ചക്കക്കൊമ്പന്റെ ആക്രമണത്തിൽ കർഷകന് ദാരുണാന്ത്യം

മൂന്നാർ: ശാന്തമ്പാറ പഞ്ചായത്തിലെ ചൂണ്ടലിൽ കാട്ടാനയാക്രമണത്തിൽ കർഷകന് ദാരുണാന്ത്യം. ചിന്നക്കനാൽ ചൂണ്ടൽ സ്വദേശി ജോസഫാണ് (വേലുച്ചാമി- 62) പന്നിയാർ ആർ.എച്ച്.എസ് എസ്റ്റേറ്റിന് സമീപം കൊല്ലപ്പെട്ടത്. ഇന്നലെ രാവിലെ 10ന് സമീപമുള്ള സ്വന്തം കൃഷിയിടത്തിലേക്ക് പോകും വഴി ജോസഫിനെ ചക്കക്കൊമ്പൻ എന്ന ഒറ്റയാനാണ് ആക്രമിച്ചത്.

ആനയെ കണ്ട് ഓടി രക്ഷപെടാൻ ശ്രമിച്ച ജോസഫിനെ തൊട്ടടുത്തുള്ള സ്വകാര്യ എസ്റ്റേറ്റിൽ വച്ച് ചക്കക്കൊമ്പൻ അടിച്ചു വീഴ്ത്തിയ ശേഷം പല തവണ ചവിട്ടി. ജോസഫിന്റെ കൈളും കാലുകളും ഒടിഞ്ഞു നുറുങ്ങിയ അവസ്ഥയിലാണ്. ബഹളം കേട്ട് എസ്റ്റേറ്റിൽ ജോലി ചെയ്തിരുന്ന തൊഴിലാളികൾ ഒടിയെത്തിയെങ്കിലും ചക്കക്കൊമ്പൻ ഇവിടെ തന്നെ നിലയുറപ്പിച്ചതിനാൽ ജോസഫിന്റെ അടുത്തേക്ക് പോകാനായില്ല. സംഭവ സമയത്ത് ഏഴ് വീതം രണ്ട് കാട്ടാനക്കൂട്ടങ്ങളാണ് പന്നിയാറിൽ ഒരു കിലോമീറ്റർ ചുറ്റളവിൽ നിലയുറപ്പിച്ചത്.

നാട്ടുകാർ അറിയിച്ചതിനെ തുടർന്ന് വനംവകുപ്പ് ഉദ്യോഗസ്ഥർ സ്ഥലത്തെത്തി. ഇവർ പടക്കം പൊട്ടിച്ചും ബഹളം വച്ചും ചക്കക്കൊമ്പനെ തുരത്തി ഒരു മണിക്കൂറിന് ശേഷമാണ് ജോസഫിന്റെ മൃതദേഹം ഇവിടെ നിന്ന് എടുക്കാനായത്. തുടർന്ന് വനം വകുപ്പിന്റെ വാഹനത്തിൽ രാജകുമാരി കുടുംബാരോഗ്യ കേന്ദ്രത്തിലെത്തിച്ചു. ഇൻക്വസ്റ്റ് നടപടികൾക്ക് ശേഷം മൃതദേഹം ഇടുക്കി മെഡിക്കൽ കോളേജിലേക്ക് മാറ്റി. പന്നിയാർ എസ്റ്റേറ്റിലെ മുൻ ജീവനക്കാരനാണ് ജോസഫ്. പന്നിയാർ തേയില എസ്റ്റേറ്റിലെ തൊഴിലാളി ജ്ഞാനമ്മാളാണ് ഭാര്യ. മക്കൾ: ഇമ്മാനുവൽ, ജാൻസി എസർ. മരുമകൾ: പവിത.

 അ​ട്ട​പ്പാ​ടി​യി​ലും​ ​കാ​ട്ടാന ആ​ക്ര​മ​ണം​:​ ​ഒ​രാ​ൾ​ ​മ​രി​ച്ചു

പാ​ല​ക്കാ​ട്:​ ​അ​ട്ട​പ്പാ​ടി​യി​ൽ​ ​കാ​ട്ടാ​ന​ ​ആ​ക്ര​മ​ണ​ത്തി​ൽ​ ​ഗൃ​ഹ​നാ​ഥ​ന് ​ദാ​രു​ണാ​ന്ത്യം.​ ​തേ​ക്കു​വെ​ട്ട​ ​ബൊ​മ്മി​പ്പ​ടി​ ​ര​ങ്ക​സ്വാ​മി​യു​ടെ​ ​മ​ക​ൻ​ ​ശാ​ന്ത​കു​മാ​ർ​ ​(52​)​ ​ആ​ണ് ​മ​രി​ച്ച​ത്.​ ​പു​തൂ​ർ​ ​തേ​ക്കു​വെ​ട്ട​യി​ലാ​ണ് ​സം​ഭ​വം.​ ​ബൈ​ക്കി​ൽ​ ​യാ​ത്ര​ ​ചെ​യ്യു​ന്ന​തി​നി​ടെ​ ​എ​തി​രെ​ ​വ​ന്ന​ ​കാ​ട്ടാ​ന​ ​ആ​ക്ര​മി​ക്കു​ക​യാ​യി​രു​ന്നു.​ ​ഗു​രു​ത​ര​മാ​യി​ ​പ​രി​ക്കേ​റ്റ​ ​ശാ​ന്ത​കു​മാ​ര​നെ​ ​കൂ​ക്കം​പാ​ള​യം​ ​സ്വ​കാ​ര്യ​ ​ആ​ശു​പ​ത്രി​യി​ലെ​ത്തി​ച്ചെ​ങ്കി​ലും​ ​ജീ​വ​ൻ​ ​ര​ക്ഷി​ക്കാ​നാ​യി​ല്ല.​ ​ഭാ​ര്യ​:​ ​സു​മ​തി.​ ​മ​ക്ക​ൾ​:​ ​ഇ​ന്ദ്ര​ജി​ത്ത്,​ ​ര​ഞ്ജി​നി.