SignIn
Kerala Kaumudi Online
Thursday, 23 January 2020 1.53 PM IST

വെളിച്ചെണ്ണ വിൽപ്പന കേന്ദ്രത്തിൽ റെയ്ഡ്: പ്രമുഖ ബ്രാൻഡുകൾ പതിച്ച് കച്ചവടം തകൃതി

oil
ഉമയനല്ലൂർ പാർക്ക് മുക്കിലെ വെളിച്ചെണ്ണ നിറപ്പ് കേന്ദ്രത്തിൽ ഭക്ഷ്യ സുരക്ഷാ വകുപ്പ് ഉദ്യോഗസ്ഥ സംഘം റെയ്ഡ് നടത്തുന്നു.

കൊട്ടിയം: മതിയായ ലൈസൻസില്ലാതെ പ്രവർത്തിച്ചിരുന്ന വെളിച്ചെണ്ണ വിൽപ്പന കേന്ദ്രത്തിൽ ഭക്ഷ്യ സുരക്ഷാ വിഭാഗം നടത്തിയ റെയ്ഡിൽ നിരവധി ബ്രാൻഡുകളുടെ പായ്ക്കറ്റുകളിൽ വെളിച്ചെണ്ണ നിറച്ച് വിൽപ്പന നടത്തുന്നതായി കണ്ടെത്തി. ഇവയിൽ മിക്കതിലും രേഖപ്പെടുത്തിയിട്ടുള്ളത് ചക്കിലാട്ടിയ വെളിച്ചെണ്ണയെന്നാണ്. ഉമയനല്ലുർ പാർക്ക് മുക്കിലുള്ള ഗോഡൗണിൽ നിന്നാണ് വെളിച്ചെണ്ണയും പാമോയിലും പരിശോധനയ്ക്കായി ഭക്ഷ്യ സുരക്ഷാ വകുപ്പ് ശേഖരിച്ചത്.ഗോഡൗണിലും സമീപത്തെ വീട്ടിലുമായി ടാങ്കുകളിലായിരുന്നു വെളിച്ചെണ്ണ സൂക്ഷിച്ചിരുന്നത്. വെളിച്ചെണ്ണ നിറച്ചു വിൽപ്പന നടത്തുന്നതിനായി വച്ചിരുന്ന പ്ലാസ്റ്റിക് കന്നാസുകളും കണ്ടെത്തിയിട്ടുണ്ട്. സംശയാസ്പദമായ നിലയിലുള്ള ഒരു ഓയിലും കണ്ടെത്തിയിട്ടുണ്ട്.ഇതിന് വെളിച്ചെണ്ണയുടെ യാതൊരു ഗന്ധവുമില്ലെന്നാണ് ഉദ്യോഗസ്ഥർ പറയുന്നത്. കേരളത്തിൽ വില്പന നടത്തുന്ന നിരവധി ബ്രാൻഡുകളുടെ പായ്ക്കറ്റുകളും ലേബലുകളും ഇവിടെയുണ്ടായിരുന്നു. സാമ്പിളുകൾ ശേഖരിച്ച് തിരുവനന്തപുരത്തെ ലാബിലേക്ക് അയച്ചിട്ടുണ്ട്. തൃക്കോവിൽവട്ടം പഞ്ചായത്തിൽപ്പെട്ട മുഖത്തല ഇ.എസ്.ഐ ജംഗ്ഷനടുത്തുള്ള ഒരു കടയിൽ നിന്നും വെള്ളിയാഴ്ച ഭക്ഷ്യസുരക്ഷാ വകുപ്പ് ഉദ്യോഗസ്ഥർ അയ്യായിരത്തിൽപ്പരം ലിറ്റർ വെളിച്ചെണ്ണ പിടികൂടിയിരുന്നു. ഭക്ഷ്യ സുരക്ഷാ വിഭാഗം അസി.കമ്മിഷണർ ശ്രീകല, ഫുഡ് സേഫ്റ്റി ഓഫീസർമാരായ മാനസ, റസീമ, വിനോദ്, നോഡൽ ഓഫീസർ ചിത്ര, ഓഫീസ് അസിസ്റ്റന്റ് മോനു എന്നിവരടങ്ങിയ സംഘമാണ് റെയ്ഡ് നടത്തിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KOLLAM, VEGE OIL
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.