ബിരിയാണി ചലഞ്ച് ഹിറ്റായി 'മംഗലം' വേദിയിൽ അവരെത്തി

​​​​​​തൃശൂർ: ഗോത്ര കലയായ മംഗലം കളി കലോത്സവ ഇനമായെത്തിയപ്പോൾ പങ്കെടുക്കണമെന്ന വിദ്യർത്ഥികളുടെ ആഗ്രഹം സഫലമാക്കി പൂർവവിദ്യാർത്ഥി സംഘടന. പീച്ചി ഗവ.എച്ച്.എസ്.എസിലെ വിദ്യർത്ഥികൾക്കാണ് ബിരിയാണി ചലഞ്ചിലൂടെ ഓൾഡ് സ്റ്റുഡൻസ് അസോസിയേഷൻ സഹായമെത്തിച്ചത്. കാസർകോടിലെ ഗോത്ര കലാകാരൻ സതീഷിനെ എത്തിച്ചാണ് പരിശീലനം നൽകിയത്. 12 പേരിൽ പകുതി പേരും ഗ്രോത്ര വിഭാഗത്തിൽപ്പെട്ട വിദ്യാർത്ഥികളാണ്. സബ്ജില്ലയിൽ നിന്നും അപ്പീലുമായെത്തി ജില്ലയിൽ മികച്ച പ്രകടനം കാഴ്ചവച്ച് എ ഗ്രേഡുമായാണ് മടങ്ങിയതും.