ഏതൊരാളെയും തോൽപ്പിക്കുന്ന ബുദ്ധിസാമർത്ഥ്യമുള്ളത് ഈ നക്ഷത്രക്കാർക്കാണ്

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2025 ഓഗസ്റ്റ് 7 കർക്കടകം 22 വ്യാഴാഴ്ച. രാമായണ മാസം 22-ാം ദിനം.

(മദ്ധ്യാഹ്ന ശേഷം 2 മണി 0 മിനിറ്റ് 53 സെക്കൻഡ് വരെ പൂരാടം നക്ഷത്രം ശേഷം ഉത്രാടം നക്ഷത്രം)

അശ്വതി: ആരോപണങ്ങൾ അടിസ്ഥാനരഹിതമായിരിക്കും, ആപത്തുകളിൽ നിന്നും അത്ഭുതകരമായി രക്ഷപെടും, ധനപ്രാപ്തി, ദൈവാനുകൂല്യം, തേൻ പുരട്ടിയ വാഗ്ദാനങ്ങളിൽ വീണു പോകരുത്. സുഹൃത്തുക്കളുമായി അഭിപ്രായ വ്യത്യാസമുണ്ടാകാതെ സൂക്ഷിക്കണം.

ഭരണി: പുതിയ കർമ്മമേഖല തുടങ്ങുകയും വലിയ സ്ഥാപനമായി മാറുകയും ചെയ്യും, ശുഭകാര്യങ്ങൾ നടക്കും, തൊഴിലിലും ബിസിനസിലും നേട്ടം. മാദ്ധ്യമ പ്രവർത്തകർക്ക് ശോഭിക്കാൻ സാധിക്കും. ദാമ്പത്യ സുഖക്കൂടുതൽ അനുഭവപ്പെടും, രോഗശാന്തിയും, സാമ്പത്തികമായി മേന്മയുള്ള സമയം.

കാർത്തിക: കുടുംബാംഗങ്ങളോട് പരുഷമായ വാക്കുകൾ ഉപയോഗിക്കുവാനുള്ള പ്രവണത ഉണ്ടാകും, ആഗ്രഹിക്കുന്ന കാര്യങ്ങൾ പലതും നടപ്പിലാകില്ല, കലഹങ്ങൾ ഉണ്ടാകാതെ നോക്കണം. പണയത്തിലിരിക്കുന്ന ഉരുപ്പടികൾ നഷ്ടപ്പെടാതെ നോക്കണം, വിവാഹക്കാര്യത്തിൽ അന്യരുടെ ഇടപെടൽ മൂലം അസ്വസ്ഥതകൾ ഉടലെടുക്കും.

രോഹിണി: ലഹരിയുടെ ഉപയോഗം മൂലം തൊഴിലിൽ പ്രശ്നങ്ങൾ ഉണ്ടാകും, അനാവശ്യമായ കലഹങ്ങൾ ഒഴിവാക്കുക, പ്രശ്നങ്ങളിലും വാഗ്‌ദാനങ്ങളിലും വഴിപ്പെടരുത്. ഏറ്റെടുത്ത പദ്ധതികൾ പൂർത്തിയാക്കാൻ പ്രയാസപ്പെടും, പ്രശ്നങ്ങളിൽ ചാടാൻ സാദ്ധ്യതയുണ്ട്. പൊതുജനങ്ങളുമായി കലഹിക്കാൻ ഇടവരും.

മകയിരം: അകാരണമായ കലഹങ്ങൾ പല പ്രശ്നങ്ങൾക്കും ഇടയാക്കും, സഹായികൾ ശത്രുക്കൾ ആകും, ധനത്തിന്റെ കാര്യങ്ങൾ ശ്രദ്ധാപൂർവ്വം കൈകാര്യം ചെയ്യണം. സന്താനങ്ങളുടെ വിദ്യാഭ്യാസ കാര്യങ്ങളിൽ ഉത്കണ്ഠാകുലരാകും. ദൂരയാത്രകൾ മുഖേന അധികച്ചെലവുകളും ശാരീരിക ക്ലേശവും അനുഭവപ്പെടും.

തിരുവാതിര: ഉദ്ദേശിക്കുന്ന പല കാര്യങ്ങളും പ്രാവർത്തികമാക്കാൻ കഠിനപ്രയത്നം വേണ്ടി വരും, ബന്ധുക്കളുമായി നിലവിൽ ഉണ്ടായിരുന്ന അഭിപ്രായ വ്യത്യാസം വർദ്ധിക്കും, എല്ലാ കാര്യങ്ങളിലും അതീവ ശ്രദ്ധ ചെലുത്തണം. ധനം സമ്പാദിക്കാൻ നന്നേ ബുദ്ധിമുട്ടും, കർമ്മരംഗത്ത് പ്രയാസങ്ങൾ നേരിടേണ്ടി വരും.

പുണർതം: വിശ്വാസവഞ്ചന നേരിടേണ്ടി വരും, കോടതി നടപടികൾ നേരിടേണ്ടി വരും, ജോലിസ്ഥലത്ത് ശത്രുക്കളുടെ ഉപദ്രവം. അപ്രതീക്ഷിതമായി അധികൃതരുടെ അപ്രീതിക്ക് സാദ്ധ്യത, രോഗാദിക്ലേശങ്ങളും അനാവശ്യ ചെലവുകളും ഉണ്ടാകും.

പൂയം: തൊഴിൽപരമായും ധനപരമായും ഉണ്ടായിരുന്ന ദോഷം മാറും, തൊഴിൽ രഹിതർക്ക് ജോലി ലഭിക്കാൻ നേരിട്ടിരുന്ന തടസങ്ങൾ മാറികിട്ടും. ചെയ്തുപോയ കുറ്റങ്ങൾ ക്ഷമിക്കപ്പെടും. ദൈവീക കാര്യങ്ങളിൽ കൂടുതൽ ശ്രദ്ധ ചെലുത്തും, വിരോധികളുമായി അടുക്കും.

ആയില്യം: മാതാപിതാക്കളുടെ ആവശ്യങ്ങൾ നിറവേറ്റാൻ ശ്രമിക്കും, പുണ്യദേവാലയങ്ങൾ സന്ദർശിക്കും, നിദ്രാ ഭംഗം, യശസ്സ്, കർമ്മ പുഷ്‌ടി എന്നിവ ഉണ്ടാകും, അഭിമാനകരമായ സംഗതികൾ സംഭവിക്കും, വിദ്യാഭ്യാസ കാര്യങ്ങളിൽ പുരോഗതി.

മകം: മതപരമായ കാര്യത്തിൽ താത്പര്യം വർദ്ധിക്കും, മനസമാധാനം ലഭിക്കും, ഉന്നത വ്യക്തികളുടെ സഹായത്താൽ വിജയം നേടും. വിവാഹാദി മംഗളകർമ്മങ്ങളിൽ പങ്കെടുക്കും, വിദേശത്ത് മെച്ചപ്പെട്ട ജോലി.

പൂരം: ആരാധനാലയങ്ങളിൽ ധാരാളം സമയം ചിലവഴിക്കും, മാധ്യമങ്ങളിൽ തിളങ്ങും, കേസ് രമ്യതയിലാകും,
ധനപരമായ കാര്യങ്ങളിൽ വിജയം, പുതിയ ഗൃഹോപകരണങ്ങൾ വാങ്ങിക്കും. ജോലിഭാരം കുറയും, മറ്റുള്ളവരുടെ സഹായത്താൽ കാര്യങ്ങൾ അനുകൂലമാക്കും.

ഉത്രം: പൂർവ്വീക സ്വത്ത് ലഭിക്കാൻ സാദ്ധ്യതയുണ്ട്, വാഹന ക്രയവിക്രയങ്ങളിൽ ലാഭവും നേട്ടവും, പിതാവിൽനിന്നും അനുകൂല നിലപാട്, പുതിയ ബന്ധങ്ങൾ ഉടലെടുക്കും, കുടുംബ ജീവിതത്തിലുള്ള സ്വരചേർച്ചയില്ലായ്മ മാറും.

അത്തം: അവസരോചിതമായി ആത്മധൈര്യം കൈവിടാതെ പ്രവർത്തിക്കുന്നതിനാൽ ആപത്ഘട്ടങ്ങളെ അതിജീവിക്കാൻ കഴിയും. കുടുംബ ഭദ്രത കൈവരിക്കും, കുടുംബത്തിൽ സ്ത്രീകൾക്ക് അംഗീകാരം. ഉദ്ദിഷ്ടകാര്യലാഭം.

ചിത്തിര: ശത്രുക്കളുടെയും അസൂയാലുക്കളുടെയും ശല്യം വർദ്ധിക്കും. വൈദ്യുതി, വാഹനം, വാതകം, ആയുധം, രാസപദാർത്ഥങ്ങൾ എന്നിവയിലൂടെ അപകടം വരാൻ സാദ്ധ്യത ഉള്ളതിനാൽ സൂക്ഷ്മതയോടെ പെരുമാറണം, പണം കടം കൊടുക്കരുത്. ലഹരി പദാർഥങ്ങൾ ഉപയോഗിക്കരുത്.

ചോതി: ആഡംബരഭ്രമം കാരണം ധനം സമ്പാദിക്കാൻ സാധിക്കില്ല. ധനകാര്യസ്ഥാപനങ്ങളെ ആശ്രയിച്ച് നിൽക്കുന്നവർക്ക് കാര്യസാദ്ധ്യതകൾ മന്ദഗതിയിലാകും. ആരോഗ്യ പരിപാലനത്തിൽ ശ്രദ്ധ ആവശ്യമാണ്, ഔഷധം ഉപയോഗിക്കേണ്ടി വരും.

വിശാഖം: രഹസ്യ പ്രവർത്തനങ്ങളിൽ നിന്നും വിട്ടു നിൽക്കണം, ഇഷ്ട ജനങ്ങൾ ശത്രുക്കളെപ്പോലെ പെരുമാറും, ദേഹദുരിതത്തിനു സാദ്ധ്യത. ജലം,അഗ്നി ഇവ സൂക്ഷിക്കണം. കർമ്മരംഗത്ത് കരുതൽ ആവശ്യം.

കുടുംബാംഗങ്ങൾക്ക് ഉണ്ടാകുന്ന രോഗങ്ങൾ മുഖേന സാമ്പത്തിക ക്ലേശം ഉണ്ടാകാൻ സാദ്ധ്യത. മാതാവിനും പിതാവിനും രോഗങ്ങൾ, യാത്രയിൽ ദുരിതാനുഭവങ്ങൾ.

കേട്ട: മേലുദ്യോഗസ്ഥരുടെ നീരസം സമ്പാദിക്കും, ഗൃഹനിർമാണത്തിൽ പാകപ്പിഴവുകൾ ഉണ്ടാകാതെ ശ്രദ്ധിക്കണം, സംഘടന പ്രവർത്തനങ്ങളിൽ വളരെ സൂക്ഷ്മതയോടെ പ്രവർത്തിക്കണം, സംസാരം വളരെ നിയന്ത്രിക്കണം, വ്യാപാരികൾക്ക് വിദേശബന്ധം ലഭിക്കും.

മൂലം: യുവാക്കൾ ജോലികാര്യങ്ങളിൽ തട്ടിപ്പിനിടയാകാൻ സാദ്ധ്യത ഉള്ളതിനാൽ കരുതലോടെ മുന്നേറണം, അന്യദേശത്ത് തൊഴിലിൽ കുഴപ്പങ്ങൾ, ശത്രുക്കളുടെ ഉപദ്രവം വർദ്ധിക്കും. വാഹനം ഉപയോഗിക്കുന്നവർ സൂക്ഷിക്കുക, പണം ചെലവഴിക്കുന്നതിന് നിയന്ത്രണമേർപ്പെടുത്തും.

പൂരാടം: ശത്രുതാ മനോഭാവത്തിലായിരുന്ന വ്യക്തികൾ സ്വാർത്ഥ താൽപര്യങ്ങൾ സാധിക്കുന്നതിനു വേണ്ടി ചങ്ങാത്തം കൂടും, പല അപ്രതീക്ഷിത സംഭവങ്ങളും ജീവിതത്തിൽ വന്നുചേരും. മറ്റുള്ളവരുടെ ആദരവ് നേടും, ശത്രുക്കളുമായി ഒത്തുതീർപ്പിലെത്തും.

ഉത്രാടം: സ്ത്രീകളെ വിശ്വസിക്കരുത്,പ്രതീഷിച്ചിരുന്ന അംഗീകാരം കൈവിട്ടുപോയ അവസ്ഥ വരും, രാഷട്രീയക്കാർ അവരുടെ പ്രവൃത്തികൾ വളരെ സൂക്ഷ്മതയോടെ കൈകാര്യം ചെയ്യണം, പൊതുവേദികളിൽ അപമാനിതനാവാൻ ഇടയുള്ളതിനാൽ സൂക്ഷിക്കണം, തെറ്റിദ്ധാരണകൾ വന്നുഭവിക്കും, സഹപ്രവർത്തകരുമായി അകൽച്ചയുണ്ടാകും.

തിരുവോണം: വിശിഷ്ടഭോജന സൗഖ്യം,കർമ്മ രംഗത്ത് സൽപേര് നിലനിർത്താൻ കഴിയും. നേട്ടങ്ങൾ കൈവരിക്കും, ആത്മീയ കാര്യങ്ങളിൽ താൽപ്പര്യം കൂടും, രോഗാവസ്ഥ കുറയ്ക്കാൻ സാധിക്കും. മറ്റുള്ളവർക്ക് അസൂയ തോന്നുന്ന കാര്യങ്ങൾ സംഭവിക്കും, രാഷ്ട്രീയ പ്രവർത്തകർക്ക് അനുകൂല സമയം.

അവിട്ടം: ബുദ്ധി സാമർത്ഥ്യം കൊണ്ട് പല ആപത്തുകളിൽ നിന്നും രക്ഷപ്പെടും, ബന്ധുജനങ്ങളുമായി ഉണ്ടായിരുന്ന അഭിപ്രായ വ്യത്യാസങ്ങൾ മാറികിട്ടും. കൗശലം കൊണ്ട് ദുഷ്‌കരമായിരുന്നു എന്ന് കരുതിയിരുന്ന സംഗതികൾ വരുതിയിലാക്കും, വ്യവഹാരവിജയം, ബന്ധുബലം, ഉന്മേഷം വർദ്ധിക്കും. ബിസിനസിൽ അഭിവൃദ്ധി.

ചതയം: സ്ത്രീകൾക്ക് തൊഴിൽരംഗത്ത് നിന്നും അഭിമാനവും അംഗീകാരവും, ആഭരണങ്ങൾ കിട്ടും, അപ്രതീക്ഷിത ധനനേട്ടം, അസ്ഥിസംബന്ധമായ അസുഖങ്ങൾക്ക് നേരിയതോതിൽ ശമനം ലഭിക്കും, കുടുംബാംഗങ്ങൾ സ്‌നേഹത്തോടെ പെരുമാറും, സന്താന ഭാഗ്യം, ഉണ്ടായിരുന്ന ക്ലേശങ്ങൾ മാറും.

പൂരുരുട്ടാതി: ഏതു പ്രതിസന്ധിയും അതിജീവിക്കാൻ പ്രത്യേക വൈഭവമുണ്ടാകും,മക്കൾക്ക് വിവാഹത്തിന് ഉണ്ടായിരുന്ന തടസ്സങ്ങൾ അകലും, ശത്രുക്കൾ മിത്രങ്ങൾ ആകും, കുടുംബത്തിൽ മംഗള കർമ്മങ്ങൾ നടക്കും.

ഉതൃട്ടാതി: ഹോട്ടൽ രംഗത്ത് നിന്നും കൂടുതൽ വരുമാനം, വാഹനഭാഗ്യം, പങ്കാളിക്ക് ജോലിയിൽ പ്രമോഷൻ, മേലധികാരികളിൽ നിന്നും സൗഹാർദ്ദപരമായ സമീപനം പ്രതീക്ഷിക്കാം. ദാമ്പത്യം സുഖപ്രദം, ചിരകാലാഭിലാഷം പൂവണിയും, പല രീതിയിലും ധനം വന്നുചേരും.

രേവതി: പഠനത്തിൽ വിജയം, കർമ്മ മേഖലയിൽ പുതുമയാർന്ന ആശയങ്ങൾ അവതരിപ്പിക്കുന്നത് വഴി അംഗീകാരം ലഭിക്കും. പ്രതികൂല സാഹചര്യങ്ങളിൽ ആത്മവിശ്വാസത്തോടുകൂടി പ്രവർത്തിക്കുവാൻ സാധിക്കും,
അപ്രതീക്ഷിതവും അനുകൂലവുമായ ചില സംഭവങ്ങൾ നടക്കും.