ഒരു മണിക്കൂറിൽ നര മാറ്റി മുടി കറുപ്പിക്കാം; അതും കെമിക്കലുകളില്ലാതെ, പരീക്ഷിച്ചവർക്കെല്ലാം ഫലം കിട്ടിയ എളുപ്പവഴി

നല്ല കറുത്ത ഇടതൂർന്ന മുടി ആഗ്രഹിക്കാത്തവർ ആരാണ് ഉള്ളത്. എന്നാൽ, ഈ കാലഘട്ടത്തിലെ ജീവിത രീതിയും ഹോർമോൺ വ്യതിയാനവും കാരണം പലരുടെയും മുടി വേഗം നരച്ച് പോകുന്നു. ചെറിയ കുട്ടികൾക്ക് വരെ ഇപ്പോൾ നര ബാധിക്കുന്നുണ്ട്. ഇതിന് പരിഹാരമായി കടയിൽ കിട്ടുന്ന വിലകൂടിയ ഡെെയാണ് പലരും വാങ്ങി ഉപയോഗിക്കുന്നത്. എന്നാൽ, ആദ്യം ഇവ നല്ല ഫലം തരുമെങ്കിലും ഇതിൽ അടങ്ങിയിരിക്കുന്ന കെമിക്കലുകൾ കാലക്രമേണ മുടിയ്ക്ക് ദോഷം ചെയ്യുന്നു. മുടിയുടെ പരിചരണത്തിന് എപ്പോഴും പ്രകൃതിദത്തമായ രീതി ഉപയോഗിക്കുന്നതാണ് നല്ലത്. എളുപ്പത്തിൽ മുടി കറുപ്പിക്കാൻ സഹായിക്കുന്ന ഒരു പ്രകൃതിദത്ത ഡെെ പരിചയപ്പെടാം.

ആവശ്യമായ സാധനങ്ങൾ

ഗ്രാമ്പു - 2 എണ്ണം

കാപ്പിപ്പൊടി - 2 ടേബിൾസ്‌പൂൺ

നെല്ലിക്കപ്പൊടി - 1 ടേബിൾസ്‌പൂൺ

ഹെന്നപ്പൊടി - 1 ടേബിൾസ്‌പൂൺ

തയ്യാറാക്കുന്ന വിധം

ഇരുമ്പ് ചീനച്ചട്ടിയിൽ ഒന്നര ഗ്രാസ് വെള്ളം ചൂടാക്കി അതിലേക്ക് ഗ്രാമ്പുവും കാപ്പിപ്പൊടിയുമിട്ട് നന്നായി തിളപ്പിക്കുക. വറ്റിച്ച് ഒരു ഗ്ലാസ് വെള്ളമാക്കണം. ശേഷം തിളയ്‌ക്കുന്ന കാപ്പിയിലേക്ക് നെലിക്കപ്പൊടിയും ഹെന്നപ്പൊടിയും ചേർത്ത് യോജിപ്പിച്ച് മാറ്റി വയ്‌ക്കുക. എട്ട് മണിക്കൂറിന് ശേഷം ഡൈ രൂപത്തിൽ ലഭിക്കും.

ഉപയോഗിക്കേണ്ട വിധം

കഴുകി വൃത്തിയാക്കി ഉണക്കിയ മുടിയിലേക്ക് ഡൈ പുരട്ടിക്കൊടുക്കുക. ഒന്നോ രണ്ടോ മണിക്കൂറിന് ശേഷം കഴുകി കളയാവുന്നതാണ്. ഒറ്റ ഉപയോഗത്തിൽ തന്നെ മുടി നന്നായി കറുക്കുന്നത് കാണാം.