സംസ്ഥാന ടെക്‌നിക്കൽ ഹൈസ്‌കൂൾ കലോത്സവത്തിന് ഇന്ന് സമാപനം

തൃശൂർ: 46ാം സംസ്ഥാന ടെക്‌നിക്കൽ ഹൈസ്‌കൂൾ കലോത്സവത്തിന് ഇന്ന് സമാപനം. ഇന്ന് വൈകിട്ട് മൂന്നിന് നടക്കുന്ന സമാപന സമ്മേളനം മേയർ നിജി ജസ്റ്റിൻ ഉദ്ഘാടനം ചെയ്യും. കോർപറേഷൻ കൗൺസിലർ അഡ്വ.ജോയി ബാസ്റ്റ്യൻ ചാക്കോള അദ്ധ്യക്ഷനാകും. ജില്ലാ പഞ്ചായത്ത് വൈസ് പ്രസിഡന്റ് ടി.കെ.സുധീഷ്, ഷീല ജോർജ് എന്നിവർ വിശിഷ്ടാതിഥികളാകും. തുടർന്ന് കോർപറേഷൻ കൗൺസിലർ അഡ്വ.സുബി ബാബു സമ്മാനവിതരണം നിർവഹിക്കും. തൃശൂർ ഗവ. ടെക്‌നിക്കൽ ഹൈസ്‌കൂളിന്റെ ആഭിമുഖ്യത്തിൽ നാല് ദിവസങ്ങളിൽ എട്ട് വേദികളിലായാണ് മത്സരങ്ങൾ നടന്നത്. സംസ്ഥാന ടെക്‌നിക്കൽ ഹൈസ്‌കൂൾ കലോത്സവം ജനറൽ കോ ഓർഡിനേറ്റർ കൂടിയായ സാങ്കേതിക വിദ്യാഭ്യാസ വകുപ്പ് ഡയറക്ടർ ഡോ.പി.ജയപ്രകാശ് സ്വാഗതം പറയും. തൃശൂർ ടെക്‌നിക്കൽ ഹൈസ്‌കൂൾ സൂപ്രണ്ട് പി.ജയപ്രസാദ് നന്ദി പറയും.