കീം ഡ്യൂട്ടി ചെയ്ത അദ്ധ്യാപികയ്ക്കും മകൾക്കും കൊവിഡ്

പാലക്കാട്: കഞ്ചിക്കോട് ജി.വി.എച്ച്.എസ്.എസിൽ കീം പരീക്ഷാ ഡ്യൂട്ടിയിലുണ്ടായിരുന്ന അദ്ധ്യാപികയ്ക്കും തമിഴ്നാട്ടിൽ നിന്നെത്തിയ മകൾക്കും കൊവി‌‌ഡ് സ്ഥിരീകരിച്ചു. ഇതോടെ ഡ്യൂട്ടിയിലുണ്ടായിരുന്ന അദ്ധ്യാപകരെയും 40 വിദ്യാർത്ഥികളെയും നിരീക്ഷണത്തിലാക്കി. രണ്ട് ക്ലാസ് മുറികളുടെ ചുമതലയാണ് അദ്ധ്യാപി​കയ്ക്കുണ്ടായിരുന്നത്.

മകളെ നാട്ടിലെത്തിക്കാൻ ഇവർ തമിഴ്‌നാട്ടിൽ പോയിരുന്നു. ഇതുവഴിയാവാം രോഗം ബാധിച്ചതെന്നാണ് പ്രാഥമിക നിഗമനം. 18ന് തമിഴ്‌നാട്ടിലെ ബന്ധുവിന് രോഗം സ്ഥിരീകരിച്ചതോടെ ഇവരുടെ സാമ്പിൾ പരിശോധനയ്ക്കെടുത്തിരുന്നു.