പൂനെ ടെലിവിഷൻ ഇൻസ്റ്റിറ്റ്യൂട്ടിൽ ഹ്രസ്വകാല കോഴ്സുകൾ

സിനിമ,ടെലിവിഷൻ മേഖലകളിൽ താത്പര്യമുള്ളവർക്കായി പൂനെ ടെലിവിഷൻ ഇൻസ്റ്റിറ്റ്യൂട്ട് വിവിധ ഹ്രസ്വകാല കോഴ്സുകൾ ഒരുക്കുന്നു.സ്മാർട്ട് ഫോൺ ഫിലിം മേക്കിംഗ്,ഫിലിം മേക്കിംഗ്,സിനിമാട്ടോഗ്രഫി,ക്യാമറ ടെക്നിക്കൽ ഓപ്പറേഷൻസ് എന്നീ വിഭാഗങ്ങളിലാണ് കോഴ്സ്.പൂനെ ഫിലിം & ടെലിവിഷൻ ഇൻസ്റ്റിറ്റ്യൂട്ടിന്റെ ഓപ്പൺ ലേണിംഗ് സെന്ററാണ് പ്രോഗ്രാം സംഘടിപ്പിക്കുന്നത്.കോഴ്സ് വിജയകരമായി പൂർത്തിയാക്കുന്നവർക്ക് സർട്ടിഫിക്കറ്റ് ലഭിക്കും.എല്ലാ കോഴ്സുകളിലേക്കും അപേക്ഷിക്കാൻ വേണ്ട കുറഞ്ഞ യോഗ്യത പ്ലസ് ടു ജയം.18 വയസ് പൂർത്തിയായിരിക്കണം.

ഫിലിം മേക്കിംഗ് ഫൗണ്ടേഷൻ കോഴ്സ്:-ആകെ സീറ്റ് 18.ഡിസംബർ 10 മുതൽ 23 വരെ (14 ദിവസം) ഗോവയിലാണ് ക്ലാസ്.സ്ക്രീൻ റൈറ്റിംഗ്,സ്ക്രീൻ ആക്ടിംഗ്,ഫിലിം ഡയറക്ഷൻ എന്നിവയിൽ അടിസ്ഥാന അറിവ് ലഭിക്കും വിധമാണ് സിലബസ്.കോഴ്സ് ഫീ 29000 രൂപ. അപേക്ഷ ലഭിക്കേണ്ട അവസാന തീയതി നവംബർ 20.

സ്മാർട്ട്ഫോൺ ഫിലിം മേക്കിംഗ്:- ആകെ സീറ്റ് 30.ഡിസംബർ 15 മുതൽ 19 വരെ (5 ദിവസം) ഡൽഹിയിലാണ് ക്ലാസ്.സിനിമാറ്റിക് ക്യാമറ ബേസിക്സ്,ഗിയർ & മൂവ്മെന്റ്സ്,ലൈറ്റിംഗ്,ഓഡിയോ & എഡിറ്റിംഗ്,സ്റ്റോറി ടെല്ലിംഗ്, വൈറൽ വീഡിയോ എന്നീ വിഷയങ്ങൾ സിലബസിലുണ്ട്.കോഴ്സ് ഫീ 7000 രൂപ.അപേക്ഷ ലഭിക്കേണ്ട അവസാന തീയതി നവംബർ 10.

ഡിജിറ്റൽ സിനിമാട്ടോഗ്രഫി:-ആകെ സീറ്റ് 24.ഡിസംബർ 8 മുതൽ 20 വരെ (12 ദിവസം) പൂനെയിലാണ് ക്ലാസ്. ഡിജിറ്റൽ സിനിമാട്ടോഗ്രഫി,ക്യാമറ മൂവ്മെന്റ്,ഷോട്ട്,ലൈറ്റ് കൺട്രോൾ,ഷൂട്ടിംഗ്,ഫോട്ടോഗ്രഫി ഫിൽട്ടേഴ്സ് എന്നീ വിഷയങ്ങൾ സിലബസിലുണ്ട്.കോഴ്സ് ഫീ 15000 രൂപ.അപേക്ഷ ലഭിക്കേണ്ട അവസാന തീയതി നവംബർ 10.

ടി.വി പ്രോഗ്രാം പ്രൊഡക്ഷൻ:-ആകെ സീറ്റ് 20.ഡിസംബർ ഒന്നു മുതൽ 5 വരെ (5 ദിവസം) പൂനെയിലാണ് ക്ലാസ്.മൾട്ടി ക്യാമറ സെറ്റപ്പ്,സ്റ്റുഡിയോ ഫ്ലോർ,വീഡിയോ സ്വിച്ചിംഗ്,ഓഡിയോ കൺട്രോൾ,റെക്കോഡിംഗ്,ടി.വി പ്രോഗ്രാം പ്രൊഡക്ഷൻ എന്നീ വിഷയങ്ങൾ സിലബസിലുണ്ട്.കോഴ്സ് ഫീ 5000 രൂപ.അപേക്ഷ ലഭിക്കേണ്ട അവസാന തീയതി നവംബർ 10.വിശദ വിവരങ്ങൾക്കും അപേക്ഷ സമർപ്പിക്കുന്നതിനും ftii.ac.in keCgk.