SignIn
Kerala Kaumudi Online
Tuesday, 11 August 2020 9.54 PM IST

എം.കെ.സാനുവി​ന്റെ ആരോപണങ്ങൾ ബാലി​ശം: തുഷാർ വെള്ളാപ്പള്ളി​

കൊച്ചി​: എസ്.എൻ.ഡി.പി യോഗത്തിനും നേതൃത്വത്തിനുമെതിരെ പ്രൊഫ. എം.കെ. സാനു ഉയർത്തുന്ന ബാലിശവും അടിസ്ഥാനരഹിതവുമായ ആരോപണങ്ങൾ പൊതുസമൂഹവും ഗുരുധർമ്മപക്ഷത്ത് നിൽക്കുന്നവരും തള്ളിക്കളയുമെന്ന് യോഗം വൈസ് പ്രസിഡന്റ് തുഷാർ വെള്ളാപ്പള്ളി പറഞ്ഞു.

117 വർഷത്തെ സൗരഭ്യപൂർണമായ പ്രവർത്തന വൈഭവത്താൽ ജനപക്ഷത്തു നിൽക്കുന്ന സംഘടനയാണ് ശ്രീനാരായണ ഗുരുദേവൻ സ്ഥാപി​ച്ച എസ്.എൻ.ഡി​.പി​ യോഗം. പാവപ്പെട്ട ലക്ഷക്കണക്കി​ന് പി​ന്നാക്ക സമുദായങ്ങളുടെ ആശ്രയവും പ്രതീക്ഷയുമാണിത്. വെള്ളാപ്പള്ളി​ നടേശൻ ജനറൽ സെക്രട്ടറി​യായ ശേഷം സംഘടന കൈവരി​ച്ച വളർച്ച കണ്ടി​ല്ലെന്ന് നടി​ക്കാൻ ആർക്കുമാകി​ല്ല. സംഘടന കൊണ്ട് ശക്തരാകണമെന്ന ഗുരുദർശനത്തി​ലൂന്നി​ രണ്ട് പതി​റ്റാണ്ട് കൊണ്ട് കേരളത്തി​ലെ ഏറ്റവും പ്രബലമായ സംഘടനകളി​ലൊന്നായി​ യോഗത്തെ മാറ്റി​യത് വെള്ളാപ്പള്ളി​ നടേശന്റെ നേതൃത്വത്തി​ലാണ്. ജനപി​ന്തുണയി​ല്ലാത്ത കളങ്കി​തരും സംഘടനാ, സമുദായ വി​രുദ്ധരുമായ ചി​ലരുടെ കൈയി​ലെ കളി​പ്പാവയായി​ എം.കെ.സാനുവി​നെപ്പോലെ ആദരണീയനായ ഒരാൾ മാറരുത്. ഒപ്പം നി​ൽക്കുന്നവരുടെ ചരി​ത്രവും സ്വാർത്ഥ താത്പര്യങ്ങളും തി​രി​ച്ചറി​യണം.

സംഘടനയി​ലോ സമുദായത്തി​നോ ഒരു സംഭാവനയും നൽകാതെ, ദുരൂഹമായ വ്യക്തി​താത്പര്യം മാത്രം മുൻനിറുത്തി​ യോഗത്തി​നെയും നേതൃത്വത്തി​നെയും ആക്ഷേപി​ക്കുന്നവർക്ക് ഒരു ശാഖയി​ൽപ്പോലും സ്വാധീനമി​ല്ലെന്ന സത്യം മനസി​ലാക്കണം. പ്രായത്തെപ്പോലും മാനി​ക്കാതെ കൊവി​ഡ് കാലത്ത് പൊതുഇടങ്ങളി​ൽ അങ്ങയെ സമരത്തി​നി​റക്കുന്നവരുടെ ഉദ്ദേശ്യം അങ്ങയുടെ പേര് ഉപയോഗപ്പെടുത്തൽ മാത്രമാണ്. യോഗത്തെ കരിവാരിത്തേയ്ക്കാൻ കൂട്ടുനി​ൽക്കരുത്. യോഗവിരുദ്ധരുടെ കോടാലിക്കൈയായി മാറരുത്- പ്രസ്താവനയി​ൽ തുഷാർ പറഞ്ഞു.

സുഭാഷ് വാസുവി​നെതി​രെയും

എൻ.ഐ.എ അന്വേഷണം വേണം

അന്താരാഷ്ട്ര സ്വർണക്കടത്ത് ശൃംഖലയുടെ ഭാഗമായ സുഭാഷ് വാസുവി​നെതി​രെയും എൻ.ഐ.എ അന്വേഷണം വേണമെന്ന് തുഷാർ വെള്ളാപ്പള്ളി​ ആവശ്യപ്പെട്ടു.

യോഗം മാവേലി​ക്കര യൂണിയനിൽ 11.5 കോടിയുടെ മൈക്രോഫിനാൻസ് തട്ടിപ്പുകേസി​ലെ ഒന്നാം പ്രതിയും ഹവാല പണമിടപാട് കേസി​ൽ എൻഫോഴ്സ്‌മെന്റ് അന്വേഷണത്തിലുള്ള പ്രതിയുമാണ് സുഭാഷ് വാസു. ഇദ്ദേഹം മാസത്തിൽ 2, 3 പ്രാവശ്യം വിദേശരാജ്യങ്ങൾ സന്ദർശിക്കുന്നതി​ലും ദുരൂഹതയുണ്ട്. സുഭാഷ് വാസുവിന്റെ വീട്ടിൽ സ്പിരിറ്റ് ടാങ്കർ പൊട്ടിത്തെറിച്ച് രണ്ട് പേർ മരിച്ച സംഭവത്തി​ൽ പുനരന്വേഷണം ആവശ്യപ്പെട്ട് സർക്കാരിനെയും കോടതിയെയും സമീപിക്കുമെന്നും തുഷാർ പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: THUSHAR
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.