ശ്രീകൃഷ്ണപ്പരുന്തിനെ കൈവശം വച്ച റസ്റ്റോറന്റ് ഉടമയ്ക്കെതിരെ കേസ്

ആലപ്പുഴ: വന്യജീവി സംരക്ഷണ നിയമപ്രകാരം സംരക്ഷിത ഇനമായ ശ്രീകൃഷ്ണപ്പരുന്തിനെ കൈവശം വച്ചതിന് റസ്റ്റോറന്റ് ഉടമയ്‌ക്കെതിരെ കേസ്സെടുത്തു. തെക്കൻ കൈനകരിക്ക് അടുത്ത് പള്ളാത്തുരുത്തിയിലെ റസ്റ്റോറന്റിലാണ് ഉടമ ശ്രീകൃഷ്ണപ്പരുന്തിനെ അനധികൃതമായി വളർത്തിയിരുന്നത്. നിയമവിരുദ്ധമായി പരുന്തിനെ കൈവശം വച്ചതിനും വിനോദ സഞ്ചാരികൾക്ക് ഫോട്ടോയെടുക്കാൻ നൽകിയതിനുമാണ് കേസെടുത്തത്. പീപ്പിൾ ഫോർ ദി എത്തിക്കൽ ട്രീറ്റ്‌മെന്റ് ഒഫ് ആനിമൽസ് ഇന്ത്യയുടെ പരാതിയിൽ പൊലീസും റാന്നി ഫോറസ്റ്റ് ഡിവിഷനും ചേർന്നാണ് പരിശോധന നടത്തി ഉടമയുടെ വീട്ടിൽ ഒളിപ്പിച്ചിരുന്ന പരുന്തിനെ കണ്ടെടുത്തത്.