ഈ നക്ഷത്രക്കാരാണോ, സാമ്പത്തികമായും തൊഴിൽപരമായും മുന്നേറ്റമുണ്ടാകും, പണമിടപാടുകളിൽ ശ്രദ്ധവേണം

2026 ഏപ്രിൽ 13 1199 മീനം 30 തിങ്കളാഴ്ച . ( 24 നാഴിക 21 വിനാഴിക വരെ അവിട്ടം നക്ഷത്രം ശേഷം ചതയം നക്ഷത്രം) (ഏകാദശി തിഥി 47 നാഴിക 5 വിനാഴിക വരെ), ( രാഹുകാലം 7.30 മണി മുതൽ 9 മണി വരെ )

അശ്വതി :സഹപ്രവർത്തകരുടെ സഹകരണമില്ലായ്മ, വിരഹം, സ്ഥാനഭ്രംശം, സാമ്പത്തികം അധികമായി ചിലവാകും. അനാവശ്യ ധനചെലവുകൾ ഒഴിവാക്കുക. പണമിടപാടുകളിൽ കൂടുതൽ ശ്രദ്ധ ചെലുത്തുക.

ഭരണി : വഴക്കുകൾ, അലഞ്ഞുതിരിയുക, സ്ഥാനഭ്രംശം, സാമ്പത്തിക നഷ്ടങ്ങൾ കുടുംബത്തിൽ ദോഷാനുഭവങ്ങൾ, കാർഷിക രംഗത്ത് പ്രവർത്തിക്കുന്നവർ കരുതലോടെ നീങ്ങുക.

കാർത്തിക : ലോൺ അനുവദിച്ചു കിട്ടും, ദീർഘ നാളായി കൊണ്ടുനടന്ന മോഹങ്ങൾ പൂവണിയും, ശുപാർശ, ജാമ്യം നിൽക്കൽ, ഇവ ഗുണം ചെയ്യും.

രോഹിണി : അവസരത്തിനൊത്ത് ഉണർന്നു പ്രവർത്തിക്കണം, കുടുംബ ജീവിതം കൂടുതൽ ആനന്ദപ്രദമാകും, ഏറ്റെടുക്കുന്ന കാര്യങ്ങൾ വിജയകരമായി പൂർത്തീകരിക്കാൻ സാധിക്കും.

മകയിരം : പ്രണയത്തിൽ ചെന്ന് ചാടരുത്, കുടുംബ സ്വത്ത് ലഭിക്കും. അപകടത്തിൽ നിന്നും അത്ഭുതകരമായി രക്ഷപ്പെടും, രാഷ്ട്രീയ സമ്മർദ്ദത്തിനു വിധേയമായി പ്രവർത്തിക്കും.

തിരുവാതിര : ധനവരവ്, സ്ഥാനമാനങ്ങൾ, സൗഭാഗ്യം, യശസ്സ്, കീർത്തി വസ്ത്രാഭരണലാഭം, ആദരവ് ലഭിക്കും, ഭൂസ്വത്ത് ലഭിക്കാൻ യോഗം, അനുകൂല സ്ഥലത്ത് ലഭിക്കും.

പുണർതം : ജോലി തേടുന്നവർക്ക് അനുകൂല അറിയിപ്പ് ലഭിക്കും, അന്യ വ്യക്തിയുടെ സഹായത്താൽ കാര്യങ്ങൾ നടന്നുപോകും, ഉന്നത വിദ്യാഭ്യാസത്തിനു അവസരം ലഭിക്കും.

പൂയം : വിദ്യാർത്ഥികൾക്ക് ഭാഗ്യാനുഭവങ്ങൾ, ധന ലാഭം വസ്ത്ര ലാഭം പുരസ്‌ക്കാരങ്ങൾ എന്നിവ ലഭിക്കും, ജല യാത്ര നടത്താൻ യോഗം, അവിവാഹിതർക്ക് പുതിയതും അനുകൂലവുമായ ആലോചനകൾ വരും.

ആയില്യം : സന്താനലാഭം, ഉപരിപഠനത്തിൽ മികവ് പ്രകടിപ്പിക്കും, ലോട്ടറി, ചിട്ടി, വായ്പ്പ എന്നിവ ലഭിക്കും, ഇഷ്ട ജനങ്ങളിൽ നിന്ന് സഹായ സഹകരണങ്ങൾ ലഭിക്കും.

മകം : വിദ്യാത്ഥികൾ, വീട്ടമ്മമാർ തുടങ്ങിയവർക്ക് അനുകൂലമല്ല, പൊതു രംഗങ്ങളിൽ പ്രവർത്തിക്കുന്നവർക്ക് ചില കേസുകളിലുൾപ്പെടും. അഗ്നി വിഷ സംബന്ധമായ അപകടത്തിനു സാധ്യത.

പൂരം : അനാവശ്യ യാത്രകൾ കഴിവതും ഒഴിവാക്കുക, പ്രതിസന്ധി നിറഞ്ഞ കാലഘട്ടമാണ്, ഉദ്യോഗത്തിലും വ്യാപാരത്തിലും ഉള്ളവർ വളരെയധികം ശ്രദ്ധിക്കണം.

ഉത്രം : ലഹരി പദാർത്ഥങ്ങളുടെ ഉപയോഗം നിയന്ത്രിക്കണം, അന്ധ വിശ്വാസത്തിലകപ്പെട്ടു ദിനചര്യകളിൽ വ്യതിയാനമുണ്ടാകും, എല്ലാ കാര്യങ്ങൾക്കും തടസ്സം അനുഭവപ്പെടും.

അത്തം : രേഖകളിൽ ഒപ്പുവയ്ക്കുമ്പോൾ സൂക്ഷ്മത പുലർത്തണം, ഓഹരി വിപണിയിൽ പണം നഷ്ടം വരും, അഗ്നി സൂക്ഷിക്കണം. വാക്കുകൾ സൂക്ഷ്മതയോടെ ഉപയോഗിക്കണം.

ചിത്തിര : നിഗൂഢ പ്രവർത്തനങ്ങളിൽ ഏർപ്പെടരുത്, ശത്രുവിന്റെ പ്രവർത്തനങ്ങൾ സസൂക്ഷ്മം നിരീക്ഷിക്കണം, ഇഷ്ടജന സഹവാസം ആഗ്രഹവും അഭിലാഷവും നടക്കും.

ചോതി : കർമ്മരംഗത്ത് അംഗീകാരവും അഭിനന്ദനവുംകിട്ടും, ഗൃഹം, വാഹനം എന്നിവ പരിഷ്‌ക്കരിക്കും, മാരക പ്രവൃത്തികളുടെ കുറ്റം ഏൽക്കേണ്ടി വരും.

വിശാഖം : തൊഴിൽപരമായി മുന്നേറ്റം, സാമ്പത്തിക വിഷമങ്ങൾക്ക് ശമനമുണ്ടാകും, ജീവിത പങ്കാളിയിൽ നിന്നും ഉറച്ച പിന്തുണ, ഇഷ്ട ജനത്തിൽ നിന്നും ഗുണാനുഭവം.

അനിഴം : വിദേശ ജോലിക്ക് സാധ്യത, മാദ്ധ്യമങ്ങളിൽ ശോഭിക്കും, അന്തസ് നിലനിർത്തും, വാക്ക് പാലിക്കും, കലാ സാഹിത്യ പ്രവർത്തനം മൂലം മേന്മ ഉണ്ടാകും.

കേട്ട : കലാകായിക പ്രവർത്തനത്തിലൂടെ പ്രശസ്തിയും നേട്ടവും ലഭിക്കും, നല്ല വാർത്തകൾ കേൾക്കാനിടവരും, പുതിയ കരാർ ജോലിയിൽ ഒപ്പുവയ്ക്കും, ചിരകാലാഭിലാഷങ്ങൾ പൂവണിയും.

മൂലം : പുണ്യ സങ്കേതങ്ങൾ സന്ദർശിക്കും.ശത്രുക്കളുടെ ശല്യം കുറയും, ദുരിതങ്ങളിൽ നിന്നും മോചനം ലഭിക്കും, അത്ഭുതകരമായ ഉയർച്ച ഉണ്ടാകും, ആരോഗ്യ നിലയിൽ പ്രത്യേക ശ്രദ്ധ വേണം.

പൂരാടം : പുതിയ ഉദ്യോഗം ലഭിക്കും, ഉന്നത വിദ്യാഭ്യാസത്തിനു ജാതകനും സന്താനത്തിനും സാദ്ധ്യത, കുടുംബാംഗങ്ങളിൽപെട്ടവരുടെ സഹകരണവും സഹോദര സ്ഥാനീയരുടെ സഹായവും ഇഷ്ടജന സഹായവും ലഭിക്കും.

ഉത്രാടം : കർമ്മരംഗത്തു ഉന്നതസ്ഥാനം ലഭിക്കും, കേസിൽ അനുകൂല വിധിയുണ്ടാകും, ശാന്തിയും സമാധാനവും, വിദേശ പര്യടനത്തിന് യോഗ്യത കാണുന്നു, പുതിയ തൊഴിൽ പരിശീലിക്കും, രോഗങ്ങളിൽ നിന്നും മുക്തി നേടും.

തിരുവോണം : കലാസാമൂഹിക സാംസ്‌കാരിക രംഗത്ത് സ്വന്തം വ്യക്തിമുദ്ര പതിപ്പിക്കാൻ കഴിയും, ശത്രുക്കളുമായി ഉണ്ടായിരുന്ന പിണക്കം തീരും. ശിക്ഷാനടപടികളിൽ നിന്നും മോചനം. പ്രണയബന്ധങ്ങളിൽ വിജയം.

അവിട്ടം : കുടുംബ ജീവിതം ഭദ്രമായിരിക്കില്ല, വൃത്തിയില്ലായ്മ ഉള്ളതിനാൽ കുടുംബത്തിൽ ആരോഗ്യ പ്രശ്നങ്ങൾ ഉടലെടുക്കും, ഭയം, അപമാനം, ജീവിതത്തിലെ അസ്ഥിരത, അപവാദങ്ങൾ, , സാമ്പത്തിക ബാദ്ധ്യത.

ചതയം : അന്യഗൃഹ വാസം, നേത്ര ഉദര രോഗം, വിനോദങ്ങളിൽ അമിത താത്പര്യം, ആരോഗ്യ വർദ്ധനവിന് പുതിയ ചികിത്സാരീതിയും, യോഗമുറയും അഭ്യസിക്കുക, നല്ല ബന്ധുക്കൾ, സുഹൃത്തുക്കൾ എന്നിവ ലഭിക്കും.

പൂരുരുട്ടാതി : ഭാര്യാപുത്രാദികൾക്ക് രോഗദുരിതങ്ങൾ, കുടുംബകലഹം, വീടിനും വാഹനത്തിനും കേടുപാടുകൾ, മംഗളകർമ്മ തടസ്സവും, സ്വർണ്ണം, ധനം ഇവ നഷ്ടവും, പ്രവർത്തന രംഗത്ത് പരാജയം നേരിടും.

ഉത്തൃട്ടാതി : ഭാര്യഗൃഹത്തിൽ ദോഷാനുഭവങ്ങൾ, ബന്ധുക്കളുമായി തർക്കങ്ങൾ, കലഹങ്ങൾ, അപകടങ്ങൾ, വീടു വിട്ടുപോകുക, ധനനഷ്ടം, തസ്‌കരശല്യം അന്യദേശവാസം, കുടുംബബാധ്യതകൾ.

രേവതി : മുൻകോപം, നീചപ്രവൃത്തികൾ ചെയ്യുക, ചെയ്യിക്കുക, മാതാപിതാക്കളും ഭാര്യാപുത്രാദികളുമായി കലഹം, പോലീസ് കേസ്, ജോലിയിൽ കൃത്രിമം കാണിയ്ക്കുക, സ്ഥാനചലനം, ജോലി നഷ്ടപ്പെടും, സൂക്ഷിക്കണം.