കാട്ടുചെടിയാണെന്ന് കരുതി വെട്ടിമാറ്റരുത്; ആരോഗ്യത്തിന് കാവലാണ് ഈ സസ്യം

നാട്ടിൻപുറങ്ങളിലെ പറമ്പുകളിൽ ധാരാളമായി പടർന്നുപിടിക്കാറുള്ള ഒരു സസ്യമാണ് തഴുതാമ. കാട്ടുചെടിയായി മാത്രം കരുതുന്ന ഇവയെ ഒരു പച്ചക്കറിയായും ഉപയോഗിക്കാൻ സാധിക്കും. ധാരാളം ഔഷധഗുണങ്ങളും ഈ സസ്യത്തിൽ അടങ്ങിയിട്ടുണ്ട്. പ്രമേഹം, മലബന്ധം, അസിഡിറ്റി, കൊളസ്‌ട്രോൾ തുടങ്ങീ നിരവധി ആരോഗ്യപ്രശ്‌നങ്ങൾക്കുള്ള സമ്പൂർണ ഔഷധമാണ് തഴുതാമ. ആഹാരക്രമത്തിൽ തഴുതാമ ഉൾപ്പെടുത്തുന്നതിന്റെ ഗുണങ്ങൾ എന്തെല്ലാമാണെന്ന് തിരിച്ചറിയാം.

• ഒമേഗ3 ഫാറ്റി ആസിഡുകൾ ധാരാളമായി അടങ്ങിയിരിക്കുന്നതിനാൽ കൊളസ്‌ട്രോൾ നിയന്ത്രിക്കാനും ഹൃദയത്തെ സംരക്ഷിക്കാനും സാധിക്കുന്നു.
• ഇവയിൽ ധാരാളം ഫൈബർ അടങ്ങിയിരിക്കുന്നതിനാൽ മലബന്ധം, അസിഡിറ്റി തുടങ്ങിയ ദഹന പ്രശ്‌നങ്ങൾ കുറയ്‌ക്കുന്നു.
• വിറ്റാമിൻ എ,സി എന്നിവയും ആന്റിഓക്‌സിഡന്റുകളും ഉള്ളതിനാൽ പ്രതിരോധശേഷി വർദ്ധിക്കാൻ സഹായിക്കുന്നു.
• ഇവയിൽ ധാരാളമായി ജലാംശം അടങ്ങിയിരിക്കുന്നതിനാൽ ശരീരത്തിന്റെ ചൂട് കുറയ്‌ക്കുന്നു. അതിനാൽ ചൂടുക്കാലത്ത് തഴുതാമ ഉപയോഗിച്ചുള്ള വിഭവങ്ങൾ കഴിക്കുന്നത് കൂടുതൽ ഗുണകരമാണ്.
• ആന്റി ഓക്‌സിഡന്റുകൾ ചർമ്മത്തിന്റെ തിളക്കം വർദ്ധിപ്പിക്കുകയും മുടിവേര് ശക്തിപ്പെടുത്തുകയും ചെയ്യുന്നു.
• കാത്സ്യം, മഗ്നീഷ്യം, ഇരുമ്പ് തുടങ്ങിയവ എല്ലുകൾ ശക്തമാക്കാൻ സഹായിക്കുന്നു.
• കുറഞ്ഞ കലോറിയും ഉയർന്ന ഫൈബറും ഉള്ളതിനാൽ ഡയറ്റ് പിന്തുടരുന്നവർക്ക് ഇത് വളരെ അനുയോജ്യമായ ഭക്ഷണമാണ്.
• എന്നാൽ ഇവ അമിതമായി കഴിക്കുന്നത് ചിലരിൽ വയറിളക്കത്തിന് കാരണമാകാം.