കേരള സർവകലാശാല

 ഒന്നാം സെമസ്​റ്റർ ബി.എഡ് വിദ്യാർത്ഥികൾക്ക് രണ്ടാം സെമസ്​റ്ററിലേക്ക് കോളേജ് മാ​റ്റത്തിനായി അപേക്ഷിക്കാം. അപേക്ഷകർ ഒന്നാം സെമസ്​റ്ററിൽ പരീക്ഷക്ക് രജിസ്​റ്റർ ചെയ്തവരാകണം. കോളേജ് മാ​റ്റം ഗവ./എയ്ഡഡ് കോളേജുകൾ തമ്മിലും സ്വാശ്രയ കോളേജുകൾ തമ്മിലും, കെ.യു.സി.​റ്റികൾ തമ്മിലും അനുവദിക്കും.
പൂരിപ്പിച്ച അപേക്ഷയോടൊപ്പം ബിരുദ/ബിരുദാനന്തര പരീക്ഷകളുടെ മാർക്ക് ലിസ്​റ്റുകൾ സഹിതം പഠിക്കുന്ന കോളേജിലെയും ചേരാൻ ഉദ്ദേശിക്കുന്ന കോളേജിലെയും പ്രിൻസിപ്പൽമാരുടെ ശുപാർശയോടൊപ്പം 1050രൂപ ഫീസ് അടച്ച് സർവകലാശാലയിൽ 3ന് വൈകിട്ട് 5നകം നൽകണം. തിരഞ്ഞെടുക്കപ്പെടുകയാണെങ്കിൽ 1575രൂപ അടയ്ക്കണം.

 അറബി വിഭാഗം നടത്തുന്ന അറബിക് ടൈപ്പിംഗ് കോഴ്സിലേക്ക് അപേക്ഷിക്കാം. യോഗ്യത: എസ്.എസ്.എൽ.സി/തത്തുല്യം. ഫീസ്: 3000. 3മാസം. അപേക്ഷാഫോം www.arabicku.in.വിവരങ്ങൾക്ക്: 9633812633, 04712308846