SignIn
Kerala Kaumudi Online
Wednesday, 27 May 2020 7.25 PM IST

കെ.എസ്.ആർ.ടി.സി ജീവനക്കാരിയുടെ ദുരൂഹ മരണം : അന്വേഷണം സി.ബി.ഐയ്ക്കു വിട്ടു

cbi-

കൊച്ചി : കെ.എസ്.ആർ.ടി.സി ജീവനക്കാരിയായിരുന്ന തിരുവനന്തപുരം സ്വദേശിനി മിനില കൃഷ്‌ണന്റെ മരണം സി.ബി.ഐ അന്വേഷിക്കാൻ ഹൈക്കോടതി ഉത്തരവിട്ടു. മരണത്തിൽ ദുരൂഹതയുണ്ടെന്നും സി.ബി.ഐ അന്വേഷിക്കണമെന്നാവശ്യപ്പെട്ട് ഭർത്താവ് തിരുവനന്തപുരം പേട്ട പാൽകുളങ്ങര സ്വദേശി എസ്. നൗഷാദ് നൽകിയ ഹർജിയിലാണ് സിംഗിൾ ബെഞ്ചിന്റെ വിധി.

2006 ആഗസ്റ്റ് 17 നാണ് മിനിലയെ ആത്മഹത്യ ചെയ്ത നിലയിൽ കണ്ടെത്തിയത്. തന്റെ മരണത്തിന് കാരണം ബന്ധുവായ വിജു എന്ന ബാബുവാണെന്ന് മിനില എഴുതിയ കത്തും കണ്ടെടുത്തിരുന്നു.

പൊലീസ് അന്വേഷണം കാര്യക്ഷമമായി നടന്നില്ല. തുടർന്ന് ഹർജിക്കാരൻ മുഖ്യമന്ത്രിക്കും ഡി.ജി.പിക്കും നൽകിയ പരാതിയിൽ അന്വേഷണം ക്രൈംബ്രാഞ്ചിന് വിട്ടു. എന്നാൽ നൗഷാദിനെ അറസ്റ്റ് ചെയ്ത് റിമാൻഡ് ചെയ്ത ക്രൈംബ്രാഞ്ച് അന്വേഷണ സംഘം ഇയാളെ ഒന്നാം പ്രതിയും വിജുവിനെ രണ്ടാം പ്രതിയുമാക്കി കോടതിയിൽ കുറ്റപത്രം നൽകി. ഇക്കാര്യങ്ങൾ വ്യക്തമാക്കി നൗഷാദ് തിരുവനന്തപുരം അഡി. സി.ജെ.എം കോടതിയിൽ മറ്റൊരു പരാതി നൽകി. തുടർന്ന് കുറ്റപത്രം തള്ളിയ കോടതി ശരിയായ അന്വേഷണം നടത്താൻ നിർദ്ദേശിച്ചു. അതേ അന്വേഷണ ഉദ്യോഗസ്ഥൻ തന്നെയാണ് വീണ്ടും അന്വേഷണം നടത്തുന്നതെന്നും കൃത്യമായ അന്വേഷണം നടക്കില്ലെന്ന ആശങ്കയുണ്ടെന്നും നൗഷാദിന്റെ ഹർജിയിൽ പറയുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CBI, MURDER CASE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.