വീട് പുതുക്കിപ്പണിയും, പരീക്ഷകളിൽ വിജയിക്കും; സർവ്വീസിലുള്ളവർക്ക് കൂടുതൽ വരുമാനം പ്രതീക്ഷിക്കാം

നക്ഷത്രഫലം
2026 മാർച്ച് 2 മുതൽ മാർച്ച് 8 വരെ

അശ്വതി
വീട് പുതുക്കിപ്പണിയും. പരീക്ഷകളിൽ വിജയിക്കും. സർവ്വീസിലുള്ളവർക്ക് കൂടുതൽ വരുമാനം പ്രതീക്ഷിക്കാം. നിർമ്മാണ പ്രവർത്തനങ്ങൾ ഏറ്റെടുത്തെന്ന് വരാം. വിദേശയാത്ര നടത്താനവസരം ഉണ്ടാകും. ശുഭദിനം - ഞായർ.
ഭരണി
പൂർവ്വികസ്വത്ത് അധീനതയിലാകും. മനസ്സിന്റെ സ്വസ്ഥത നിലനിർത്താൻ കഴിയും. ഉന്നതവ്യക്തികളിൽ നിന്ന് സഹായങ്ങൾ ലഭിക്കും. പലകാര്യങ്ങളിലും ധീരമായ തീരുമാനം കൈക്കൊള്ളും. സ്ഥലം മാറി താമസിക്കാനുള്ള അവസരം വന്നു ചേരും. ആരോഗ്യകാര്യങ്ങളിൽ കൂടുതൽ ശ്രദ്ധിക്കണം. ശുഭദിനം- ബുധൻ.

കാർത്തിക
പുതിയ സംരംഭങ്ങൾ ആരംഭിക്കും. അന്യാധീനപ്പെട്ടെന്നു കരുതിയ ഭൂസ്വത്ത് അധീനതയിൽ വന്നു ചേരും. മക്കളുടെ നേട്ടത്തിൽ അഭിമാനിക്കാൻ സാധിക്കും. സഹോദരങ്ങളിൽ നിന്ന് സഹായം ലഭിക്കും. വിനോദോപാധികൾക്കായി പണം ചെലവഴിക്കും. ശുഭദിനം-വെള്ളി.

രോഹിണി

കുടുംബത്തിൽ സാമ്പത്തിക ഉന്നതി അനുഭവപ്പെടും. സർക്കാരിൽ നിന്ന് ലഭിക്കേണ്ട ആനുകൂല്യങ്ങൾ കിട്ടാൻ ഇടയുണ്ട്. വാഹനങ്ങൾ വിൽക്കുകയോ വാങ്ങുകയോ ചെയ്യാനിടയുണ്ട്. സഹോദരന്മാരുമായി അഭിപ്രായ വ്യത്യാസങ്ങളുണ്ടാകും. ശുഭദിനം-ചൊവ്വ.

മകയിരം
കുടുംബജീവിതം സുഖകരമായിരിക്കും. വിദ്യാർത്ഥികൾക്ക് നല്ല വിജയം ഉണ്ടാകും. ഭൂമിയോ വീടോ വാങ്ങാൻ അവസരമുണ്ടാകും. ബന്ധുസഹായങ്ങൾ അനുകൂലമാകും. ഈശ്വരാനുഗ്രഹത്താൽ വലിയ വിഷമങ്ങളെ ലഘൂകരിക്കാൻ കഴിയും. വിശുഭദിനം- വ്യാഴം.

തിരുവാതിര
ഏറ്റെടുത്ത കാര്യങ്ങൾ പൂർത്തിയാക്കുന്നതിന് മനസ്സിന് സന്തോഷവും സമാധാനവും ലഭിക്കും. ഉദ്യോഗത്തിൽ സ്ഥാനക്കയറ്റം ഉണ്ടാകും. കഴിവുകൾക്ക് അംഗീകാരം ലഭിക്കും. സാമ്പത്തികമായി മെച്ചപ്പെടുമെങ്കിലും ചെലവുകൾ കൂടി വരും. പുതിയ സംരംഭങ്ങൾക്ക് അനുയോജ്യ സമയമല്ല. ശുഭദിനം- ശനി.
പുണർതം
ഭൂസ്വത്ത് വാങ്ങുവാൻ യോഗമുണ്ട്. നഷ്ടപ്പെട്ടെന്ന് കരുതിയ വസ്തുക്കൾ തിരിച്ചു കിട്ടും. ഊഹക്കച്ചവടത്തിലും ഷെയറുകളിലും നേട്ടമുണ്ടാകും. ശത്രുക്കളുടെ മേൽ വിജയം കൈവരിക്കും. വിദ്യാഭ്യാസരംഗത്ത് പുരോഗതി ഉണ്ടാകും. ശുഭദിനം-ഞായർ.

പൂയം
ഉദ്യോഗത്തിൽ പ്രൊമോഷന് സാധ്യതയുണ്ട്. കലാകാരന്മാർക്ക് നല്ല സമയമാണ്. ഭൂമിവില്പനയിൽ നല്ല ലാഭം പ്രതീക്ഷിക്കാം. കൃഷിയിൽ നിന്ന് ആദായം ലഭിക്കും. കേസുകളിൽ വിജയം ലഭിക്കും. ആരോഗ്യപരമായ സ്വസ്ഥത കുറയും. ശുഭദിനം-ഞായർ.
ആയില്യം
ബന്ധുക്കളിൽ നിന്ന് വളരെ സഹകരണം ഉണ്ടാകും. രാഷ്ട്രീയ പ്രവർത്തകർക്ക് പ്രശസ്തിയും പദവിയും ലഭിക്കും. കേസുകൾ മധ്യസ്ഥം മുഖേന അവസാനിപ്പിക്കും. പ്രമേഹരോഗികൾ ശ്രദ്ധിക്കണം. ശുഭദിനം-ചൊവ്വ.

മകം
സന്താനങ്ങൾക്ക്‌ ശ്രേയസ്സ് വർദ്ധിക്കും. മെഡിക്കൽ സംബന്ധമായി പ്രവർത്തിക്കുന്നവർക്ക് അനുകൂല സമയമാണ്. എല്ലാതൊഴിലുകളിൽ നിന്നും ബിസിനസ്സിൽ നിന്നും കൂടുതൽ വരുമാനമുണ്ടാകും. ശുഭദിനം -തിങ്കൾ.

പൂരം
ഏർപ്പെടുന്ന എല്ലാകാര്യങ്ങളിലും വിജയം കൈവരിക്കും. ഉദ്യോഗത്തിൽ ഉയർച്ചയുണ്ടാകും. ആരോഗ്യനില മെച്ചപ്പെടും. നിയമവിദ്യാർത്ഥികൾക്ക് നല്ല സമയമാണ്. പുതിയ ഭൂമി വാങ്ങാൻ ശ്രമിക്കും. സന്താനജന്മം കൊണ്ട് സ്വഗൃഹം അനുഗ്രഹീതമാകും. ശുഭദിനം-ബുധൻ.

ഉത്രം
എല്ലാ രംഗങ്ങളിലും ഊർജ്ജസ്വലതയും ഊഷ്മളതയും പ്രകടിപ്പിക്കും. സന്താനങ്ങളുടെ വിവാഹലോചനയ്ക്ക് അനുകൂല സമയമാണ്. ചില വിലമതിക്കാനാകാത്ത പ്രശംസാപത്രങ്ങൾ ലഭിക്കും. പരസ്യങ്ങൾ മുഖേന വരുമാനം പ്രതീക്ഷിക്കാം. ശുഭദിനം - വെള്ളി.

അത്തം
കുടുംബത്തിൽ സമാധാനം ഉണ്ടാകും. ബോണ്ടുകളും പ്രോമിസറി നോട്ടുകളും മുഖേന ലഭിക്കേണ്ടിയിരുന്ന പണം പലിശസഹിതം കൈവശം വന്നു ചേരും. പൊതുമേഖലാ സ്ഥാപനങ്ങളിൽ ജോലി ലഭിക്കും. വിദേശയാത്ര ഉദ്ദേശിക്കുന്നവർക്ക് ആഗ്രഹം സാധിക്കും. ശുഭദിനം-ചൊവ്വ.
ചിത്തിര
അവനവന്റെ അധ്വാനം ജനമദ്ധ്യത്തിൽ വെളിവാകും. പല കാര്യങ്ങളും വാശിയോടെ പ്രവർത്തിച്ച് നടത്തിയെടുക്കും. പ്രതീക്ഷിക്കാത്ത സന്ദർഭത്തിൽ പുതിയ ജോലിയിൽ പ്രവേശിക്കും. സന്താനങ്ങൾക്ക് ശ്രേയസ്സ് വർദ്ധിക്കും. ശുഭദിനം - ഞായർ.
ചോതി
പിതൃസ്വത്ത് അനുഭവയോഗ്യമാകും. രോഗികൾക്ക് പഴയ ആരോഗ്യം വീണുകിട്ടും. യന്ത്രങ്ങളുമായി ബന്ധപ്പെട്ട് പുതിയ ബിസിനസ്സ് ആരംഭിക്കും. ക്രയവിക്രയങ്ങളിൽ നിന്ന് നേട്ടമുണ്ടാകും. തെരഞ്ഞെടുപ്പുകളിലും മറ്റും ഉന്നതവിജയം കരസ്ഥമാക്കും. ശുഭദിനം -വ്യാഴം.

വിശാഖം
ഉന്നതവിദ്യാഭ്യാസരംഗത്ത് പുരോഗതിയുണ്ടാകും. ചില പുതിയ എഗ്രിമെന്റുകളിൽ ഒപ്പുവെക്കും. പിതാവിന്റെ ബിസിനസ്സിൽ സജീവമായി പങ്കുചേരും. ഹെൽത്ത് സർവ്വീസുമായി ബന്ധപ്പെട്ട ഉദ്യോഗസ്ഥർക്ക് പ്രൊമോഷൻ ലഭിക്കും. ശുഭദിനം - ശനി.

അനിഴം
പ്രവൃത്തി സ്ഥലത്ത് പ്രശസ്തിയും സ്വാധീനവും വർദ്ധിക്കും. ഭാര്യഭർത്തൃബന്ധം സുദൃഢമാകും. സന്താനങ്ങൾക്ക് ശ്രേയസ്സ് വർദ്ധിക്കും. ടെസ്റ്റുകളിലും ഇന്റർവ്യൂകളിലും വിജയിക്കും. വിദേശയാത്ര സാധ്യമാകും. ശുഭദിനം -തിങ്കൾ.

തൃക്കേട്ട
മനസ്സിന് ഉന്മേഷം പകരുന്ന വാർത്തകൾ കേൾക്കാനിടവരും. പുതിയ വ്യാപാരശ്രമത്തിലേർപ്പെടും. പുതിയ ഉത്തരവാദിത്വങ്ങൾ ഏറ്റെടുക്കും വഴി വരുമാനം കൂടും. സഹോദരിയുടെ വിവാഹം നടക്കും. കുടുംബാംഗങ്ങൾക്ക് ആരോഗ്യം വർദ്ധിക്കും. ശുഭദിനം -ബുധൻ.

മൂലം
കുടുംബത്തിൽ ചില മംഗളകാര്യങ്ങൾ നടക്കും. സുഹൃത്തുക്കളുടെ സഹായം ഉണ്ടാകും. ഉദ്യോഗത്തിൽ പ്രൊമോഷൻ ലഭിക്കും. സിനിമ, സാഹിത്യം തുടങ്ങിയ മേഖലകളിൽ പ്രവർത്തിക്കുന്നവർക്ക് അനുകൂല സമയമാണ്. വാഹനം വിൽക്കും. ശുഭദിനം -ചൊവ്വ.

പൂരാടം
എല്ലാരംഗങ്ങളിലും കാര്യശേഷി പ്രകടിപ്പിക്കും. സന്താനങ്ങളുടെ വിവാഹത്തിന് അനുകൂലസമയമാണ്. ഉന്നത വിദ്യാഭ്യാസരംഗത്ത് പുരോഗതിയുണ്ടാകും. സാമൂഹികരംഗങ്ങളിൽ നന്നായി പരിശോഭിക്കുന്നതായി കാണാം. ഉദ്യോഗത്തിൽ സ്ഥലം മാറ്റമുണ്ടാകാനിടയുണ്ട്. ശുഭദിനം - ഞായർ.

ഉത്രാടം
ജോലിയിൽ മേലധികാരികളുടെ പ്രശംസപിടിച്ചു പറ്റും. പുതിയ വാഹനം വാങ്ങാനുള്ള ശ്രമം നടത്തും. സർക്കാരിൽ നിന്നും പ്രതീക്ഷിക്കുന്ന ആനുകൂല്യം ലഭിക്കും. പൂർത്തിയാക്കാതെ വിട്ട വിദ്യാഭ്യാസം പുനരാരംഭിക്കും. സഹോദരങ്ങളിൽ നിന്ന് സഹായം പ്രതീക്ഷിക്കാം. ശുഭദിനം -ശനി.
തിരുവോണം
ചില വിലപ്പെട്ട സമ്മാനങ്ങൾ സുഹൃത്തുക്കളിൽ നിന്ന് ലഭിക്കും. പൂർവ്വിക സ്വത്ത് അനുഭവയോഗ്യമാകുന്നതാണ്. പുതിയ ചില സംരംഭങ്ങളിൽ ഏർപ്പെടും. കലാസംരംഭങ്ങളിൽ നിന്ന് ധനാഗമമുണ്ടാകും. വിദ്യാഭ്യാസരംഗത്ത് പുരോഗതിയുണ്ടാകും. ശുഭദിനം-ശനി.
അവിട്ടം

സാമൂഹികമായി വലിയ അംഗീകാരമുണ്ടാകും. യുവജനങ്ങളുടെ വിവാഹം നടക്കാനിടയുണ്ട്. സർവ്വീസിൽ നിന്നും കൃഷിയിൽ നിന്നും കൂടുതൽ വരുമാനമുണ്ടാകും. ഭൂമി വാങ്ങണമെന്നുള്ളവർക്ക് ആഗ്രഹം സാധിക്കും. പലകാര്യങ്ങളിലും ത്യാഗമനസ്ഥിതി പ്രകടിപ്പിക്കും. ശുഭദിനം -ഞായർ.

ചതയം
പലവിധത്തിലുള്ള ശ്രേയസ്സ് അനുഭവപ്പെടും. ഗ്രന്ഥകാരന്മാർക്ക് അവരുടെ രചനകൾ പ്രസിദ്ധീകരിക്കാനുള്ള അവസരം ലഭിക്കും. പുതിയ ജോലിയിൽ പ്രവേശിക്കും. മുൻപുണ്ടായിരുന്ന കടം വീട്ടുന്നതിന് ശ്രമം നടത്തും. ശുഭദിനം -വെള്ളി.
പൂരുരൂട്ടാതി
അവനവന്റെ പരിശ്രമങ്ങൾ വിജയിക്കും. എല്ലാരംഗങ്ങളിലും കർമ്മശേഷി പ്രദർശിപ്പിക്കും. ലോണുകളും മറ്റ് ക്രെഡിറ്റ് സൗകര്യങ്ങളും എളുപ്പത്തിൽ ലഭിക്കും. വിദ്യാഭ്യാസപരമായ പുരോഗതിയുണ്ടാകും. ശുഭദിനം -ചൊവ്വ.

ഉത്തൃട്ടാതി
സാമൂഹികമായും സാമ്പത്തികമായും ഉയർച്ചയുണ്ടാകും. പ്രായം കവിഞ്ഞു നിൽക്കുന്നവർക്ക് വിവാഹം തരപ്പെടാനിടയുണ്ട്. വിദേശത്തുള്ളവരിൽ നിന്ന് നേട്ടങ്ങൾ പ്രതീക്ഷിക്കാം. പരസ്യം മുഖേനയും ഏജൻസികൾ മുഖേനയും വരുമാനത്തിൽ വർദ്ധനയുണ്ടാകും. ശുഭദിനം -ശനി.

രേവതി
ഭൂമി വാങ്ങണമെന്നുള്ള ആഗ്രഹം സാധിക്കും. സന്താനങ്ങളുടെ വിവാഹത്തിന് അനുകൂല സമയമാണ്. വൈദ്യരംഗത്ത് പ്രവർത്തിക്കുന്നവർക്ക് നേട്ടമുണ്ടാകും. ആരോഗ്യനില തൃപ്തികരമായിരിക്കും. അനാവശ്യ വാക്കുതർക്കങ്ങളിൽ നിന്ന് ഒഴിഞ്ഞുനിൽക്കേണ്ടതാണ്. ശുഭദിനം -വ്യാഴം