SignIn
Kerala Kaumudi Online
Thursday, 13 August 2020 5.51 AM IST

സ്വർണക്കടത്ത് കേസ്; പൊലീസിനെതിരെ വ്യാജ വാർത്ത നൽകിയ മാദ്ധ്യമങ്ങൾക്കെതിരെ പ്രസ് കൗൺസിൽ ഒഫ് ഇന്ത്യയെ സമീപിച്ച് ഡി.ജി.പി

behra

തിരുവനന്തപുരം: സ്വർണക്കടത്ത് കേസിൽ പൊലീസിനെതിരെ വാർത്ത നൽകിയ മാദ്ധ്യമങ്ങൾക്കെതിരെ പ്രസ് കൗൺസിൽ ഒഫ് ഇന്ത്യയ്ക്ക് പരാതിയുമായി സംസ്ഥാന പൊലീസ് മേധാവി ലോക്‌നാഥ് ബെഹ്റ. പൊലീസിനെതിരെ ചില മാദ്ധ്യമങ്ങൾ വ്യാജവാർത്തകൾ നൽകുന്നുവെന്നാരോപിച്ചാണ് പരാതി. ഉന്നത ഉദ്യോഗസ്ഥർക്കെതിര വ്യാജ വാർത്തകൾ നൽകുന്നതിൽ നടപടി വേണമെന്നാവശ്യപ്പെട്ട് ഐ.ജി ശ്രീജിത്ത് ഡി.ജി.പിക്ക് പരാതി നൽകിയിരുന്നു. ഈ കത്തും വാർത്തകളും ചേർത്താണ് പ്രസ് കൗൺസിലിന് ഡി.ജി.പി പരാതി നൽകിയത്.

അതേസമയം സ്വർണക്കടത്ത് കേസിൽ ദുബായിലുള്ള ഫൈസൽ ഫരീദിനെതിരെ ജാമ്യമില്ലാ വാറന്റ് പുറപ്പെടുവിച്ചു. ഇയാളെ പിടികൂടാൻ ഇന്റർപോൾ സഹായം തേടും. സന്ദീപിന്റെ ബാഗ് നാളെയാകും പരിശോധിക്കുക. ഇതിൽ നിർണായക തെളിവുണ്ടെന്നാണ് എൻ.ഐ.എ നിഗമനം.

വ്യാജ ബിരുദ സർട്ടിഫിക്കറ്റ് ഉണ്ടാക്കിയതിൽ സ്വപ്ന സുരേഷിനെതിരായ കേസ് പ്രത്യേക അന്വേഷണ സംഘത്തിന് കൈമാറിയേക്കും. ഇന്നലെയാണ് തിരുവനന്തപുരം കന്റോൺമെന്റ് പൊലീസ് സ്വപ്നയ്ക്കെതിരെ കേസടുത്തത്. ഡോ. ജയശങ്കർ പ്രസാദിന്റെ പരാതിയിലാണ് സ്വപ്നയ്ക്കെതിരെയും പ്രൈസ് വാട്ടർ ഹൗസ് കൂപ്പർ, വിഷൻ ടെക്നോളജി എന്നീ സ്ഥാപനങ്ങൾക്കെതിരെയും പൊലീസ് കേസെടുത്തത്. വ്യാജരേഖ, വിശ്വാസവഞ്ചന തുടങ്ങിയ വകുപ്പുകൾ ചുമത്തിയാണ് കേസ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOKNADH BEHRA, DGP LOKNATH BEHERA, KERALA POLICE, GOLD SMUGLING CASE, PRESS COUNCIL OF INDIA
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.