മുഖ്യമന്ത്രിയും സംഘവും ഇന്ന് പുറപ്പെടും

തിരുവനന്തപുരം: മൂന്നാഴ്ച നീണ്ടു നിൽക്കുന്ന ഗൾഫ് പര്യടനത്തിന്റെ ആദ്യഘട്ടമായി മുഖ്യമന്ത്രി പിണറായിവിജയൻ ഇന്ന് വൈകിട്ട് യാത്ര തിരിക്കും. 17ന് ബഹ്റിനിൽ പ്രവാസി മലയാളി സംഗമത്തിലാണ് മുഖ്യമന്ത്രി ആദ്യം പങ്കെടുക്കുക. മന്ത്രി സജി ചെറിയാൻ, ബഹറിനിലെ ഇന്ത്യൻ അംബാസഡർ വിനോദ് കെ.ജേക്കബ്, ലുലുഗ്രൂപ്പ് ചെയർമാൻ എം.എ.യൂസഫലി, ചീഫ് സെക്രട്ടറി എ.ജയതിലക് തുടങ്ങിയവർ പരിപാടിയിൽ പങ്കെടുക്കും. മന്ത്രി സജിചെറിയാനും പര്യടന സംഘത്തിലുണ്ടെങ്കിലും അദ്ദേഹത്തിന്റെ യാത്ര മിക്കവാറും നാളെയാവും. മുഖ്യമന്ത്രി 22ന് മസ്‌ക്കറ്റിലെത്തും. 24നാണ് അവിടെ പൊതുപരിപാടി. 25ന് സലാലയിലെ പരിപാടിയിലും പങ്കെടുത്ത് 26 ന് കൊച്ചിയിലെത്തും.