ഹൗഡി മോദി നാളെ, ഹൂസ്റ്റനിൽ നരേന്ദ്രമോദിക്കെതിരെ കേസ്

ഹൂസ്റ്റൻ: ഹൗഡി മോദി പരിപാടിയിൽ പ​ങ്കെടുക്കുന്നതിനായി അമേരിക്കയിലെ ഹൂസ്റ്റനിലെത്തുന്ന പ്രധാനമന്ത്രി നരേന്ദ്രമോദിക്കെതിരെ കേസ്. കാശ്​മീരിലെ മനുഷ്യാവകാശ ലംഘനങ്ങൾ ചൂണ്ടിക്കാട്ടിയാണ് കേസെടുത്തിരിക്കുന്നത്​. അമേരിക്ക കേന്ദ്രമായി പ്രവർത്തിക്കുന്ന കശ്മീർ ആക്ടിവിറ്റുകളാണ് പ്രധാനമന്ത്രിക്കെതിരെ ഫെഡറൽ കോടതിയിൽ കേസ് നൽകിയത്. 73 പേജുള്ള പരാതിയാണ് കാശ്​മീർ ആക്​ടിവിസ്​റ്റുകൾ​ നൽകിയത്​.

1991ൽ പീഡനത്തിനിരയാകുന്നവരെ സംരക്ഷിക്കുന്ന നിയമപ്രകാരമാണ്​ കേസ്​. പ്രധാനമന്ത്രിക്ക്​ പുറമേ ആഭ്യന്തര മന്ത്രി അമിത്​ ഷാക്കെതിരെയും കാശ്​മീരിലെ സൈനിക ഉദ്യോഗസ്ഥർക്ക്​ എതിരെയും കേസ്​ നൽകിയിട്ടുണ്ട്​. കേസിന്റെ അടിസ്ഥാനത്തിൽ ടെക്സസ് കേന്ദ്രമാക്കി പ്രവർത്തിക്കുന്ന ഫെഡറൽ കോടതി മോദിക്ക് സമൻസ് അയച്ചിരുന്നു. സമാനമായ രീതിയിൽ 2014 സെപ്​തംബറിലും മോദിക്കെതിരെ യു.എസ്​ കോടതി സമൻസ്​ അയച്ചിരുന്നു. 2015 ജനുവരിയിലാണ്​ സമൻസ്​ പിൻവലിച്ചത്​. ഹൗഡി മോദിയുമായി ബന്ധപ്പെട്ട് മോദി ഇന്ന് ഹൂസ്റ്റനിലെത്തുന്നുണ്ട്. പ്രധാനമന്ത്രി പ്രതിഷേധം ശക്തമാക്കാനാണ് കശ്​മീർ ആക്​ടിവിസ്​റ്റുകളുടെയും ഖാലിസ്ഥാൻ വാദികളുടെയും ശ്രമം.