ സാ​ദ്ധ്യത​ക​ളു​ള്ള​ നാ​ടാ​ണ് കേ​ര​ളം​. ഗ​താ​ഗ​ത​ത്തി​നു പു​റ​മേ​ റി​ഫൈ​ന​റി,​ വ​ളം​ നി​ർ​മ്മാ​ണം​,​ രാ​സ​വ​സ്തു​ നി​ർ​മ്മാ​ണം​,​ വാ​ട്ട​ർ​ മെ​ട്രോ​ രം​ഗം​ തു​ട​ങ്ങി​യ​വ​യു​ടെ​ സാ​ന്നി​ദ്ധ്യം കാ​ര്യ​മാ​യി​ ഉ​ള്ള​തി​നാ​ൽ​ ഹൈ​ഡ്ര​ജ​നു വേ​ണ്ടി​യു​ള്ള​ ആ​ഭ്യ​ന്ത​ര​ ആ​വ​ശ്യ​ക​ത​ ഉ​യ​ർ​ന്ന​താ​യി​രി​ക്കും​. ക​യ​റ്റു​മ​തി​ക്കാ​യി​ കൊ​ച്ചി​ തു​റ​മു​ഖം​ കൂ​ടാ​തെ​ വി​ഴി​ഞ്ഞം​ തു​റ​മു​ഖ​വും​ ന​മു​ക്കു​ണ്ട്. കേ​ര​ള​ത്തെ​ ഹൈ​ഡ്ര​ജ​ൻ​ നി​ർ​മ്മാ​ണ​-​ വി​ത​ര​ണ​-​ ക​യ​റ്റു​മ​തി​ ഹ​ബ്ബാ​യി​ വ​ള​ർ​ത്തി​യെ​ടു​ക്കു​ന്ന​തി​ന് ദീ​ർ​ഘ​വീ​ക്ഷ​ണ​ത്തോ​ടെ​യു​ള്ള​ നേ​തൃ​ത്വം​ ന​ൽ​കു​ന്ന​ത് സം​സ്ഥാ​ന​ സ​ർ​ക്കാ​ർ​ ത​ന്നെ​യാ​ണ്.

2​0​2​1​ ജൂ​ണി​ൽ​ ധ​ന​മ​ന്ത്രി​ കെ​ .എ​ൻ​. ബാ​ല​ഗോ​പാ​ൽ​ അ​വ​ത​രി​പ്പി​ച്ച​ തു​ട​ർ​ ബ​ഡ്ജ​റ്റി​ൽ​,​ ഹൈ​ഡ്ര​ജ​ൻ​ ഇ​ന്ധ​ന​ത്തി​ന്റെ​ സാ​ദ്ധ്യ​ത​ക​ൾ​ കോ​റി​യി​ടു​ക​യും​,​ പൈ​ല​റ്റ് അ​ടി​സ്ഥാ​ന​ത്തി​ൽ​ ഹൈ​ഡ്ര​ജ​ൻ​ ബ​സു​ക​ൾ​ നി​ര​ത്തി​ലി​റ​ക്കു​മെ​ന്ന് പ്ര​ഖ്യാ​പി​ക്കുകയും ചെയ്തി​രു​ന്നു​. 2​0​2​2​-​2​3​ ബ​ഡ്ജ​റ്റി​ൽ​ 2​0​4​0​-​ഓ​ടെ​ കേ​ര​ളം​ 1​0​0​ ശതമാനം പു​ന​ർനി​ർ​മ്മാ​ണ​ ഊ​ർ​ജ്ജ​ ഉ​പ​ഭോ​ഗ​ത്തി​ൽ​ എ​ത്തു​മെ​ന്നും​,​ 2​0​5​0​-​ഓ​ടെ​ പൂ​ജ്യം​ കാ​ർ​ബ​ൺ​ നെ​റ്റ് ന്യൂ​ട്രാ​ലി​റ്റി​ നേ​ടു​മെ​ന്നും​ പ്ര​ഖ്യാ​പി​ച്ചു​. കൊ​ച്ചി​ അ​ന്താ​രാ​ഷ്ട്ര​ വി​മാ​ന​ത്താ​വ​ള​വും​ ഭാ​ര​ത് പെ​ട്രോ​ളി​യം​ ക​മ്പ​നി​യും​ സ​ഹ​ക​രി​ച്ച് നി​ർ​മ്മി​ച്ച​ ഹൈ​ഡ്ര​ജ​ൻ​ ബ​സ് ഉ​ട​ൻ​ റോ​ഡി​ലി​റ​ങ്ങും​.

നെ​ടു​മ്പാ​ശ്ശേ​രി​ വി​മാ​ന​ത്താ​വ​ള​ പ​രി​സ​ര​ത്ത് സ്ഥാ​പി​ക്കു​ന്ന​ ദ​ക്ഷി​ണേ​ന്ത്യ​യി​ലെ​ ആ​ദ്യ​ത്തെ​ ഗ്രീ​ൻ​ ഹൈ​ഡ്ര​ജ​ൻ​ പ്ലാ​ന്റും,​ ഇ​ന്ധ​നം​ നി​റ​യ്ക്കാ​നു​ള്ള​ സ്റ്റേ​ഷ​നും​ ക​മ്മി​ഷ​നിംഗിനുള്ള ഒ​രു​ക്ക​ത്തി​ലാ​ണ്. വി​ഴി​ഞ്ഞം​,​ കൊ​ച്ചി​ തു​റ​മു​ഖ​ങ്ങ​ൾ​ കേ​ന്ദ്രീ​ക​രി​ച്ച് ഹ​രി​ത​ ഹൈ​ഡ്ര​ജ​നും​ ഹ​രി​ത​ അ​മോ​ണി​യ​വും​ ഉ​ത്പാ​ദി​പ്പി​ക്കു​ന്ന​തി​നാ​യി​ 7​2​,​7​6​0​ കോ​ടി​ രൂ​പ​യു​ടെ​ നി​ക്ഷേ​പം​ ന​ട​ത്താ​ൻ​ നാ​ല് പ്ര​മു​ഖ​ ക​മ്പ​നി​ക​ൾ​ സം​സ്ഥാ​ന​ സ​ർ​ക്കാ​രി​നെ​ സ​മീ​പി​ച്ച് പ്രൊ​പ്പോ​സ​ലു​ക​ൾ​ സ​മ​ർ​പ്പി​ച്ചി​രു​ന്നു​. ഇ​വ​യു​ടെ​ വി​ശ​ദ​മാ​യ​ പ​രി​ശോ​ധ​ന​ക​ൾ​ ന​ട​ക്കു​ക​യാ​ണെ​ന്നും​ തീ​രു​മാ​നം​ വൈ​കാ​തെ​ ഉ​ണ്ടാ​വു​മെ​ന്നുമാ​ണ് റി​പ്പോ​ർ​ട്ട് ചെ​യ്യ​പ്പെ​ടു​ന്ന​ത്.
ചു​രു​ക്ക​ത്തി​ൽ,​ പ​രി​സ്ഥി​തി​ സൗ​ഹാ​ർ​ദ്ദ​പ​ര​വും​,​ പ​തി​നാ​യി​ര​ക്ക​ണ​ക്കി​ന് തൊ​ഴി​ല​വ​സ​ര​ങ്ങ​ളും വ​ലി​യ​ ​വ​രു​മാ​ന​വും​ ​വി​ദേ​ശ​നാ​ണ്യ​വും​ നേ​ടി​ത്ത​രു​ന്നതുമായ രം​ഗ​മാ​യി​ കേ​ര​ള​ത്തി​ലെ​ ഹൈ​ഡ്ര​ജ​ൻ​ മേ​ഖ​ല​ വി​ക​സി​ക്കു​മെ​ന്ന​ പ്ര​ത്യാ​ശ​യ്ക്ക് വ​സ്തു​ത​ക​ളു​ടെ​ വലിയ പി​ൻ​ബ​ല​മു​ണ്ട്.