ട്രാൻസ്‌ജെൻഡർ നിയമ ഭേദഗതിക്കെതിരെ ഹർജി

ന്യൂഡൽഹി: കേന്ദ്രസർക്കാർ കൊണ്ടുവന്ന ട്രാൻസ്ജെൻഡ‌ർ പേഴ്സൺസ് (അവകാശ സംരക്ഷണ)​ ഭേദഗതി നിയമത്തിന്റെ ഭരണഘടനാ സാധുത ചോദ്യം ചെയ്‌ത് സുപ്രീംകോടതിയിൽ ഹർജി. നാഷണൽ കൗൺസിൽ ഫോർ ട്രാൻസ്ജെൻഡ‌ർ പേഴ്സൺസ് ചെയർപേഴ്സൺ ലക്ഷ്‌മി നാരായൺ ത്രിപാഠി,​ അംഗം സൈനാബ് പട്ടേൽ എന്നിവരാണ് ഹ‌ർജിക്കാർ. ട്രാൻഡ്ജെൻഡറാണെന്ന് സ്വയം സാക്ഷ്യപ്പെടുത്തുന്നതിനെ അംഗീകരിക്കാതെ,​ മെഡിക്കൽ ബോർഡ് പരിശോധന നിർബന്ധമാക്കിയതിനെ അടക്കം ഹർജിയിൽ ചോദ്യം ചെയ്‌തു. പ്രതിപക്ഷ ബഹളത്തിനിടെ പാർലമെന്റ് പാസാക്കിയ ബില്ലിന് രാഷ്ട്രപതി ദ്രൗപദി മുർമുവിന്റെ അംഗീകാരം നൽകിയിരുന്നു.