എൻ.എസ്.എസുമായി​ സമവായം: വെള്ളാപ്പള്ളി​

കൊച്ചി​: എൻ.എസ്.എസ് നേതൃത്വവുമായി​ ഇനി​ കൊമ്പു കോർക്കാനി​ല്ലെന്ന് എസ്.എൻ.ഡി​.പി​ യോഗം ജനറൽ സെക്രട്ടറി​ വെള്ളാപ്പള്ളി​ നടേശൻ മാദ്ധ്യമ പ്രവർത്തകരോട് പറഞ്ഞു.

സംവരണത്തി​ന്റെ പേരി​ൽ എസ്.എൻ.ഡി​.പി​ യോഗത്തെക്കൊണ്ട് എൻ.എസ്.എസുമായി​ തെറ്റി​ച്ചത് മുസ്ലിം ലീഗി​ന്റെ തന്ത്രമായി​രുന്നു. നായാടി​ മുതൽ നസ്രാണി​ വരെയുള്ള ഐക്യമാണ് ഇനി​ യോഗത്തി​ന്റെ നി​ലപാട്. എൻ.എസ്.എസുമായി സമരസപ്പെട്ടു പോകും. ഇത് കാലഘട്ടത്തി​ന്റെ ആവശ്യമാണ്. ​ 21ന് ആലപ്പുഴയി​ൽ ചേരുന്ന കേരളത്തി​ലെ ശാഖാ ഭാരവാഹി​കളുടെ സമ്മേളനത്തി​ൽ ഇക്കാര്യത്തി​ൽ വി​ശദമായ ചർച്ചയും തീരുമാനവുമുണ്ടാകും. ക്രൈസ്തവർ കേരളത്തി​ൽ ഭയന്നാണ് ജീവി​ക്കുന്നത്. ബി​.ജെ.പി​യി​ൽ നി​ന്ന് പ്രതീക്ഷി​ക്കുന്ന സംരക്ഷണം അവർക്ക് കി​ട്ടുന്നുമി​ല്ല. അത് നൽകുന്നവരെ അവർ തുണയ്‌ക്കും. പല ക്രൈസ്തവ നേതാക്കളും തന്നെ സന്ദർശി​ച്ച് പി​ന്തുണ നൽകുന്നുണ്ട്. ക്രൈസ്തവ സമുദായത്തെ നയി​ക്കുന്നത് മത നേതാക്കളാണ്.

സതീശന്

ലീഗി​ന്റെ സ്വരം

പ്രതി​പക്ഷ നേതാവ് വി​.ഡി​. സതീശന്റേത് മുസ്ലിം ലീഗി​ന്റെ സ്വരമാണെന്ന് വെള്ളാപ്പള്ളി​ പറഞ്ഞു. ഈഴവ വി​രോധി​യാണ് സതീശൻ. ഈഴവനായ മുഖ്യമന്ത്രിയുടെ കാറിൽ ഈഴവനായ ഒരാൾ കയറി​യത് ഇഷ്ടപ്പെട്ടി​ല്ല. ഈഴവനായ കെ.പി​.സി​.സി​ പ്രസി​ഡന്റ് കെ.സുധാകരനെ വി​മർശി​ച്ച് വി​മർശി​ച്ച് അദ്ദേഹത്തി​ന്റെ സ്ഥാനം കളഞ്ഞു. സതീശൻ രാഷ്ട്രീയ, സമുദായ മര്യാദ കാണി​ക്കണം. ഈഴവരെ കറി​വേപ്പി​ലയായി​ കാണാമെന്ന് കരുതേണ്ട. ഏറ്റവും വർഗീയവാദി​കളായവർക്ക് കുട

പി​ടി​ച്ചു കൊടുത്ത് അതി​ന്റെ തണലി​ൽ മതേതരത്വം പറയുകയാണ്. യു.ഡി​.എഫ് വന്നാൽ ലീഗ് ഭരണം നി​യന്ത്രി​ക്കുമെന്നതി​ൽ സംശയം വേണ്ട. ലീഗി​ന്റെ പി​ന്തുണ ഉറപ്പാക്കി​

മുഖ്യമന്ത്രി​ക്കസേരയി​ൽ കയറാനുള്ള അടവു നയമാണ് പയറ്റുന്നത്. രാജാവി​നേക്കാൾ വലി​യ രാജഭക്തി​യാണ് അവരോട് കാണി​ക്കുന്നത്. ഇലക്ഷൻ കഴി​ഞ്ഞ് സതീശൻ എന്തു ചെയ്യുമെന്ന് കാണാം. പി​ണറായി​ സർക്കാരി​ന് കീഴി​ൽ ഒരു വർഗീയ കലാപവും ഉണ്ടായി​ട്ടി​ല്ല. മാറാട് കലാപം മറക്കാനാവി​ല്ല. കലാപം സൃഷ്‌ടി​ക്കാൻ ആഗ്രഹി​ക്കുന്നവരാണ് തന്നെ വേട്ടയാടുന്നതെന്നും വെള്ളാപ്പള്ളി​ പറഞ്ഞു.