SignIn
Kerala Kaumudi Online
Saturday, 24 October 2020 3.34 PM IST

ആരോഗ്യ വകുപ്പിൽ ഇത്തവണ പൊതു സ്ഥലംമാറ്റമില്ല

order-copy-

തൃശൂർ: ആരോഗ്യ വകുപ്പിലും മെഡിക്കൽ വിദ്യാഭ്യാസ വകുപ്പിലും ഇത്തവണ പൊതു സ്ഥലമാറ്റം ഉണ്ടാവില്ല. കഴിഞ്ഞ ജനുവരിയിൽ അപേക്ഷകൾ സ്വീകരിച്ച് ഏപ്രിൽ, മേയ് മാസങ്ങളിലാണ് സ്ഥലംമാറ്റം നടപ്പാക്കാറുള്ളത്. കൊവിഡിന്റെ പശ്ചാത്തലത്തിൽ അത് നീട്ടിവയ്ക്കുകയായിരുന്നു.

കൊവിഡ് സാഹചര്യവും രോഗപ്രതിരോധ പ്രവർത്തനങ്ങളുടെ പ്രാധാന്യവും കണക്കിലെടുത്താണ് പൊതു സ്ഥലംമാറ്റം വേണ്ടെന്നുവയ്ക്കുന്നതെന്ന് ഇന്നലെ ആരോഗ്യവകുപ്പ് ഇറക്കിയ ഉത്തരവിൽ പറയുന്നു. കൊവിഡ് വ്യാപനം ശമിക്കുന്നതിന് അനുസരിച്ചുമാത്രം തുടർനടപടികൾ മതിയെന്നാണ് തീരുമാനം.

ഗുരുതരമായ ആരോഗ്യ പ്രശ്‌നങ്ങളുള്ളവർ, മാനുഷിക പരിഗണന അർഹിക്കുന്നവർ, ഭരണപരമായ സൗകര്യം എന്നിങ്ങനെ അടിയന്തര സാഹചര്യങ്ങളിൽ മാത്രം സ്ഥലംമാറ്റം പരിഗണിക്കും. അച്ചടക്ക നടപടികൾ, സ്ഥാനക്കയറ്റത്തിന്റെ ഫലമായി അനിവാര്യമാകുന്ന സ്ഥലം മാറ്റങ്ങൾ എന്നിവയും അനുവദിക്കും.

മൂന്നു വർഷം പൂർത്തിയാക്കി പലരും സ്വന്തം ജില്ലകളിലേക്കും മറ്റും മാറ്റം പ്രതീക്ഷിച്ച് ഇരിക്കുന്നതിനിടെയാണ് പുതിയ ഉത്തരവിറങ്ങിയത്. അവർക്കിത് പ്രതികൂലമാകും. പഞ്ചായത്ത്, നിയമസഭാ തിരഞ്ഞെടുപ്പുകൾ അടുത്തിരിക്കെ പെരുമാറ്റച്ചട്ടം വരുന്നതോടെ സ്ഥലംമാറ്റം അടുത്ത വർഷം പകുതിവരെയും നടക്കാൻ സാദ്ധ്യതയില്ലെന്നാണ് വിലയിരുത്തൽ.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: TRANSFER HEALTH DEPARTMENT
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.