പി.കെ.ശ്രീമതിയുടെ ഭർത്താവ് ദാമോദരൻ നിര്യാതനായി

പഴയങ്ങാടി (കണ്ണൂർ):സി.പി.എം.കേന്ദ്രകമ്മറ്റി അംഗവും ജനാധിപത്യ മഹിളാ അസോസിയേഷൻ അഖിലേന്ത്യാ പ്രസിഡന്റും മുൻമന്ത്രിയുമായ പി.കെ.ശ്രീമതിയുടെ ഭർത്താവ് ഇ.ദാമോദരൻ (83) നിര്യാതനായി. മാടായി ഗവ.ഹൈസ്‌കൂളിലെ റിട്ട.അദ്ധ്യാപകനും സാംസ്‌കാരിക പ്രവർത്തകനുമായിരുന്നു. മൃതദേഹം ഇന്നലെ രാവിലെ 11ന് അതിയടത്തുള്ള വീട്ടിൽ പൊതുദർശനത്തിന് വച്ചിരുന്നു. മുഖ്യമന്ത്രി പിണറായി വിജയൻ അനുശോചിച്ചു. സംസ്‌കാരം ഇന്ന് രാവിലെ 10ന് അതിയടം പൊതുശ്മശാനത്തിൽ. മകൻ:പി.കെ.സുധീ‌ർ,മരുമകൾ:ധന്യ സുധീർ. സഹോദരങ്ങൾ: ഇ.ബാലൻ നമ്പ്യാർ (റിട്ട.റെയിൽവേ ഉദ്യോഗസ്ഥൻ),പരേതനായ ഇ.നാരായണൻ (മുൻ ചെറുതാഴം ഗ്രാമ പഞ്ചായത്ത് പ്രസിഡന്റ് ).