13വയസിന് മുകളിൽ ആർക്കും കാണാവുന്ന 'അവിഹിതം'

ആദ്യ ഗാനം പുറത്തിറങ്ങി

തിങ്കളാഴ്ച നിശ്ചയം എന്ന ചിത്രത്തിലൂടെ ദേശീയ- സംസ്ഥാന പുരസ്‌കാരജേതാവായ സെന്ന ഹെഗ്‌ഡെ സംവിധാനം ചെയ്യുന്ന 'അവിഹിത'ത്തിലെ ലിറിക്കൽ വീഡിയോ ഗാനം റിലീസ് ചെയ്തു. ടിറ്റോ പി തങ്കച്ചൻ എഴുതിയ വരികൾക്ക് ശ്രീരാഗ് സജി സംഗീതം പകരുന്നു. സിയ ഉൾ ഹഖ്, ശ്രീരാഗ് സജി എന്നിവർ ആലപിച്ച ' അയ്യയ്യേ, നിർമ്മലേ...'എന്നാരംഭിക്കുന്ന ഗാനമാണ് പുറത്തിറങ്ങിയത്. ഉണ്ണിരാജും , രഞ്ജിത്ത് കങ്കോലും കേന്ദ്ര കഥാപാത്രങ്ങളെ അവതരിപ്പിക്കുന്നു. അംബരീഷ് കളത്തറ, സെന്ന ഹെഗ്‌ഡെ എന്നിവർ ചേർന്ന് തിരക്കഥ രചിച്ച ചിത്രത്തിന് U/A സർട്ടിഫിക്കറ്റും ലഭിച്ചു. ഇഫോർ എക്സ്പിരിമെന്റ്സ്,ഇമാജിൻ സിനിമാസ്, മാരുതി ടാക്കീസ് (മുകിൽ)എന്നീ ബാനറിൽ മുകേഷ് ആർ മേത്ത,ഹാരിസ് ദേശം,പി. ബി അനീഷ്,സി. വി സാരഥി,സെന്ന ഹെഗ്‌ഡെ എന്നിവർ ചേർന്നാണ് നിർമ്മിക്കുന്നത്.ഛായാഗ്രഹണം നിർവഹിക്കുന്നത് ശ്രീരാജ് രവീന്ദ്രനും രമേശ് മാത്യുവുമാണ്. ക്രിയേറ്റീവ് ഡയറക്ടർശ്രീരാജ് രവീന്ദ്രൻ, എഡിറ്റർ സനാത് ശിവരാജ്, എക്സിക്യൂട്ടീവ് പ്രൊഡ്യൂസർ സുധീഷ് ഗോപിനാഥ്, ക മാർക്കറ്റിംഗ് ഹെഡ് വിവേക് രാമദേവൻ (ക്യാറ്റലിസ്റ്റ്). ഒക്ടോബർ 10ന് പ്രദർശനത്തിനെത്തും..