ഷാനിമോൾ ഉസ്മാന്റെ വീട്ടിലേക്ക് മാർച്ച്

ആലപ്പുഴ: ബംഗ്ലുരുവിൽ ഫ്ലാറ്റ്​ തട്ടിപ്പുമായി ബന്ധ​പ്പെട്ട്​ ​കെ.പി.സി.സി രാഷ്​ട്രീയകാര്യസമിതി അംഗം ഷാനിമോൾ ഉസ്മാന്‍റെ വീട്ടിലേക്ക്​ പ്രവാസികളായ പരാതിക്കാ‌ർ മാർച്ച് നടത്തി​. കളക്ട​റേറ്റ്​ കവാടത്തിൽനിന്ന്​​ ആരംഭിച്ച മാർച്ച് വീടിന്​ സമീപത്തെ ജംഗ്​ഷനിൽ പൊലീസ്​ തടഞ്ഞു. ഷാനിമോളും കുടുംബവും നീതിപാലിക്കുക എന്ന പ്ലക്കാർഡ്​ ഉയർത്തിയായിരുന്നു പ്രതിഷേധം. കോടതി ഉത്തരവുണ്ടായിട്ടും ഫ്ലാറ്റുകൾ തിരിച്ചുതരാതെ ഗുണ്ടകളെ ഉപയോഗിച്ച്​ ഭീഷണിപ്പെടുത്തുകയാണെന്ന് പ്രതിഷേധക്കാർ കുറ്റപ്പെടുത്തി. പ്രവാസികളായ ജോയി പ്രസാദ്​, അഡ്വ.കെ.സി.ഫിലിപ്പ്​, അഹമ്മദ്​മുള്ള, ജോർജി ജോൺ, ജോസഫ്​ അരൂജ, ​മേബിൾ​ തോമസ്​, ജോർജ്​ ഉമ്മൻ എന്നിവർ നേതൃത്വം നൽകി.